OS ALUMNOS DE 5º CURSO APRENDEN A TRABALLAR COA RADIO

Chegou por fin a xornada de formación en radio para o alumnado con Javier Prado de Radio Espora. Os elixidos foron os alumnos/as de 5º curso, pero sempre coa idea de “formación en cascada”, para que sexan eles os que formen despois aos seus compañeiros máis pequenos. Coa guía de Javier o alumnado de 5º gravou varios programas distintos: o conto “A que sabe a lúa?”, dous programas falando do concello de Moaña e do noso colexio, e outros dous “Agora leo” e “Tardes entre libros” onde recomendan e dan opinións de libros. Podedes escoitalos máis abaixo:

BOOKTUBERS DE SEARA: RECOMENDACION DE EVA E UXÍA

O alumnado de sexto curso leu o libro "Siete reporteros y un periódico", Eva e Uxía dannos a súa opinión sobre el.

CONTOS CLÁSICOS COS ESCORNABOTS

Novo panel de escornabots en 4º curso: A partir dunhas tarxetas coa súa descrición identifican ós protagonistas dos contos clásicos.

RECREOS NA BIBLIO DESTE 2º TRIMESTRE

Os grandes triunfadores deste trimestre na biblio foron os xogos de mesa como ben podedes comprobar neste vídeo

MES DO LIBRO: ENTREVISTA A IAGO LÓPEZ EN RADIO SEARA

Aproveitando a visita que coma contacontos fixo o escritor Iago López para o alumnado de 1º e 2º; Saínza e Lucas, de 3º curso, e Sabela e María, de 4º, aproveitaron para entrevistalo en Radio Seara.

EMPEZAMOS O MES DO LIBRO: CONTACONTOS DO LOBO CON BOTAS

Os rapaces de 1º e 2º tiveron a sorte de contar coa visita do escritor Iago López, nesta ocasión non viña a contarnos ningún dos seus libros, senón O lobo con botas, do Hematocrítico. Coma sempre espectacular!

ESCORNABOTS E MONUMENTOS DE MOAÑA

Estes paneis sobre os Monumentos de Moaña fixéronse coma complemento á saída que dentro do programa "Aprende Moaña" realizou o alumnado de terceiro curso.

Se querelles saber máis sobre a saída que realizaron os de terceiro podedes pinchar no seguinte enlace que vos leva ó seu blog:

https://searaterceiro.blogspot.com/2019/04/visita-aos-monumentos-de-moana.html

MES DA POESÍA: COMPIPOEMARIO EN 5 ANOS

Os rapaces de 5 anos elaboraron este precioso poemario do que xa temos unha copia na biblioteca.

Compipoemas

2 DE ABRIL