RECREOS NA BIBLIOTECA

Dende o equipo da biblioteca gustaríanos compartir con vós algunhas fotos feitas ao longo deste primeiro trimestre e que reflexan como pode ser un recreo calquera na Biblioteca de Seara:

RECOMENDACIÓNS LECTORAS POLO NADAL

Aquí tedes as guías deste ano para Infantil e Primaria, realizadas coa colaboración dos equipos de Dinamización Lingüística do Morrazo.

AS AXUDANTES PREPARAN EXPOSICIÓN DE LIBROS RELACIONADOS CO NADAL

As novas axudantes de 5º seguen a dar mostras da súa iniciativa e dedicación: preparando unha pequena exposición de libros relacionados co nadal.

A CIENCIA NOS XORNAIS

Os rapaces de 1º, 3º e 4º buscaron noticias relacionadas coa Ciencia nos xornais. O seu traballo plasmouse nestes murais:

NOTICIAS CIENTÍFICAS DA HISTORIA

O alumnado de 6º realizou unha línea do tempo coas noticias científicas máis importantes da historia da humanidade.

MURAIS CONTRA A VIOLENCIA DE XÉNERO

25 de NOVEMBRO

CÁLCULO MENTAL COS ESCORNABOTS

Practicamos por turnos sumas e restas levando os ESCORNABOTS ata a solución:

STOPMOTION: A POUSADA DO VAMPIRO

Os rapaces de cuarto gravaron unha historia de medo terrorífica:

ANALIZANDO NOTICIAS CIENTÍFICAS COS ESCORNABOTS

Despois de buscar noticias científicas nos xornais, observar a súa estructura e aprender as preguntas clave ás que responden, o alumnado de 2º e 3º  practicou estes conceptos nos distintos taboleiros que preparamos para mover os escornabots. Un deles era das partes de calquera noticia nun xornal, o outro das preguntas as que responde unha noticia (no caso destes pequenos so vimos as catro principais: que, quen, cando e donde).

BIBLIOTECA CREATIVA. OS ESCORNABOTS

Este curso o noso colexio foi un dos seleccionados para participar no proxecto Biblioteca Creativa así que temos na nosa Biblioteca uns novos amigos: Os escornabots.
O primeiro paso que tiveron que dar os profes para comezar a traballar con eles foi montalos, como podedes ver no vídeo.

VISITA DUN XORNALISTA

E seguimos aprendendo sobre os medios de comunicación ...
O xornalista de EUROPA PRESS, Mauro Bastón, estivo no colexio explicándolle ao alumnado de primero e segundo en que consiste o seu traballo.
Falou  dos medios que utiliza para conseguir as noticias, das distintas tarefas que ten que facer, das oficinas nas que traballa e, sobre todo, dos pasos que ten que seguir para elaborar unha noticia: selección do tema, fontes onde consegue a información, expertos aos que consulta, redacción do texto e publicación.
Tamén fixo fincapé na importancia da publicidade na supervivencia dos xornais.

O PAPAGAIO NA BIBLIOTECA

No MES DA CIENCIA EN GALEGO NAS BIBLIOTECAS lembrámosvos que este curso seguimos a contar na nosa Biblioteca co xornal "O Papagaio", escrito especialmente para nenos e nenas, con temas de actualidade, banda deseñada e seccións de noticias relacionadas coa ciencia.

EXPOSICIÓN DE LIBROS DE CIENCIAS NA BIBLIOTECA

Moitos son os libros relacionados coa Ciencia que temos na nosa Biblioteca, así que os encargados tiveron a idea de expoñer unicamente os que teñen a palabra CIENCIA na súas portadas.

TEXTOS: POLO SAMAÍN ENTREVISTAMOS AOS AVÓS E AVOAS DE SEARA

Outros dos nosos alumnos trouxeron as entrevistas aos avós por escrito. Podedes ver as respostas na seguinte presentación. Moitísimas grazas ás familias pola vosa colaboración.

