Participamos na iniciativa "Moaña Libre de Plásticos"

En relación co noso PDI de centro ("Camiñando cara o 2030"), tivemos a visita dunhas expertas en sostibilidade que nos falaron da importancia que ten a redución do uso e consumo de plásticos, así como de depositalos no seu lugar correspondente en vez de tiralos ao medio ambiente.

Grazas ao Concello de Moaña, por facer posible este tipo de iniciativas, tan necesarias para a natureza e para a nosa saúde.

Se queredes profundizar máis nesta proposta, pinchade aquí:

http://moana.libredeplasticos.gal/

https://www.farodevigo.es/o-morrazo/2020/12/19/moana-libre-plasticos-26511052.html?fbclid=IwAR0Q739OWckIscPXXV9WzYhg0sXo7WMKZlVV4fqIqA6M1d8Ry1xCMSU3l8s

OS EXPERIMENTOS DE 4º DE PRIMARIA

 O alumnado de cuarto curso levou dous experimentos aos compañeiros/as de segundo. 

O primeiro deles consistiu en meter dentro dun vaso un papel arrugado de xeito que non caia se se lle dá a volta. Colleron ese vaso e metérono boca abaixo nun caldeiro con auga. Se vai dereitiño o papel non se molla pois quedou aire dentro, e ao torcelo sae o aire, entra a auga e móllase o papel. O aire ocupa un espazo. 

Experimento 2: nun prato cunha pouca auga puxeron unha candea acesa e tapárona cun vaso. Primeiro apágase a candea por falta de osíxeno e despois a auga do prato pasará a dentro do vaso e fará que a candea se eleve pola diferencia de presión. 

Bo traballo cuarto!! Seguro que os vosos compis gozaron un montón cos experimentos!! 

LECTURAS PARA SOÑAR

Como cada ano así que se achega o Nadal, compartimos con vós as guías de lectura elaboradas pola coordinadora dos Equipos de Dinamización Lingüística do Morrazo.  

O lema deste ano é "Move o corazón da túa vila, visita a túa libraría". Un lema realmente fermoso e que cobra máis significado nestes momentos que vivimos. Así que animámosvos a mercar nas librarías que tedes preto da casa onde vos recomendarán contos que vos encantarán e o trato será máis achegado. Ademais, contribuirás a reducir a túa pegada de carbono... todo son vantaxes! 

As guías que o alumnado levou para a casa están cheas de novidades e adaptadas segundo as diferentes idades para que vos sexa máis fácil elixir. Searín xa está tomando nota dos libros que nos faltan na biblio para agasallarnos con eles á volta do Nadal. 

Este Nadal comparte lecturas cos teus, soñade xuntos. 

O alumnado de quinto aprende a traballar coa radio

Neste mes de decembro, as clases de quinto tiveron unha xornada de formación en radio da man de Radio Espora. Distribuídos por grupos, iniciáronse no manexo da tecnoloxía radiofónica e gravaron varios programas distintos.

O EXPERIMENTO DE SEXTO DE PRIMARIA

O alumnado de 6º curso levoulle aos compañeiros/as de 4º varios experimentos cos que sen dúbida quedaron abraiados, pois molan un montón! Aquí tedes as fotos do día que realizaron a demostración dos experimentos así como a presentación onde explican o paso a paso do proceso e os materiais que necesitaron. 

Parabén polo traballo sexto! Cantas cousas aprendemos na Semana da Ciencia, non si?       

SEARÍN EN FORMATO 3D

Por fin comezamos a usar a impresora 3D! Aínda que chegou á biblio no segundo trimestre do curso pasado, co confinamento non puidemos gozar dela ata agora.

E como non podía ser doutra maneira, o primeiro que imprimimos foi a nosa mascota "Searín". Aproveitando que necesitabamos un cuño para selar os eco-retos que imos conseguindo, utilizamos tapóns de deterxente aos que pegamos a cabeciña de Searín e....voilá! Maxia! 

A que quedou xenial o noso selo de Searín? El está encantado de ser o protagonista dos nosos carnés e aparecer neles cada vez que logramos un eco-reto!. 

