PREMIOS DO FARO DA ESCOLA

Na gala de fin de curso do Faro da Escola o noso centro acadou o Segundo Premio de Artigos de Opinión e un accésit especial "Mellor Sección Clasificados".

VOU A BIBLIO NO RECREO!

 Nos recreos a biblioteca do cole convértese en moito máis ca un espazo para a lectura. Entre andeis e libros, o alumnado atopa tamén un lugar para compartir, aprender e divertirse dun xeito diferente. 

Os xogos de mesa ocupan un papel protagonista, favorecendo a convivencia, o respecto polas normas e o traballo en equipo, ademais os que se animan co xadrez desenvolven a concentración e o pensamento lóxico.

Na nosa biblioteca tamén teñen unha presenza destacada os xogos de construción, que estimulan a creatividade e a imaxinación. Con eles a rapazada experimenta, crea e colabora. Ademais a biblioteca énchese de vida con outras actividades como tocar o piano, descubrir novos xogos ou participar en obradoiros organizados por profes ou alumnos e alumnas. Por exemplo, o obradoiro de calceta, organizado polas rapazas de cuarto, permitiu desenvolver habilidades manuais e crear vínculos entre o alumnado.

A biblioteca do colexio ensínanos que tamén se aprende xogando, conversando, creando e gozando xuntos. Pero, sobre todo, queremos que a nosa biblioteca sexa un lugar onde cada neno e nena poida atopar o seu espazo e medrar como persoa.

Deixámosvos aquí un vídeo dalgúns momentos de recreos na biblio.

CONTACONTOS DO IES A PARALAIA

 Os alumnos e alumnas de 1º da ESO do IES Paralaia estiveron compartindo unha xornada de contos dramatizados co noso alumnado de Ed. Infantil.

A Cebra Camila, Chibos chibóns. o Patiño Feo, o Gato Lambón, o Grúfalo e o Monstro de Ricardo foron algunhas das historias das que disfrutamos. Moitas grazas, chic@s!!!

CALENDARIO DE SERES MÁXICOS GALEGOS

Ao longo de todo o curso, o Equipo da Biblioteca elaborou un calendario mensual  vencellado ao PDI de centro "Galicia Máxica". Cada mes descubrimos unha nova criatura relacionada coa nosa mitoloxía popular. Este mes de xuño, pechamos o curso coas Mouras,  completando así esta fermosa viaxe polo noso imaxinario tradicional.

Ademáis, desde a Biblioteca Creativa, o alumnado realizou unha creación artística relacionada con cada unha das criaturas traballadas.

OBRADOIROS DE BIBLIOTECA CREATIVA

Ao longo desta semana na biblioteca tivemos distintos obradoiros creativos para todo o alumnado. Estes obradoiros levounos a cabo "Trazos", partindo de contos e historias abraiantes Patricia soubo mergullarnos nun mundo de fantasía e creatividade. 

VISITA DE RAMÓN D. VEIGA

O alumnado de 1º e 2º de Educación Primaria gozou coa visita de Ramón Veiga, quen lles falou do seu libro "Maios e Desmaios". Ademais aproveitou a ocasión para compartir co alumnado diferentes tradicións relacionadas coa noite máxica de San Xoán. A rapazada participou con moito interese e entusiasmo facendo moitas preguntas do seu libro e descubrindo moitas curiosidades sobre o San Xoán, especialmente sobre os rituais da auga e do lume.

Para rematar a actividade, todo o alumnado levou o seu exemplar asinado polo autor, polo que lle damos as grazas a Ramón pola visita ao noso centro e por compartir con nós os libros marabillosos que escribe, cos que soñamos, aprendemos e gozamos en cada lectura.

PROXIMAMENTE EN SEARA: RAMÓN D. VEIGA

 

SERES MÁXICOS NA OBRA DE BEGOÑA CAAMAÑO

 O alumnado de 5º investigou sobre os Seres Máxicos na obra de Begoña Caamaño.

LETRAS GALEGAS

"É o tempo do feminismo, da xustiza, da igualdade, da liberdade, da dignidade e, por que non? Da felicidade." Begoña Caamaño

 

VÍDEO SOBRE BEGOÑA CAAMAÑO

 Precioso vídeo o que fixo o Seminario Galán sobre a vida de Begoña Caamaño, a homenaxeada nas Letras Galegas deste ano.

TRABALLANDO A HISTORIA EN 6º CURSO

O alumnado de sexto elaborou unha televisión de cartón na que se poden visualizar as diferentes etapas, da Prehistoria ata a Idade Contemporánea.