AUDIOS: POLO SAMAÍN ENTREVISTAMOS AOS AVÓS E AVOAS DE SEARA

Algúns alumnos fixeron de xornalistas radiofónicos. Aquí tedes os audios que grabaron preguntando aos seus avós e avoas, solo tedes que clicar neles. Novamente moitas grazas a todas as familias.

Carla, 5º curso, e a súa avoa:

Yaiza, 5º curso, e a súa avóa:

Saray Fontenla, 5º curso, e a súa avóa:

Isa, 5º curso, e a súa avóa:

A avoa de Aroa, 4º curso:

Os avós de Elena e Ruth non son galegos, pero tamén nos contaron como celebraban estas datas:

Elena, 5º curso, e a súa avoa:

Ruth, 5º curso, entrevista súas dúas avoas e o seu avó:

VÍDEOS: POLO SAMAÍN ENTREVISTAMOS AOS AVÓS E AVOAS DE SEARA

Meténdonos de cheo no proxecto  "Comunicando" pedimos aos nenos que fixeran de xornalistas  e preguntaran aos seus avós e avoas como eran antes estes días.
Descubrimos que cando eran pequenos non celebraban o Samaín, celebraban o Día de Defuntos:  todos ían ao cemiterio a limpar e poñer flores, a maioría oían misa, ceaban todos xuntos bacallao con verduras e de postre tomaban castañas, mazáns asadas e chulas de cabaza,  ademáis esa noite deixaban a mesa sen recoller por se viñan os mortos a cear, poñían velas dentro da casa, e algúns, os máis rebuldeiros, facían caliveras coas cabazas e as poñían nos camiños para asustar á xente.
Queremos agradecer a todas as familias a vosa colaboración, moi especialmente aos avós que tan amablemente se prestaron a ser entrevistados. Intentaremos colgar no blog a maioría de vídeos, audios e entrevistas escritas que nos fixestes chegar, nalgún caso no será posible por dificultades técnicas. Novamente moitas grazas a todos!

Avoa de Malena:

Avós de Xián:

Avó de Leire:

Avós de Manuel e Julia:

Avoa de Lúa e avós de Tomé:

Avoa de Alba e Marcos:

Avoa de Hugo:

Avoas de Borja:

Avoa de Iria e Daniel:

Avoas de Paula, de 4 anos, Lorenzo, de 1º curso, Hugo, de 3 anos, Martín, de 2º curso, Desi, de 1º e Ariana de 2º:

SAMAÍN: TERROR CON SCRATCH EN CUARTO

O alumnado de 4º iniciouse na programación con Scratch, aquí podedes ver un dos seus primeiros traballos.

SAMAÍN EN SEARA

Un ano máis as terroríficas cabazas encheron os corredores... Que medo!

LIBROS DE MEDO NA BIBLIOTECA

Son tantos os libros de medo que temos na nosa biblioteca que non cabían todos na exposición, así que preparamos a pequena presentación que tedes abaixo... Xa sabedes, están todos na biblioteca!

   

MOCHILAS VIAXEIRAS EN MARCHA!

Algúns dos nosos axudantes de biblioteca repartiron polas aulas as mochilas viaxeiras deste curso. Que ledicia a da maioría ao recibilas!

24 DE OUTUBRO. DÍA DAS BIBLIOTECAS ESCOLARES

Con motivo do Día das Bibliotecas Escolares pedímoslle a nenos e nenas de todos os cursos que nos falaran da biblioteca do cole e dos libros que lles gustan. Abaixo tedes os vídeos, dende os maiores aos máis pequenos.

ABRE A BIBLIOTECA!

Por fin chegou o 1 de outubro! E a nosa biblioteca abriu de novo as súas portas! Como acto de inauguración expusemos no corredor os debuxos que todo o alumnado fixo sobre o seu programa favorito de televisión, o medio de comunicación sobre o que todos tiñan algo que dicir. Abaixo tedes unha pequena mostra, pero no corredor podedes velos todos.

