O alumnado de 4º de Educación Infantil (3 anos) elaborou estes orixinais marcapáxinas para sinalar os seus libros favoritos.
O proceso de elaboración consistiu en clasificar flores segundo as súas cores cromáticas, escoller as que máis lles gustaban e, finalmente, ensartar contas de distintas tonalidades para completar as súas creacións.
Unha das actividade para conmemorar a Semana do Libro foi saír ao patio para desfrutar de momentos de lectura ao aire libre, no noso lugar favorito. Alí compartimos historias e fomentamos o gusto polos libros nun ambiente diferente e especial, onde todos e todas gozamos moitísimo.
Empezamos a Semana do Libro coa exposición dos libros favoritos do alumnado. Despois de escribir nuns grandes murais o título do libro favorito de cada un, expuxémolos nun recuncho da entrada do colexio e contamos aos compañeiros e compañeiras porque eliximos ese libro.
Grazas a tod@s por traer y compartir os vosos libros favoritos, pero, sobre todo, por contarnos por que o son, regalándonos a vosa maneira de sentir cada unha das historias.
Os corredores e escaleiras enchéronse coas recomendacións que todos os nenos e nenas do cole fixeron do seu libro favorito.
Hoxe tivemos a sorte de coñecer a Raúl, un bookstagramer (thebookishblanket) que veu ao cole para compartir con nós o seu amplísimo coñecemento sobre literatura. Recibimos un montón de estupendas recomendacións e gozamos moito xogando e creando historias con el. Ademais agasallounos cun libro de Ana Kadabra adicado ao noso cole polos autores.
Moitas grazas, Raúl, polo teu entusiasmo e xenerosidade!
Na semana do Libro a rapazada de primeiro comezou a mostrar @s seus compañeir@s cales eran os seus libros favoritos en lingua galega e en lingua castelá, ademais explicaron as razóns polas que tanto lles gustan. Estes foron os libros elixidos:
No Día do Libro todo o alumnado fixo a hora de lectura no patio. Os maiores apadriñaban aos máis pequenos. Abaixo tedes imaxes dos nenos e nenas de 5º curso que foron uns padriños lectores marabillosos da rapazada de 1º curso.
O alumnado dos distintos cursos fixo estes marcapáxinas e minilibros para celebrar o World Book Day. Quedaron chulísimos!
Co galo do Día do Libro, as familias da clase do mandilón vermello de infantil viñeron diferentes días a contarlle aos pequechos e pequechas contos. Pasárono xenial con todas as historias que lles contaron!! Aquí tedes un resumo desta experiencia tan chula que tiveron!!
Moitas grazas familias!!
Con motivo do Día do Libro, as avoas e avós de Saraiva crearon o conto "Caperucita azul y el lobo Raúl" e enviáronnolo para que puideramos gozar con el no cole. Gustounos tanto que a rapazada de primeiro decidiu mostrarlle o seu agradecemento a través dun vídeo para animalos a seguir creando historias e compartilas con todos nós.
Moitas grazas Saraiva!!