Esta actividade enmárcase nun traballo de investigación no que o alumnado afondou nas distintas etapas da Prehistoria e da Historia a través da consulta de diversas fontes de información. Posteriormente, no marco da Biblioteca Creativa do centro, transformaron os coñecementos adquiridos nun produto artístico e manipulativo, empregando unha televisión de cartón como soporte para representar visualmente os períodos estudados.

A etapa na que máis se detiveron foi a Idade Contemporánea, debido á súa relevancia para comprender o mundo actual.

Como peche da actividade, o alumnado realizará unha exposición oral por grupos diante dos seus compañeiros e compañeiras. Cada grupo centrará a súa presentación nun acontecemento histórico concreto, como a Guerra Civil Española, a Segunda Guerra MUndial, ou o Franquismo, compartindo os coñecementos adquiridos e favorecendo a reflexión sobre estes períodos da nosa historia.

PROXECTO ABELLAS EN 4 ANOS

O alumnado de catro anos descubriu a vida das abellas a través de distintas actividades, despois de realizar a visita a Apípolis.
Na mesa sensorial crearon diferentes colmeas para que vivisen as abellas e tamén elaboraron floreiros e flores. Ademais realizaron distintas mandalas de flores con pedras de cores vivas e tamén as construíron con pezas de policubos. Outra das actividades levadas a cabo foi converterse en abellas e recoller o néctar das flores.

PEQUENOS XORNALISTAS EN 1º CURSO

Despois da visita do xornalista Xosé Manuel, do Faro de Vigo, o alumnado de 1º converteuse en auténticos reporteiros de investigación. Animáronse a crear o seu propio xornal, titulado "Faro de Moaña", no que puxeron en práctica todo o aprendido: investigaron temas do seu contorno, realizaron entrevistas, deseñaron anuncios e descibriron que unha boa noticia debe ser actual, interesante e, sobre todo, veraz. Abaixo tedes o seu traballo.

Pequenos Xornalistas De Investigación

VISITA DUN XORNALISTA DO FARO DE VIGO

 O alumnado de 1º e 2º de Educación Primaria recibiu a visita de Xosé Manuel, xornalista do Faro de Vigo, que compartiu con eles unha charla sobre o seu traballo. Faloulles de como se buscan as noticias, como se comproban os datos e da responsabilidade e da gran importancia de contar a verdade.

A actividade resultou moi enriquecedora, tanto que o alumnado de 3º decidiu converterse en pequenos xornalistas.

OS NOSOS LIBROS FAVORITOS

Empezamos a Semana do Libro coa exposición dos libros favoritos do alumnado. Despois de escribir nuns grandes murais o título do libro favorito de cada un, expuxémolos nun recuncho da entrada do colexio e contamos aos compañeiros e compañeiras porque eliximos ese libro. 

Grazas a tod@s por traer y compartir os vosos libros favoritos, pero, sobre todo, por  contarnos por que o son, regalándonos a vosa maneira de sentir cada unha das historias.

SABELA FERNÁNDEZ EN SEARA

O alumnado de 1º e 2º de Educación Primaria tivo a sorte de coñecer á autora Sabela Fernández, creadora dun dos seus libros favoritos. Durante a visita, os nenos e nenas pasárono xenial facéndolle preguntas sobre a súa obra O ladrón de soños e descubrindo curiosidades sobre o proceso de creación das súas historias.

Como recordo deste encontro tan especial, todos os alumnos levaron o seu exemplar asinado pola autora, un detalle que, sen dúbida, gardarán con moito agarimo.

Moitas grazas por compartir o teu tempo e por regalarlos historias tan marabillosas. 

MÁIS SERES MÁXICOS GALEGOS

 A rapazada de 5º de Primaria investigou sobre algúns seres máxicos galegos dos que non falamos nos calendarios. Podedes ver os seus traballos no segundo andar.

PRÓXIMA VISITA NA BIBLIOTECA

 

MIGUEL ANXO ALONSO DIZ EN SEARA

 Nesta ocasión foron os alumnos de terceiro os que tiveron a sorte de recibir a visita de Miguel co seu libro "Axencia Galega de Asuntos Máxicos".

CONCURSO TOTE BAGS CON EXPRESIÓNS GALEGAS

Cada alumno e alumna de Educación Primaria deseñou unha "tote bag" cunha  frase ou expresión típicas galegas da nosa zona. Quedaron espectaculares!