No panel da biblioteca tedes un montón de desafíos ou retos para xogadores e xogadoras de xadrez. Mira ben os desafíos: a onde debes mover o alfil? E o cabalo? e as brancas?... Para resolvelos mellor usade as plantillas que hai na mesa, e se vos resulta difícil podedes ler as pistas.
En segundo curso están aprendendo sobre O Corpo Humano. A seguinte actividade fixérona coa aplicación Body Planet e a súa camiseta máxica. Que interesante lles resultou poder ver por dentro o corpo dos compañeiros e observar algúns dos seus sistemas do corpo e o seu funcionamento!
Neste Mes da Ciencia alumnos de 5º curso foron polas aulas para explicar que son os microplásticos e os nanoplásticos e por qué son perigosos para a natureza e para nós. Ademais aproveitaron para sinalar que non estamos botando ben os residuos ao compost, xa que atoparon moitos plásticos nel. Temos que estar máis atentos!
A rapazada de segundo recita un poema de outono ao tempo que mostra as súas creacións otoñais.
Nestes días de Samaín os obradoiros deron moito xogo: obradoiro de luz negra, a nosa amiga a escuridade, creación de contos de medo e horribeis historias de sombras, pintura de caras, contos de luces e sombras, mesas sensoriais e de xogos de mesa. Lectura e interpretación de contos terroríficos e divertidos, gravacións na radio, exposición de cabazas... E cando por fin chegou o día disfrazámonos, fomos pedir o migallo e recibimos o agasallo correspondente, escoitamos historias de medo, librámonos dos medos na "cabaza come medos" e ao rematamos... como non! Cunha merenda chea de alimentos horripilantes e deliciosos.
O Samaín en Seara cada ano máis terrorífico!
Tamén este ano fomos todos os cursos polas aulas a pedir O Migallo. Aquí tedes as composicións que 2º e 6º curso fixeron para a ocasión.
