Empezamos a Semana do Libro coa exposición dos libros favoritos do alumnado. Despois de escribir nuns grandes murais o título do libro favorito de cada un, expuxémolos nun recuncho da entrada do colexio e contamos aos compañeiros e compañeiras porque eliximos ese libro.
Grazas a tod@s por traer y compartir os vosos libros favoritos, pero, sobre todo, por contarnos por que o son, regalándonos a vosa maneira de sentir cada unha das historias.
Os alumnos e alumnas de 5º de primaria prepararon cada un unha presentación sobre un animal que eles mesmos escolleron. Para esta actividade non so tiveron que buscar información, organizala e poñela nunha presentación, se non que tamén tiveron que mellorar a súa expresión oral falando sobre o tema e respondendo ás preguntas dos compañeiros/as.
Un ano máis vivimos ao grande o Samaín en Seara: obradoiros de luz negra, adornos nas clases e corredores, manualidades para facer os agasallos do Migallo, obradorios sensoriais, exposición de cabazas na entrada do cole, contos de medo, composición e petición do Migallo polas aulas, gravación de programas de radio, cine, merendas terroríficas... Todo sen esquecer as nosas tradiccións e os seres máxicos desta época.
.png)
O alumnado de primaria visitou a "Artellando 2025", unha exposición colectiva de artistas do Morrazo. Os nenos e nenas non so disfrutaron e atenderon ás explicacións do guía de excepción, Luis das Nacidas, se non que tamén colleron ideas para, xa na aula, realizar reinterpretacións das obras observadas.
.png)
"A METAMORFOSE DAS CUNCHAS MARIÑAS COA SÚA COR NATURAL" é unha exposición espectacular da que poidemos gozar no colexio.
Xosé Cantoneiro, o artista, leva case cincuenta anos creando coas cunchas. A súa técnica, triturando cunchas nun muiño de café e mesturando o pó con cola incolora, é única.
O alumnado de 3º e 4º curso foi hoxe ao Museo de Pontevedra onde poido gozar das obras de arte que hai alí.
O 22 de marzo é o Día Mundial da Auga e dende a biblio colaboramos con Aqualia para ter no noso cole a exposición "Auga maraBilla". Esta mostra consiste nun percorrido por sete paneis nos que se anima a facer un consumo responsable mais tamén nos aporta información do impacto que teñen os plásticos no mar e o consumo de botellas de plástico dun só uso. Así pois, todas as aulas pasarán ao longo desta semana pola biblio para poder vela e extraer ideas, conclusións e tomar conciencia do consumo responsable.