OS NOVOS LECTORES DE SEARA

Os novos lectores de Seara xa teñen os carnés para poder descubrir e gozar de tódolos libros da nosa biblioteca.

AXUDANTES DA BIBLIOTECA

Presentámosvos aos axudantes de biblioteca deste curso, estamos seguros de que o farán xenial:

COMUNICANDO

Comeza un novo curso, e con el un novo proxecto no noso colexio. Este ano os medios de comunicación serán os protagonistas: xornais, radio, televisión... Todo o que imos facer e aprender!
Internet e os noso blogues serán os nosos aliados para dar a coñecer o traballo que imos facer...
SEARA...COMUNICANDO!

COMEZAN AS VACACIÓNS!

Xa estamos de vacacións e dende a biblioteca queremos desexarvos que gocedes moito delas: é tempo de praia, de xogos, de pasar tempo con familia e amigos, de comer xeados... e de libros . O verán é tempo de gozar dos libros e contos, non vos esquezades porque "para viaxar non hai mellor nave ca un libro".

MORRE O ESCRITOR XAVIER P. DOCAMPO

Hoxe faleceu un dos referentes en literatura infantil e xuvenil galega, Xavier P. Docampo. Gañador de multitude de premios, entre eles o Premio Nacional de Literatura Infantil, foi mestre, escritor, guionista, actor e promotor da lingua e cultura galega.
Na nosa biblioteca contamos con infinidade dos seus libros: O misterio das badaladas, Bolboretas, A nena de Auga e o príncipe de lume, O armario novo de Rubén, De cores e de amores, O país durminte, etc. Non deixedes de gozar deles!

REPORTAXE SOBRE A EXPOSICIÓN "OS CONTOS E A CIENCIA"

Os rapaces de sexto gravaron esta reportaxe sobre a nosa exposición da biblioteca para colaborar co Concello na posta en marcha da Televisión Escolar de Moaña.

MARÍA CANOSA EN SEARA

O martes tivemos a visita da escritora María Canosa que falou co alumnado de sexto do seu libro "Muriel", que o os nenos/as leron este curso.

O NOSO FARO DA ESCOLA

Hoxe saiu publicado o noso Faro da Escola. Xa todos temos o noso exemplar.
Noraboa a quinto e sexto polo bo traballo realizado!

MALETA VIAXEIRA "MIRANDO AO CEO"

De Vigo chegounos unha mochila con libros sobre o Universo e o Sistema solar. Interesantísima!

MAIO: MES DAS LETRAS GALEGAS III

Os nenos e nenas de 4º de Primaria escribiron en grupos unha pequena obra de teatro coa finalidade de representala no festival das Letras Galegas. Con esta actuación poñen en valor o uso da lingua galega na escritura creativa e tamén na temática científica xa que o texto reflexa o traballo realizado durante o curso dentro do proxecto común de centro " Seara Experimentes ".

MAIO: MES DAS LETRAS GALEGAS II

Os nenos e nenas de 2º de Primaria animan á lectura en galego representando o ben coñecido conto "Artur e Clementina " adaptando o texto ao diálogo teatral.

MAIO: MES DAS LETRAS GALEGAS I

Coñecemos a Mª Victoria Moreno a través dos seus contos.
En 1º de Primaria teatralizaron o conto " O Cataventos ", texto narrado a modo de fábula que nos fala das consecuencias dun comportamento autoritario e prepotente.
En 3º de Primaria representaron unha adaptación teatral do conto "A festa no faiado ". Este texto fálanos da amizade dunha boneca e dos animais que a visitan no faiado da casa que habita, propiedade dun matrimonio un tanto particular.