Obradoiro de radio con Charo Pita

A semana pasada o alumnado de sexto curso tivo a sorte de asistir ao obradoiro "Teatro lido" da escritora e narradora Charo Pita. Entre os obxectivos da formación están a animación á lectura colectiva en voz alta, expresar as emocións a través da voz ou fomentar o coñecemento da voz e do corpo como instrumentos comunicativos.  Así pois, o alumnado coñeceu técnicas e obtivo ferramentas para mellorar a comunicación en diferentes contextos, entre eles, a radio escolar. 

Aquí tedes un vídeo do resumo da sesión. Seguro que o alumnado de sexto aproveitou ao máximo a formación e nos sorprende en breve en Radio Seara poñendo en práctica as súas aprendizaxes. 

OS EXPERIMENTOS DE 5º DE PRIMARIA

Os cursos de 5º A e 5º B prepararon varios experimentos para o alumnado de 3º. Entre eles están os chamados " A auga que non cae", "Inchando sen soplar" "Superovo" ou "Volcán". Foron rexistrando o proceso de investigación nunhas fichas nas que anotaron os materiais que necesitaban para poñelos en marcha, a hipótese do que podería pasar ao realizar o experimento e o paso a paso.

Seguro que aos nenos e nenas de terceiro lles encantou ver o resultado!! Parabéns polo traballo, quinto!! 

Experimentos 5º de primaria

Leer más publicaciones en Calaméo

A continuación preme en cada liña subliñada abaixo para acceder ao vídeo da explicación de cada experimento. 

EXPLICACIÓN EXPERIMENTO SUPEROVO

EXPLICACIÓN EXPERIMENTO LÁMPADA DE LAVA 

EXPLICACIÓN EXPERIMENTO INCHANDO SEN SOPRAR

EXPLICACIÓN EXPERIMENTO A AUGA QUE NON CAE

O EXPERIMENTO DE 3º DE PRIMARIA

O alumnado de 3º explicoulle ao 1º curso como actúa o xabón contra o Covid-19. No seu blog podemos acceder á información detallada do proceso e ao vídeo que gravaron onde nos explican paso a paso a importancia do uso do xabón para coidar a nosa saúde. 

Seguro que o alumnado de 1º entende mellor agora porque é tan importante lavar ben as mans! Parabéns polo traballo terceiro!!

Preme aquí para acceder á entrada  no seu blog : BLOG DE TERCEIRO

O EXPERIMENTO DE 6º DE INFANTIL

Os nenos e nenas de 6º de Infantil demostráronlle ao alumnado de 6º de primaria que pasa cando pos unha flor cos pétalos pechados na auga. Pouco a pouco estes vanse abrindo ata poder presenciar finalmente a flor completamente aberta. Isto é debido a que a auga pasa a través das fibras do papel e fai que este se inche e se estire ata abrirse. O proceso polo que a auga sobe polo papel chámase acción capilar ou capilaridade. 

Seguro que os maiores gozaron un montón co experimento! Parabéns ao equipo vermello de infantil polo traballo!! 

O EXPERIMENTO DE 2º DE PRIMARIA

Durante a realización dun traballo relacionado co aniversario do afundimento do Prestige, o alumnado de 2º reparou en que o fuel que transportaba flotaba na agua do mar. Descubriron que os líquidos na natureza están organizados en función do seu peso e do espazo que ocupan, é dicir, a súa densidade.

Así que decidiron mostrarlles ás nenas e nenos de 4 anos de infantil o que ocorría se introducían nunha botella con moito coidado xabón, auga e aceite. O resultado foi que os líquidos permanecían sen mesturarse, organizados tal e como os botaran ao comezo.

Seguro que aos pequerrechos e pequerrechas lles encantou ver o resultado! Parabéns polo traballo, segundo!!

O EXPERIMENTO DE 1º DE PRIMARIA

 "Flota ou non flota" foi o experimento realizado polo alumnado de 1º de Educación Primaria ao curso de 5º de Educación Infantil.

O experimento consistiu en probar se unha serie de obxectos flotaban ou non: papel, lapis, clip, cores ou palillos foron algúns dos elixidos. 

Os pequenos probaban e os maiores anotaban. Despois propuxéronlle un reto: intentar darlle forma a unha pequena bóla de plastilina para que flotara na auga. Conseguírono coa axuda dos maiores!!