.png)
Podedes ver os vídeos das actuacións do noso festival de Nadal:
15/12/25
O NADAL NA GALICIA MÁXICA
O alumnado de 5º curso de Primaria preparou este podcast sobre as figuras máxicas de Nadal e as tradicións destas datas en Galicia.
5/12/25
MES DA CIENCIA: EXPERIMENTOS NAS AULAS
Durante este mes de novembro, como podedes ver no video inferior, os experimentos inundaron as aulas.
26/11/25
25 DE NOVEMBRO EN SEARA
Deixámosvos aquí algunhas fotiños da instalación e do acto co que no Ceip Seara dixemos NON á violencia de xénero. Ademais podedes ver o vídeo que preparou a rapazada de Infantil para esta data e escoitar o manifesto que escribiu o alumnado de 5º curso.
22/11/25
VISITA FUNDACIÓN MENIÑOS
A rapazada de 5 anos e 1º de primaria realizou un obradoiro coa Fundación Meniños no que traballaron as emocións.
15/11/25
RETOS DO MES DA CIENCIA EN GALEGO: DETECTIVES STEM
Xa andan moitos detectives pola biblioteca investigando para poder unir os nomes de científicas e científicos galegos do panel (Ángel Carracedo, Rita Fernández Queimadelos, Ángeles Alvariño, Domingo Fontán e Begoña Vila) coa imaxe que se corresponde coa súa profesión steam, e tamén para poder descubrir os seus logros.
13/11/25
PLAN DIRECTOR EN SEARA
Dentro do Plan Director para a mellora da convivencia e seguridade dentro dos centros educativos o alumnado de 5º e 6º de Educación Primaria recibiu formación sobre Acoso e Ciberacoso, e Delitos de Odio.
10/11/25
.png)
8/11/25
XA TEMOS GAÑADOR DO XOGO DE PISTAS!
Na hora do recreo fixemos o sorteo entre todos os acertantes do xogo de pistas sobre os Seres Máxicos de Galicia que fixemos no mes de outubro.
O gañador foi Camilo, de 1º curso de primaria. Dúas das axudantes foron as encargadas de entregarlle o agasallo.
4/11/25
NO SAMAÍN PEDIMOS O MIGALLO
Abaixo tedes algúns migallos cos que o alumnado pediu o seu agasallo nas aulas que lles corresponderon.
3/11/25
SAMAÍN EN SEARA
Un ano máis vivimos ao grande o Samaín en Seara: obradoiros de luz negra, adornos nas clases e corredores, manualidades para facer os agasallos do Migallo, obradorios sensoriais, exposición de cabazas na entrada do cole, contos de medo, composición e petición do Migallo polas aulas, gravación de programas de radio, cine, merendas terroríficas... Todo sen esquecer as nosas tradiccións e os seres máxicos desta época.
.png)
28/10/25
SAÍDA Á GRANXA CORAZÓN DE CARBALLO
Os nenos e nenas de 4º e 5º curso de primaria visitaron a granxa "Corazón de Carballo" onde gozou dunha xornada de convivencia en contacto coa natureza.
24/10/25
DÍA DAS BIBLIOTECAS ESCOLARES: "CITA A CEGAS CUN LIBRO"
No día das Bibliotecas había un libro agardando por cada un dos alumnos e alumnas do cole, unha "cita a cegas", un libro sorpresa co que descubrir novos mundos e vivir grandes aventuras.
.png)
23/10/25
DÍA DAS BIBLIOTECAS: CARTEL E CÓDIGOS QR
No Día das Bibliotecas invitámosvos a ver os dous vídeos aos que enlazan os códigos QR: "Érase una vez... las bibliotecas" e "Ler transpórtate".
22/10/25
ARTELLANDO
O alumnado de primaria visitou a "Artellando 2025", unha exposición colectiva de artistas do Morrazo. Os nenos e nenas non so disfrutaron e atenderon ás explicacións do guía de excepción, Luis das Nacidas, se non que tamén colleron ideas para, xa na aula, realizar reinterpretacións das obras observadas.
.png)
15/10/25
6º CHEGOU A SANTIAGO!
O alumnado de 6º realizou un tramo do Camiño de Santiago. En barco ata Vigo, en tren ata Padrón, e en dous días camiñaron de Padrón a Santiago. Unha experiencia inesquecible!
12/10/25
FOTOS DO PROXECTO GALICIA MÁXICA
Grazas a colaboración das familias enchemos as escaleiras das fotos dos nosos alumnos no seu lugar favorito e máxico de Galicia.
10/10/25
SEXTO PREPARA O CAMIÑO DE SANTIAGO
O alumnado de sexto estivo estes días preparando a súa saída dende o Ceip Seara ata Santiago de Compostela. Aquí tedes o tríptico que elaboraron sobre a viaxe e a compostela que van recibir se rematan este treito do Camiño.
4/10/25
A LENDA DA LAGOA DA SERPE
O alumnado de 5º de Primaria fixo un traballo sobre a "Lenda da Lagoa da Serpe", dita lagoa está nos montes de Trevinca e, desgraciadamente, chegamos a coñecela a través das novas publicadas nos medios de comunicación sobre os incendios que este pasado verán asolaron Galicia.
3/10/25
AS MEIGAS E O CACHO
Contan que o cacho, unha especie de auga máxica, que se fai na noite de San Xoan e co que lavamos a cara ese día, ten un poder sanador e protector e que, ademais, espanta ás meigas. Son moitas as herbas que pode levar o cacho, hai, polo menos, sete fundamentais, pero nalgúns lugares bótanlle máis de vinte.
Mael e Oliver, alumnos de terceiro, mostraron polas aulas o cacho que Mael preparou na casa coa súa familia. Cantas cousas interesantes aprendemos e como arrecendía o cacho!
2/10/25
PREPARANDO O TORNEO DE XADREZ
Durante os recreos na Biblioteca son moitos os nenos e nenas que aproveitan para xogar ao xadrez, e agora están aínda máis motivados pensando no próximo torneo de xadrez
Pero o máis importante é que, neste tempo, varios alumnos e alumnas de sexto están ensinando aos máis pequenos os rudimentos do xadrez. Son moi bos maestros, porque os peques aprenden moi rápido.
1/10/25
JANE GOODALL
Nun día coma hoxe, no que morreu Jane Goodall, non podemos deixar de falar nas aulas de quen foi esta muller, da labor que levou a cabo ao longo da súa vida e do legado que nos deixa a toda a humanidade. Moitas grazas, Jane!
XOGOS DE PISTAS NA BIBLIOTECA
Empezamos outubro cun xogo de pistas na Biblioteca, está relacionado co noso proxecto: Galicia Máxica; e está adaptado ás distintas idades. Toda a información que necesitades para resolver as pistas está na biblioteca, ánimo coa investigación! Sortearemos un agasallo entre aqueles que acerten.
18/9/25
ACUDIMOS AO FIC BUEU!
Nesta ocasión foron os alumnos de 5º e 6º os que asistiron ao MINI-FIC o programa do FIC (Festival Internacional de Curtas de Bueu) adicado ao público infantil e xuvenil.
15/9/25
PRIMEIROS RECREOS NA BIBLIOTECA
Como había tantas ganas de que funcionara a biblioteca nos recreos houbo rapidamente que ultimar detalles e abrir as portas de par en par.
Suscribirse a:
Comentarios (Atom)