10/4/26
DÍA DO AUTISMO: A MAXIA DA DIVERSIDADE
A instalación " A maxia da diversidade", realizada polo alumnado de sexto con motivo do Día Mundial do Autismo, xa se pode ver nos Xardíns do Concello. Esta instalación está formada polos elementos máxicos das distintas criaturas máxicas galegas, uns elementos que fan diferentes a cada unha delas e que as definen. Alí un código QR vos leva ao audio explicativo que o alumnado gravou en Radio Seara, e que podedes escoitar máis abaixo.
9/4/26
MIGUEL ANXO ALONSO DIZ EN SEARA
Nesta ocasión foron os alumnos de terceiro os que tiveron a sorte de recibir a visita de Miguel co seu libro "Axencia Galega de Asuntos Máxicos".
7/4/26
.png)
28/3/26
SERES MÁXICOS GALEGOS
A rapazada de 5º de primaria estivo investigando sobre máis seres máxicos das lendas que viven na memoria e no imaxinario colectivo do noso pobo.
13/3/26
CREAMOS NOTICIAS XUNTOS!
Nesta ocasión os alumnos e alumnas máis pequenos debuxaron "a foto" da noticia e os maiores inventaron e redactaron a nova a partir dos debuxos. Aquí tedes o resultado: unhas novas superinteresantes!
E aquí podedes ver parte do proceso:
9/3/26
SEMANA DA PRENSA
Searín xa repartiu todas as propostas para traballar nesta Semana da Prensa, cantas cousas imos aprender nas aulas!
Pero no panel da biblio tamén deixou un reto: Cales das noticias credes que son verdadeiras ou falsas?
3/3/26
21 Días en Galego
Comezamos unha nova edición dos 21 días en Galego, nos que animamos ao alumnado a usar a nosa lingua as 24 horas do día durante 3 semanas.
Animamos dende o colexio a que vos unades a eles e que entre todos logremos unha maior integración e uso do noso idioma.
2/3/26
OBRADOIRO AFECTIVO-SEXUAL
O alumnado de 5º curso participou nun obradoiro afectivo sexual guiado pola especialista @tumatronasexóloga. Moitas grazas, Marta!
25/2/26
C0ÑECE AS NOSAS INSTITUCIÓNS
O alumnado de 5º e 6º de primaria realizou unha saída a Santiago de Compostela para visitar a Xunta de Galicia e o Parlamento Galego. Ditas visitas englóbanse no programa "Coñece as nosas Institucións". No Parlamento galego tiveron a oportunidade de falar co Conselleiro de Educación e de asistir, durante un rato, a un pleno en directo, escoitando as intervencións dos distintos grupos parlamentarios.
20/2/26
16/2/26
ENTROIDO EN SEARA
Este ano, por mor do mal tempo, non fixemos o tradicional desfile de Entroido ata o centro de Moaña para cantar as murgas que compoñemos nestas datas. Pero isto non impediu que as actuacións das murgas se fixeran dentro do cole, que disfrutáramos das tradicionais merendas de entroido, que os nenos e nenas de sexto leran o testamento do meque, nin que queimáramos a este con gran gozo por parte de tod@s. Viva o Entroido de Seara!!!
Abaixo podedes ver algunhas fotos dos distintos cursos e da celebración máis abaixo. Na entrada anterior do blog podedes escoitar as murgas.
15/2/26
9/2/26
RETO DE ENTROIDO NA BIBLIOTECA
Xa temos un novo reto na biblioteca, neste caso para os máis maiores, os pequenos poden facelo coas profes. Abaixo tedes o reto e as investigacións que hai que levar a cabo. Podedes usar os libros da exposición da biblio e o enlace que tedes no PDF.
31/1/26
DÍA DA PAZ 2026
Este ano a nosa Canción da Paz, "O pozo de Arán", conecta coas lendas, neste caso unha lenda de orixen celta (irlandesa) que fala dun pozo sagrado onde un neno cego recupera a vista, simbolizando a unión da terra, o ceo e o mar. Un lugar onde non existe a escuridade, solo a esperanza e a paz que dende o cole de Seara queremos para o mundo. (Pinchade na foto)
19/1/26
APRENDENDO SOBRE AS ABELLAS
O alumnado de 1º e 2º curso de Educación Primaria descubriu moitas curiosidades sobre a vida das abellas grazas á colaboración co Concello.
Suscribirse a:
Comentarios (Atom)