XA TEMOS O NOSO CARANVEXORNAL!!!

 O CaranveXornal de Seara xa está colgado en Caranvexo TV, pinchade no caranvexo para velo.

DÍA DO AUTISMO: A MAXIA DA DIVERSIDADE

A instalación " A maxia da diversidade", realizada polo alumnado de sexto con motivo do Día Mundial do Autismo, xa se pode ver nos Xardíns do Concello. Esta instalación está formada polos elementos máxicos das distintas criaturas máxicas galegas, uns elementos que fan diferentes a cada unha delas e que as definen. Alí un código QR vos leva ao audio explicativo que o alumnado gravou en Radio Seara, e que podedes escoitar máis abaixo.

CREANDO OS PREMIOS DO TORNEO DE XADREZ

O alumnado de 6º curso está imprimindo na impresora 3D o premio que se lle dará a todas e todos os participantes no torneo.

DÍA DO AUTISMO 2025

 O CEIP Seara creou unha instalación, polo día do autismo, que estará colocada a partires do luns día 31 nos xardíns do concello. O TEA é un aspecto da educación, no que o alumnado e o profesorado do CEIP Seara están fondamente implicados.

CHAPAS CONMEMORATIVAS PARA O MERCADILLO A FAVOR DO COLE DE PAIPORTA

 Xa están en marcha as chapas que Searín propuso como agasallo e lembranza para tod@s os que colaboren co mercadillo a favor do Ceip Rosa Serrano de Paiporta.

OBRADOIRO 3D DE PREMIOS DE XADREZ

 O alumnado de 5º imprimiu coa axuda do profe Iago os premios para todos os participantes do torneo de xadrez.

UN BARCO NO QUE CABEN TOD@S. 2 DE ABRIL . DÍA MUNDIAL DA CONCIENCIACION DO AUTISMO.

"Un barco no que caben tod@s" é o título da instalación artística que realizamos no colexio de Seara polo Día Mundial da Concienciación sobre o Autismo e que podedes ver nos Xardíns do Concello. O alumnado de sexto curso foi o encargado de realizala e quedoulles espectacular. No resto das aulas realizamos xogos para desenvolver a empatía, a confianza e a capacidade de poñerse no lugar do outro, para favorecer o desenvolvemento da intelixencia emocional e as habilidades sociais, así como desenvolver a escoita activa e a comunicación.

Aquí podedes ver o vídeo coas fotos do desenvolvemento das actividades e coa emotiva canción que as rapazas de 5º curso cantan ao final.

OBRADOIRO DE BORDADO

 Comezamos os obradoiros deste curso. O primeiro será de costura, o  ENTROIDO xa está aquí!!!!!

                       

25 DE NOVEMBRO

Día Internacional Contra a Violencia de Xénero no Ceip Seara.

OS POLOS VAN DE SAMAÍN

SAMAÍN - SEARA 2023

Arrepiante Samaín o que vivimos en Seara

TRUE TRUE COA PROFE ELISA

 O alumnado de relixión de 2º e 3º xogou e traballou co robot True True realizando diversos retos.

BIBLIOTECA CREATIVA: SCRATCH EN SEGUNDO DE PRIMARIA

 Coa axuda de Paola Guimeráns a rapazada de 2º curso iniciose no Scratch con pequenos retos que foron quen de facer e gozar. Moitas grazas, Paola!

BIBLIOTECA CREATIVA: MICROBIT EN 5º DE PRIMARIA

 O alumnado de 5º curso iniciouse no manexo de Microbit no obradoiro impartido por Paola Guimeráns.

RECREOS NA BIBLIO SEGUNDO TRIMESTRE

 No colexio, concibimos a biblioteca como un instrumento principal ao servizo das competencias clave. É por iso que alberga propostas moi diversas que favorecen o desenvolvemento de contidos curriculares de forma transversal ou interdisciplinaria, conectan distintas áreas de aprendizaxe e impulsan prácticas metodolóxicas activas.                                                                                                                                                                 Nos recreos ou momentos de lecer de libre tránsito, o alumnado pode escoller entre realizar obradoiros de costura, papiroflexia, pompóns…, xogar a xogos de mesa ou facer realidade as súas ideas cos legos.

OBRADOIRO DE COSTURA NA BIBLIOTECA

INICIACIÓN Á PROGRAMACIÓN CON MICROBIT

O alumnado de segundo de Educación Primaria fixo unha pequena aproximación a Microbit, unha minicomputadora que se programa con bloques en línea.

Microbit-Iniciación 

DÍA DA CHANDELEUR EN SEXTO

 O dous de febreiro celébrase en Francia o Día da Chandeleur ou "Día da filloa". O alumnado de 6º de Primaria celebrouno elaborando unhas deliciosas crepes coa nova cociña de inducción de Polos Creativos.

Ademais de aprender francés traballaron nocións lóxico-matemáticas necesarias para a elaboración dunha receta (pesar, medir, calcular...).

Novas construccións na Biblioteca!