PREMIOS DO FARO DA ESCOLA

Na gala de fin de curso do Faro da Escola o noso centro acadou o Segundo Premio de Artigos de Opinión e un accésit especial "Mellor Sección Clasificados".

VOU A BIBLIO NO RECREO!

 Nos recreos a biblioteca do cole convértese en moito máis ca un espazo para a lectura. Entre andeis e libros, o alumnado atopa tamén un lugar para compartir, aprender e divertirse dun xeito diferente. 

Os xogos de mesa ocupan un papel protagonista, favorecendo a convivencia, o respecto polas normas e o traballo en equipo, ademais os que se animan co xadrez desenvolven a concentración e o pensamento lóxico.

Na nosa biblioteca tamén teñen unha presenza destacada os xogos de construción, que estimulan a creatividade e a imaxinación. Con eles a rapazada experimenta, crea e colabora. Ademais a biblioteca énchese de vida con outras actividades como tocar o piano, descubrir novos xogos ou participar en obradoiros organizados por profes ou alumnos e alumnas. Por exemplo, o obradoiro de calceta, organizado polas rapazas de cuarto, permitiu desenvolver habilidades manuais e crear vínculos entre o alumnado.

A biblioteca do colexio ensínanos que tamén se aprende xogando, conversando, creando e gozando xuntos. Pero, sobre todo, queremos que a nosa biblioteca sexa un lugar onde cada neno e nena poida atopar o seu espazo e medrar como persoa.

Deixámosvos aquí un vídeo dalgúns momentos de recreos na biblio.

CALENDARIO DE SERES MÁXICOS GALEGOS

Ao longo de todo o curso, o Equipo da Biblioteca elaborou un calendario mensual  vencellado ao PDI de centro "Galicia Máxica". Cada mes descubrimos unha nova criatura relacionada coa nosa mitoloxía popular. Este mes de xuño, pechamos o curso coas Mouras,  completando así esta fermosa viaxe polo noso imaxinario tradicional.

Ademáis, desde a Biblioteca Creativa, o alumnado realizou unha creación artística relacionada con cada unha das criaturas traballadas.

OBRADOIROS DE BIBLIOTECA CREATIVA

Ao longo desta semana na biblioteca tivemos distintos obradoiros creativos para todo o alumnado. Estes obradoiros levounos a cabo "Trazos", partindo de contos e historias abraiantes Patricia soubo mergullarnos nun mundo de fantasía e creatividade. 

LETRAS GALEGAS 2026: BEGOÑA CAAMAÑO

LETRAS GALEGAS

"É o tempo do feminismo, da xustiza, da igualdade, da liberdade, da dignidade e, por que non? Da felicidade." Begoña Caamaño

 

DÍA DA FAMILIA: AGASALLOS EN 4 ANOS

Os nenos e nenas de 5º curso de Educación Infantil tinguiron sal fina con xiz para facer uns preciosos botes de sal de cores da primavera, que regalaron o 15 de maio, Día Internacional das Familias.

TRABALLANDO A HISTORIA EN 6º CURSO

O alumnado de sexto elaborou unha televisión de cartón na que se poden visualizar as diferentes etapas, da Prehistoria ata a Idade Contemporánea.

Esta actividade enmárcase nun traballo de investigación no que o alumnado afondou nas distintas etapas da Prehistoria e da Historia a través da consulta de diversas fontes de información. Posteriormente, no marco da Biblioteca Creativa do centro, transformaron os coñecementos adquiridos nun produto artístico e manipulativo, empregando unha televisión de cartón como soporte para representar visualmente os períodos estudados.

A etapa na que máis se detiveron foi a Idade Contemporánea, debido á súa relevancia para comprender o mundo actual.

Como peche da actividade, o alumnado realizará unha exposición oral por grupos diante dos seus compañeiros e compañeiras. Cada grupo centrará a súa presentación nun acontecemento histórico concreto, como a Guerra Civil Española, a Segunda Guerra MUndial, ou o Franquismo, compartindo os coñecementos adquiridos e favorecendo a reflexión sobre estes períodos da nosa historia.

PROXECTO ABELLAS EN 4 ANOS

O alumnado de catro anos descubriu a vida das abellas a través de distintas actividades, despois de realizar a visita a Apípolis.
Na mesa sensorial crearon diferentes colmeas para que vivisen as abellas e tamén elaboraron floreiros e flores. Ademais realizaron distintas mandalas de flores con pedras de cores vivas e tamén as construíron con pezas de policubos. Outra das actividades levadas a cabo foi converterse en abellas e recoller o néctar das flores.

XA TEMOS O NOSO CARANVEXORNAL!!!

 O CaranveXornal de Seara xa está colgado en Caranvexo TV, pinchade no caranvexo para velo.

MARCAPÁXINAS POLO DÍA DO LIBRO

O alumnado de 4º de Educación Infantil (3 anos) elaborou estes orixinais marcapáxinas para sinalar os seus libros favoritos.

O proceso de elaboración consistiu en clasificar flores segundo as súas cores cromáticas, escoller as que máis lles gustaban e, finalmente, ensartar contas de distintas tonalidades para completar as súas creacións.

DÍA DO AUTISMO: A MAXIA DA DIVERSIDADE

A instalación " A maxia da diversidade", realizada polo alumnado de sexto con motivo do Día Mundial do Autismo, xa se pode ver nos Xardíns do Concello. Esta instalación está formada polos elementos máxicos das distintas criaturas máxicas galegas, uns elementos que fan diferentes a cada unha delas e que as definen. Alí un código QR vos leva ao audio explicativo que o alumnado gravou en Radio Seara, e que podedes escoitar máis abaixo.

CONCURSO TOTE BAGS CON EXPRESIÓNS GALEGAS

Cada alumno e alumna de Educación Primaria deseñou unha "tote bag" cunha  frase ou expresión típicas galegas da nosa zona. Quedaron espectaculares!

8 DE MARZO NO COLE DE SEARA

PROXECTO DO UNIVERSO EN 4º DE PRIMARIA

 O alumnado de 4º curso de primaria estivo co proxecto do Universo. O seu traballo de investigación na biblioteca culminou coa realización dunhas maquetas e as distintas presentacións na aula.

COSENDO O TRAXE DE ENTROIDO

 Un curso máis o alumnado coseu parte do seu traxe de Entroido, se lles dá fenomenal!

IMAXINAMOS A PAZ

 A rapazada de 4º e 5º de Educación Primaria imaxinou un mundo en paz, neste mural o plasmaron. 

O OBRADOIRO DE CALCETA VAI VENTO EN POPA!

25 DE NOVEMBRO EN SEARA

 Deixámosvos aquí algunhas fotiños da instalación e do acto co que no Ceip Seara dixemos NON á violencia de xénero. Ademais podedes ver o vídeo que preparou a rapazada de Infantil para esta data e escoitar o manifesto que escribiu o alumnado de 5º curso.

OBRADOIRO DE CALCETA NA BIBLIOTECA