O CaranveXornal de Seara xa está colgado en Caranvexo TV, pinchade no caranvexo para velo.
29/4/26
SAÍDA A APIPOLIS
As crianzas da etapa de Educación Infantil viviron unha experiencia única na visita a Apípolis, unha granxa especializada no mundo das abellas.
Alí realizaron diferentes actividades como cociñar galletas de mel, elaboración de velas artesanais, degustación de mel... que tiñan como obxectivo pricipal achegar aos máis pequenos/as á natureza e conciencialos sobre a importancia destes insectos no equilibrio ambiental.
.png)
ACTIVIDADES PONTEAZERO DE ABRIL
A rapazada de 4º e 5º curso participou na charla-obradoiro "Residuos Con-Ciencia: Ciclo da auga e depuración".
.png)
Charla-coloquio en 5º: "Evitando o estrago alimentario"
28/4/26
NOTICIEIROS SEMANAIS EN SEXTO
Ao longo do curso o alumnado de 6º curso estivo gravando as noticias de cada semana en Radio Seara: Noticieiros Semanais
Podedes escoitalas mirando o seguinte listado (segue para abaixo) e seleccionando as distintas gravacións no noso Ivoox.
27/4/26
PEQUENOS XORNALISTAS EN 1º CURSO
Despois da visita do xornalista Xosé Manuel, do Faro de Vigo, o alumnado de 1º converteuse en auténticos reporteiros de investigación. Animáronse a crear o seu propio xornal, titulado "Faro de Moaña", no que puxeron en práctica todo o aprendido: investigaron temas do seu contorno, realizaron entrevistas, deseñaron anuncios e descibriron que unha boa noticia debe ser actual, interesante e, sobre todo, veraz. Abaixo tedes o seu traballo.
24/4/26
MARCAPÁXINAS POLO DÍA DO LIBRO
O alumnado de 4º de Educación Infantil (3 anos) elaborou estes orixinais marcapáxinas para sinalar os seus libros favoritos.
O proceso de elaboración consistiu en clasificar flores segundo as súas cores cromáticas, escoller as que máis lles gustaban e, finalmente, ensartar contas de distintas tonalidades para completar as súas creacións.
23/4/26
23 DE ABRIL: LECTURA NO PATIO
Unha das actividade para conmemorar a Semana do Libro foi saír ao patio para desfrutar de momentos de lectura ao aire libre, no noso lugar favorito. Alí compartimos historias e fomentamos o gusto polos libros nun ambiente diferente e especial, onde todos e todas gozamos moitísimo.
VISITA DUN XORNALISTA DO FARO DE VIGO
O alumnado de 1º e 2º de Educación Primaria recibiu a visita de Xosé Manuel, xornalista do Faro de Vigo, que compartiu con eles unha charla sobre o seu traballo. Faloulles de como se buscan as noticias, como se comproban os datos e da responsabilidade e da gran importancia de contar a verdade.
A actividade resultou moi enriquecedora, tanto que o alumnado de 3º decidiu converterse en pequenos xornalistas.
OBRADOIRO DE CORRESPONSABILIDADE
O alumnado de 4º e 5º de primaria participou nun obradoiro práctico de corresponsabilidade.
20/4/26
OS NOSOS LIBROS FAVORITOS
Empezamos a Semana do Libro coa exposición dos libros favoritos do alumnado. Despois de escribir nuns grandes murais o título do libro favorito de cada un, expuxémolos nun recuncho da entrada do colexio e contamos aos compañeiros e compañeiras porque eliximos ese libro.
Grazas a tod@s por traer y compartir os vosos libros favoritos, pero, sobre todo, por contarnos por que o son, regalándonos a vosa maneira de sentir cada unha das historias.
18/4/26
SABELA FERNÁNDEZ EN SEARA
O alumnado de 1º e 2º de Educación Primaria tivo a sorte de coñecer á autora Sabela Fernández, creadora dun dos seus libros favoritos. Durante a visita, os nenos e nenas pasárono xenial facéndolle preguntas sobre a súa obra O ladrón de soños e descubrindo curiosidades sobre o proceso de creación das súas historias.
Como recordo deste encontro tan especial, todos os alumnos levaron o seu exemplar asinado pola autora, un detalle que, sen dúbida, gardarán con moito agarimo.
Moitas grazas por compartir o teu tempo e por regalarlos historias tan marabillosas.
17/4/26
5º E 6º CURSO VISITAN A COMICON DE MOAÑA
Aquí tedes unha pequena repeotaxe do alumnado de 5º de Primaria sobre a Comic-con de Moaña.
MÁIS SERES MÁXICOS GALEGOS
A rapazada de 5º de Primaria investigou sobre algúns seres máxicos galegos dos que non falamos nos calendarios. Podedes ver os seus traballos no segundo andar.
16/4/26
CERTAME DE REGUEIFAS
O mércores 15 de abril a rapazada de 5º de primaria acudiu ao Auditorio Celso Parada para participar nun novo Certame de Regueifas en compañía do resto do alumnado de 5º curso de todos os coles do concello de Moaña. Foi unha experiencia marabillosa e moi enriquecedora.
11/4/26
O ALUMNADO DE 5º CURSO APRENDE A REGUEIFAR
Na aula de quinto curso o alumnado participou nun obradoiro de regueifas con Pinto d´Herbón e Luis, O Caruncho. A rapazada iniciouse nas regueifas e a súa composición con moito ilusión grazas ao entusiasmo que lle transmitiron estes dous grandes mestres.
10/4/26
DÍA DO AUTISMO: A MAXIA DA DIVERSIDADE
A instalación " A maxia da diversidade", realizada polo alumnado de sexto con motivo do Día Mundial do Autismo, xa se pode ver nos Xardíns do Concello. Esta instalación está formada polos elementos máxicos das distintas criaturas máxicas galegas, uns elementos que fan diferentes a cada unha delas e que as definen. Alí un código QR vos leva ao audio explicativo que o alumnado gravou en Radio Seara, e que podedes escoitar máis abaixo.
9/4/26
MIGUEL ANXO ALONSO DIZ EN SEARA
Nesta ocasión foron os alumnos de terceiro os que tiveron a sorte de recibir a visita de Miguel co seu libro "Axencia Galega de Asuntos Máxicos".
8/4/26
CONCURSO TOTE BAGS CON EXPRESIÓNS GALEGAS
Cada alumno e alumna de Educación Primaria deseñou unha "tote bag" cunha frase ou expresión típicas galegas da nosa zona. Quedaron espectaculares!
7/4/26
OBRADOIRO EN CUARTO CURSO
A rapazada de cuarto participou nun obradoiro super-interesante sobre inclusión. Pinchade na foto se queredes saber máis.
.png)
Suscribirse a:
Entradas (Atom)