DÍA DO AUTISMO 2025

 O CEIP Seara creou unha instalación, polo día do autismo, que estará colocada a partires do luns día 31 nos xardíns do concello. O TEA é un aspecto da educación, no que o alumnado e o profesorado do CEIP Seara están fondamente implicados.

CARTAS DENDE A RÍA. POSTALES DE ENTROIDO

 Na nosa colaboración co CEIP Virxen do Carmen de Sober (Lugo), o alumnado enviou unha postal-foto de cada curso cos seus disfraces de entroido.

A GALIÑA DE MOS: OVOS EN SEGUNDO

 Ao longo deste mes, o alumnado de 2º de Educación Primaria aprendeu moitas curiosidades sobre os ovos, os pitos e a raza da galiña de Mos. Tiveron na súa aula unha incubadora con ovos, e despois de agardar con moita paciencia... naceron os pitiños e con eles chegou a primavera.

Grazas a AVIMO, Asociación de Avicultores da Raza Galiña de Mos, pola súa labor dedicada á conservación de razas autóctonas galegas.

VISITA DA ESCRITORA ROSA ANEIROS

 O alumnado de 5º de educación primaria profundizou no libro de Rosa Aneiros "Faisca, a nena neandertal", obra que forma parte do seu itinerario lector para este curso 24-25. Tamén exhibiron na biblioteca os seus traballos plásticos, inspirados polo libro. Una maneira fermosa e estimulante de facer animación a lectura.

DÍA DA POESÍA: OSO MIMOSO

 A rapazada de 2º curso cóntanos o conto poemado "Oso mimoso" de Bernardino Graña.

DÍA DA POESÍA: RATA LINDA DE COMPOSTELA

         O alumnado de 1º de Primaria fixo un precioso teatriño a partir do libro "Rata Linda de Compostela" homenaxeando a Bernardino Graña.

BERNARDINO GRAÑA, DÍA DA POESÍA, 21 DE MARZO

Polo día da poesía no CEIP Seara, lembramos a Bernardino Graña, o poeta de Moaña.