LETRAS GALEGAS: Mª VICTORIA MORENO

Este ano o Día das Letras Galegas adícase á escritora Mª Victoria Moreno, quen chegou á Galiza con 22 anos e descubriu a beleza da nosa lingua. Por iso escribiu en galego multitude de libros para nenos e adolescentes. Na nosa biblioteca podedes atopar moitos deles.

MALETA "A VIDA DAS PLANTAS"

Gozando da maleta viaxeira "A vida das plantas"

ANTONIO GARCÍA TEIJEIRO EN SEARA

O 30 de abril o alumnado de terceiro e cuarto tivo a sorte de contar coa visita do poeta Antonio García Teijeiro, Premio Nacional de Literatura Infantil e Xuvenil no 2017 polo seu libro "Poemar o mar", o primeiro libro de poemas que forma parte do itinerario lector da nosa biblioteca e que nos serviu de grande inspiración no mes da poesía.

DÍA DO LIBRO: OS CONTOS E A CIENCIA

O 23 de abril inauguramos na nosa biblioteca a exposición "Os Contos e a Ciencia". Nela podemos ver o traballo realizado nas distintas aulas e a íntima relación que hai entre a Literatura e a Ciencia.
O alumnado de tres anos chegou ao mundo dos sentidos a través do conto de "Carapuchiña vermella". Os nenos e nenas de catro e cinco anos traballaron as cores, as súas mesturas e a importancia da cor branca a través de dous  libros: "Cores" de Hervé Tullete e "O branco non pinta" de Antía Otero e María Brenn.
En primeiro curso, e a través dos libros de Eric Carle, aprenderon sobre os artrópodos. En segundo, co libro de "Alicia no país das marabillas", as proporcións.
En terceiro, descubriron "Pinocho" e a súa relación cos autómatas, os robots e o libro "Fred Quincalla" de Teresa González Costa. En cuarto, con "O Principiño" aprenderon cousas dos planetas, as plantas e as flores, a migración das aves e a imaxinación.
O alumnado de quinto con "Peter Pan" investigou entre outras cousas sobre o volume, a masa e a razón pola que Peter Pan podía voar. E en sexto sorprendéronse ao descubrir como Xulio Verne foi un adiantado ao seu tempo e a moitos descubrimentos científicos.
E tampouco podemos esquecer a espectacular nave que nos fixo a profe Jeny e onde expusemos todos os libros relacionados co sistema solar e o universo.
Non vos perdades as fotos e noraboa a todos polo voso traballo!

Contos e Ciencia

CHARLA DA CIENTÍFICA Mª HELENA RODRÍGUEZ SOBRE OS PARASITOS

O venres 20 de abril recibimos en Seara a visita de Mª Helena Rodríguez Domínguez, que é cientifica no Instituto de Investigacións Mariñas do CSIC, e é tamén tía de Ada. A súa charla sobre "Os Parásitos. Curioso xeito de vivir xuntos" foi do máis interesante e os alumnos de 4º, 5º e 6º aproveitarona moito. Moitas grazas, Helena.

              

TERESA GONZÁLEZ E "FRED QUINCALLA, O NÓMADE DO MAR"

A escritora  Teresa González faloulle aos alumnos de terceiro e cuarto sobre o seu último libro "Fred Quincalla, o nómade do mar". Estivo encantada cos traballos que fixeron os nenos e contoulles como se lle ocurriu a idea do libro. Ademais quedou abraiada da relación que os nenos de terceiro atoparon  co libro de "Pinocho", porque ela tamén vía esa relación.

POEMANDO NA ESCOLA: AS NOSAS CREACIÓNS

 Entre o noso alumnado hai grandes poetas e poetisas.

poemando-creacións

POEMANDO AUTORES

Os máis pequenos do colexio ilustraron poemas, completaron, recitaron, copiaron e ata fixeron uns fermosos caligramas con poemas de Manuel María.

