O alumnado de 5º curso de ED. Primaria foi ao longo destas últimas semanas (empezaron a Semana do Libro) a facer de contacontos a 1º de Ed. Primaria.
Durante este curso en Educación Infantil traballaron a animación á lectura a través da lectura de diferentes contos e con actividades relacionadas cos mesmos, tanto gráficas como expresivas. Abaixopodedes ver unha mostra dos traballos do alumnado.
Como gozamos coa historia de Elefantita. Moitas grazas a Jacinto, o ilustrador do libro, e á profe Gemma.
En educación Infantil fixeron un proxecto a partir dos contos que podedes ver na primeira fotografía. Chámase PROXECTO POLO PEPE VAI A ESCOLA, ANIMAIS DA GRANXA, EXPLORANDO COAS CORES.
O alumnado do colexio acudiu ao concerto da Escola de Música Municipal de Moaña "De que cor é un bico?", baseado no conto co mesmo título. Estivo xenial!
Algunha vez se che pasou pola cabeza que tiñas obxectos na túa casa, na túa aula...cos que poderías acompañar ou crear marabillosas historias?
A Olalla si, e ensinounos a facelo!
A pesares da chuvia, o alumnado que vai dende 4º de educación Infantil a 4º de Educación Primaria, gozou dun concerto didáctico organizado pola Escola Municipal de Música do Concello de Moaña e baseado no conto "Superpoderes".
Durante varias sesións os alumnos de 2º de E.P. traballaron o conto “A QUE SABE A LÚA” realizando diversas actividades, que axudaron a favorecer o diálogo, promover as competencias persoais e sociais como a empatía, identificación/expresión emocional, o compañeirismo, o esforzo, o traballo en equipo, a creatividade…
Como actividade final fixeron un mural onde, “construímos” unha MONTAÑA DE AMIGOS para alcanzar un anaquiño de lúa e imaxinar a que sabería e que fariamos con ela. Todos decidiron: COMPARTILA
.jpg)
En segundo están traballando as emocións a través dos contos. Con Garavanciño déronse conta do importante que é coñecerse e confiar nun mesmo.
O pasado 27 de abril tivemos en Seara un concerto de María Faltri para presentarnos o proxecto do Concello de Moaña "Xirarei cos Bolechas". O Concello xuntou a dez músicas e músicos vinculados con Moaña para que compuxeran cinco temas a partires do libro "Os bolechas van a Moaña".
Se pinchades no libro podedes ir á páxina onde están todas as cancións e os videos:
Neste video podedes ver o conto narrado:
E aquí podedes ver que ben o pasaron no concerto:
Hoxe, o alumnado de 5º B tivo un encontro lector a través do Webex con Ledicia Costas, a autora do libro no que se mergullaron este curso "A señorita Bubble". Con ela falaron sobre os protagonistas da historia, compartiron opinións e puideron resolver dúbidas e preparar o camiño para a continuación desta historia tan divertida na súa segunda parte.
Moitas grazas Ledicia, por compartir con nós este momento!
Os pequechos e pequechas de 1º teñen unha imaxinación extraordinaria, así que quixeron aproveitala para realizar entre todos un conto de creación propia chamado "Historias de Seara". Non só o escribiron e ilustraron, senón que ao igual que a eles lles gusta moito que lle conten contos, subiron á radio para gravalo e así poder contárvolo a todos vós.
O resultado é xenial. Escoitade, escoitade!
Parabéns polo traballo 1º!!
O alumnado de 5ºB está inmerso na lectura da Señorita Bubble de Ledicia Costas. Gustoulles tanto a historia desta fantástica inventora que crearon un mural para a súa clase con todo tipo de detalles que aparecen no conto. O resultado non podía ser máis chulo!
Parabéns rapaces/as!!
