Varias alumnas de 6º curso, logo de aprender a historia de España do S.XX déronse conta de que non existe ningún formato audiovisual sobre este tema na nosa lingua. Así que botaron man da súa imaxinación, moito esforzo e traballo e elas mesmas crearon "A historia do S.XX" en galego.
A verdade é que non podemos sentirnos máis orgullosos do seu traballo e é que o resultado final non é para menos. Parabéns rapazas!!
Durante este curso o alumnado de 2º estivo inmerso nun proxecto titulado "As árbores de Seara". Seguindo o PDI do centro e centrándose no ods 15, esta actividade consistiu en identificar as árbores que temos no patio, investigar sobre elas e gravar uns pequenos vídeos explicativos de cada unha delas. Esa explicación foi vinculada a un código QR.
Ademais, coa axuda dos maiores, deseñaron os nomes das árbores para poder imprimilos en 3D e por fin, lixaron e pintaron un panel informativo de madeira que o profe Iago construíu para poder colocar ao lado de cada árbore e incluír nel o código QR e a etiqueta en formato 3D.
Agora todas as persoas que visiten o noso centro poderán saber máis sobre as nosas árbores.
Foi un traballo moi interesante e bonito!! Moitos parabéns, segundo!!
Xa está aquí a última entrega do programa "Aventureiras intrépidas" deste curso 2020/21. Unha vez máis, o alumnado de terceiro subiu á radio para achegarnos unha nova muller que marcou un antes e un despois para a súa época: Mary Kingsley.
A exploradora e escritora viviu aventuras moi perigosas arriscando a súa vida, mais a súa intelixencia e valentía valéronlle para continuar coa súa paixón sen decaer en ningún momento.
Vaivos encantar este novo episodio, pois está cargadiño de curiosidades e viaxes cheas de peripecias.
Parabéns unha vez máis terceiro, polo gran traballo que fixestes!!
Moitas grazas por este programa fascinante!!
Foi xenial poder asistir a todo o proceso e seguramente o noso alumnado volva acoller de novo o próximo curso a estes bechos tan singulares.
O alumnado de terceiro saíu neste último mes a coñecer os monumentos que hai espallados pola vila da man do artista moañés Lito Portela. Despois desta visita, repasaron todo o que aprenderon xogando cos escornabots. Sen dúbida, unha forma moi interesante e divertida de poder interiorizar mellor todos os coñecementos que asimilaron durante a saída.
Hoxe, o alumnado de 5º B tivo un encontro lector a través do Webex con Ledicia Costas, a autora do libro no que se mergullaron este curso "A señorita Bubble". Con ela falaron sobre os protagonistas da historia, compartiron opinións e puideron resolver dúbidas e preparar o camiño para a continuación desta historia tan divertida na súa segunda parte.
Moitas grazas Ledicia, por compartir con nós este momento!
En música, os cursos de 4º e 5º de primaria estiveron nas últimas semanas enfrascados na construción de instrumentos musicais. Así, contribuíndo ao ODS 12 realizaron un instrumento moi peculiar chamado "marañola", pois é unha mestura entre unha maraca e unha castañola. Fixémolo con cartón e tapóns e decorámolo con papeis de cores. Agora xa teñen un instrumento máis para acompañar cancións e realizar ritmos.
Aquí tedes o paso a paso e o resultado final. Animádevos a facelas!
Os rapaces e rapazas de terceiro estiveron lendo durante este trimestre o itinerario lector "As aventuras de saltón no camiño" de Arnold Lobel. Gustoulles tanto que imaxinaron e escribiron outras aventuras que podería vivir Saltón. Así pois, subiron á radio para poder contárnolas a todos.
Seguro que despois de escoitar as súas aventuras te animas a ler o libro que ten Searín na biblio.
Bo traballo rapazada!!
Os pequechos e pequechas de 1º teñen unha imaxinación extraordinaria, así que quixeron aproveitala para realizar entre todos un conto de creación propia chamado "Historias de Seara". Non só o escribiron e ilustraron, senón que ao igual que a eles lles gusta moito que lle conten contos, subiron á radio para gravalo e así poder contárvolo a todos vós.
O resultado é xenial. Escoitade, escoitade!
Parabéns polo traballo 1º!!
Ao longo de todo o curso, o alumnado estivo moi implicado en conseguir os Eco-retos que se propoñían cada mes. Cada un deles, tiña como obxectivo concienciar á rapazada da importancia de coidar e respectar o medio ambiente.
Así por exemplo, en novembro, nos comprometemos a usar botellas reutilizables para a hora da merenda. Desta maneira, reduciríamos o consumo de plástico de un só uso.
O alumnado de sexto estivo nas últimas semanas inmerso no ODS 15 "Vida de Ecosistemas Terrestres" realizando uns marabillosos herbarios para os que precisaron investigar, recoller mostras das plantas seleccionadas e apuntar e resumir toda a información. O resultado vai ser exposto na próxima semana na biblioteca, para que o resto do alumnado do centro poida velo e tamén aprender máis cousiñas sobre a flora que nos rodea.
Aquí tedes só unha pequena mostra do espectaculares que quedaron os herbarios!!
Parabéns polo traballo sexto!!
Chegou xuño, o bo tempo e con el unha das actividades que xa tiñamos programadas dende hai tempo para celebrar o Día dos Océanos . Baixo o lema "O mar comeza aquí" e en colaboración co Concello de Moaña, o noso alumnado comezou a realizar unha actividade que ten como obxectivo concienciar ás persoas da nosa vila e a aquelas que a visitan, da importancia de non tirar lixo na rúa, pois é probable que acabe no mar. Así pois, moitos dos sumidoiros que rodean o noso colexio comezaron a tinguirse de cores xunto á devandita frase para chamar a atención de todos os transeúntes.
Oxalá sexamos capaces de crear conciencia e deixemos de ver lixo coándose polos buratos dos sumidoiros, e así os nosos mares e océanos poidan estar libres de residuos contaminantes.
Aquí tedes unha mostra do alumnado de 5º e 6º, pois foron os primeiros en comezar!
Parabéns polo traballo, rapazada!!
O certo é que foi un encontro moi ameno no que os nosos nenos e nenas aprenderon un montón de cousas interesantes.
Grazas Odilo!!
E por fin chegou xuño! e con el un novo reto.
Atrevédesvos a coidar da nosa Terriña?
CADA ACCIÓN CONTA!
💚
Todos estabamos desexando que chegara unha nova entrega do programa "Aventureiras intrépidas". Despois de ter a oportunidade de coñecer mellor a Wangari Maathai e Nelly Bly, o alumnado de 3º volveu subir á radio para agasallarnos coa historia doutra muller valente que marcou historia: Amelia Earthart, a muller piloto máis famosa de todos os tempos.
Preparados para gozar coa traxectoria desta muller tan interesante? Preme no reprodutor e quédate ata o final!
Parabéns polo traballo, terceiro!