Poemando-pequenos

ACRÓSTICOS

Os acrósticos tiveron gran éxito, e aos nenos e nenas de Seara déuselles moi ben crealos.

poemando acrósticos

POEMANDO NA ESCOLA

Colléndolle emprestado o título a Antonio García Teijeiro do seu libro "Poemar o mar" (Premio Nacional de Literatura Infantil e Xuvenil  e o último itinerario lector incorporado á nosa biblioteca), as actividades do Mes da Poesía recibiron o nome de "Poemando na escola". Así o alumnado, nas distintas clases, escribiu poemas (tanto de creación propia coma de autores coñecidos), acrósticos, caligramas, os máis pequenos debuxaron ou completaron... Queriamos que a primavera chegase a escola da man da poesía.
O resultado: o corredor do primeiro andar encheuse de primavera, con flores e poemas en cada recuncho.

Poemando na escola

21 DE MARZO: DÍA DA POESÍA

Celebramos o Día da Poesía invitando ao alumnado a recitar poemas na Biblioteca durante a hora do recreo. Aquí tedes un pequeno resumo do acontecido:

VISITA DE JACOBO FERNÁNDEZ SERRANO, O AUTOR DE MARCOPOLA

Hoxe venres visitounos o creador de MARCOPOLA para contarnos moitas cousas dos seus personaxes. Pareceunos un mago usando os rotuladores, coma se nada debuxaba e debuxaba os personaxes que máis nos gustan dos seus comics. Gozamos moito desta xornada co artista e ao final asinou os nosos libros.

CONTACONTOS: O GALO TRAGANOCES

Algunhas alumnas de cuarto utilizaron o teatriño da Ludoteca para preparar o contacontos de "O galo traganoces". O alumnado de infantil disfrutouno moito

MULLERES CIENTÍFICAS EN SEGUNDO CURSO

O alumnado de segundo investigou sobre algunhas das mulleres científicas máis importantes da historia.

FALAMOS COA ENXEÑEIRA SONIA VALADARES

O 9 de marzo visitounos a enxeñeira Sonia Valladares. Non solo nos falou do seu interesante traballo, tamén nos deu unha marabillosa charla sobre mulleres científicas con "trivial" incluido.

CAMPIONA DO CONCURSO DE PISTAS

Ana Couso del Río foi a gañadora do sorteo do Xogo de Pistas do Día da Muller, aínda que houbo premios para todos os acertantes.

AS MULLERES CIENTÍFICAS DAS NOSAS PISTAS

Estas son as mulleres científicas que coñecemos estes días a través do xogo de pistas:


DÍA 1: WANGARI MAATHAI (1940-2011)

Bióloga e ecoloxista. Recibiu o Premio Nobel da Paz en 2004. Foi a primeira muller en África Oriental e Central en obter un doctorado. En 1977 iniciou o Green Belt Movement para combatir a deforestación: animando ás mulleres a plantar árbores e a pensar de maneira ecolóxica.

DÍA 2: MARÍA SYBILLA MERIAN (1647-1717)
Naturalista, exploradora e pintora.
Considerada actualmente como unha das máis importantes iniciadoras da entomoloxía moderna, grazas as súas detalladas observación e descripcións, con ilustración propias, da metamorfose das bolboretas e os seus debuxos de insectos.






DÍA 3: MARGARITA SALAS (1938)

Bioquímica, xenetista molecular e profesora de universidade. Traballou con Severo Ochoa.
As súas aportacións á Ciencia son moitas, pero destaca a súa investigación sobre a enzimoloxía e os seus traballos sobre Xenética e o ADN. O seu traballo é fundamental no desenvolvemento da Bioloxía Molecular en España.




DÍA 4: MARGARET HAMILTON (1936)

Matemática, científica computacional e enxeñeira de sistemas. Entre outros cargos foi responsable do desenvolvemento do software de voo a bordo das computadoras da misión espacial Apolo, sen ela a humanidade non tería chegado á Lúa.
Na foto está co software que enviou o home á Lúa.






DÍA 5: PATRICIA BATH (1942)

Oftalmóloga, inventora e académica. Foi a primeira muller afroamericana en recibir unha patente con finalidades médicas. Propietaria de catro patentes, inventou, entre outras, a sonda Laserphaco,  que se utiliza no tratamento  de cataratas. Con ela curou a cegueira de millóns de persoas no mundo.



DÍA 6: ÁNGELES ALVARIÑO (1916-2005)

Oceanógrafa galega. Especializouse en zooplancto e foi a primeira muller en actuar como científica nun barco de investigación británico.
No curso das súas investigacións descubriu doce novas especies de Chaetognata (quetognatos), nove especies de Siphonophora (sifonóforos), e unha nova especie de medusa. En total, 22 novas especies para a Ciencia.
Clicade na imaxe se queredes saber máis cousas sobre ela.

FALANDO DE IGUALDADE

O alumnado de cuarto curso gravou o vídeo "Ponte as lentes violetas" coas reflexións feitas na aula en novembro sobre a violencia de xénero e a igualdade.

SELECCIÓN DE LIBROS PARA A IGUALDADE

Pilar Sampedro,  experta en Literatura Infantil e Xuvenil (foi integrante do equipo da Asesoría de bibliotecas escolares), vén de publicar co gallo da celebración dos 25 anos da publicación de Rapazas de Agustín Fernández Paz unha selección de títulos para a igualdade. Podedes pinchar na imaxe para velos.

• Taboleiro no que se mostran aqueles libros dirixidos ao lectorado infantil e  nos que se mira (e le) con perspectiva de xénero

https://www.pinterest.es/pilarsampedro2241/rapazas-25-literatura-infantil-galega-para-a-igual/

• Taboleiro no que mostran aqueles libros dirixidos ao lectorado xuvenil e nos que se mira (e le) con perspectiva de xénero

https://www.pinterest.es/pilarsampedro2241/rapazas-25-literatura-xuvenil-galega-para-a-iguald/

 Moitos deles están na nosa biblioteca, vide buscalos!

CANCIÓN "DEPENDE DE LOS DOS" SOBRE A IGUALDADE

6º E ÚLTIMO DÍA: PISTAS

Último día de pistas:

• Esta científica galega é especialista en zooplancto e unha autoridade mundial nesta especialidade.
• Durante as súas investigacións descubriu 22 novas especies.
• Foi a primeira muller en actuar como científica nun barco de investigación.
• O Instituto Español de Oceanografía ten un barco co seu nome.

Recordade que o prazo para selar e entregar os pasaportes remata o día 7 ás 12,15 da mañá.

5º DÍA: PISTAS

Aquí tedes as pistas de hoxe:

• Un microscopio que lle regalaron de pequena espertou o seu interés pola Ciencia.
• Se ser muller nun mundo de homes é difícil, ser muller e negra foi o dobre de difícil para esta científica.
• É unha das oftalmólogas máis importantes da historia.
• Cos seus inventos (entre eles a sonda Laserphaco) conseguiu curar a ceguera de miles de persoas. 

4º DÍA: PISTAS

Estas son as pistas:

• Na época en que estudou Matemáticas o software non era tan importante como agora.
• Sen a súa axuda o home dificilmente tería pisado a Lúa en 1969.
• A súa filla Lauren, ía con ela ao laboratorio as fins de semana, así pasaban tempo xuntas.
• O seu lema é: "Non deberiamos ter medo a dicir non o sei ou non o entendo, ou incluso a facer preguntas tontas".

3º DÍA: PISTAS

Esta é a científica de hoxe:

• O seu pai, que era médico, influiu no seu gusto polas ciencias.
• Aínda que non era madrileña licenciouse na Universidade Complutense de Madrid.
• Traballou nos Estados Unidos cun premio nobel español.
• Fixo moitas aportacións á Ciencia, pero destacan os seus traballos sobre a información xenética e o ADN.