SABELA FERNÁNDEZ EN SEARA

O alumnado de 1º e 2º de Educación Primaria tivo a sorte de coñecer á autora Sabela Fernández, creadora dun dos seus libros favoritos. Durante a visita, os nenos e nenas pasárono xenial facéndolle preguntas sobre a súa obra O ladrón de soños e descubrindo curiosidades sobre o proceso de creación das súas historias.

Como recordo deste encontro tan especial, todos os alumnos levaron o seu exemplar asinado pola autora, un detalle que, sen dúbida, gardarán con moito agarimo.

Moitas grazas por compartir o teu tempo e por regalarlos historias tan marabillosas. 

MIGUEL ANXO ALONSO DIZ EN SEARA

 Nesta ocasión foron os alumnos de terceiro os que tiveron a sorte de recibir a visita de Miguel co seu libro "Axencia Galega de Asuntos Máxicos".

PRÓXIMA VISITA NA BIBLIOTECA

"LA MANO NEGRA" EN 5º DE PRIMARIA

 Os alumnos e alumnas de 5º de Educación Primaria leron xuntos un dos itinerarios lectores que temos na Biblioteca. Trátase de Aventuras de "La Mano Negra" de Häns Jurgen Press. Un libro cheo de aventuras, misterios e pistas co que gozaron moitísimo!

CHARLA CO ESCRITOR MIGUEL ALONSO DIZ

 A rapazada de 3º curso leu como itinerario lector "Axencia Galega de Asuntos Máxicos". Este xoves tiveron a oportunidade de charlar co autor do libro, Miguel Alonso Diz, preguntarlle todas as curiosidades que tiñan sobre o libro e sobre el, e pedirlle que lles adicara os libros. Moitas grazas polo teu tempo e a túa amabilidade, Miguel!

MIGUEL ALONSO DIZ EN RADIO SEARA

 Despois dunha moi interesante charla na Biblioteca do escritor Miguel Alonso Diz co alumnado de terceiro que leu o seu libro "Axencia Galega de Asuntos Máxicos", pareceunos moi importante que contestase en Radio Seara á pregunta de cales foron as súas razóns para escribir dito libro.

PRÓXIMA VISITA NA BIBLIOTECA

 

VISITA DA ESCRITORA ROSA ANEIROS

 O alumnado de 5º de educación primaria profundizou no libro de Rosa Aneiros "Faisca, a nena neandertal", obra que forma parte do seu itinerario lector para este curso 24-25. Tamén exhibiron na biblioteca os seus traballos plásticos, inspirados polo libro. Una maneira fermosa e estimulante de facer animación a lectura.

ANTONIO MANUEL FRAGA

O alumnado de cuarto de educación primaria tivo a sorte de coñecer, charlar e profundizar na novela     

"Papá caníbal", un dos itinerarios lectores deste curso, co seu autor Antonio Manuel Fraga.

IRIA MISA CO ALUMNADO DE 6º CURSO

 Iria Misa visitou a biblioteca e charlou co alumnado de sexto de educación primaria sobre o seu libro "A cidade do átomo" que forma parte dos itinerarios lectores deste curso 2024-2025.

ANTONIO MANUEL FRAGA VISITARÁ SEARA

IRIA MISA O PRÓXIMO MÉRCORES EN SEARA

 

EVA MEJUTO

 Visitounos a gran Eva Mejuto. Os seus contos son moi queridos polo noso alumnado, levánnos acompañando ao longo de moitos cursos. Grazas polo teu tempo e cariño.

ITINERARIO LECTOR: PATIO DE LUCES

 Mural realizado polo alumnado de 2º curso despois da lectura do libro "Patio de luces" de Érica Esmorís.

VISITA DE FINA CASALDERREY

 Despois de gozar da lectura do libro "O xenio da cidade de sal" o alumnado de quinto tivo a sorte de coñecer e falar coa súa autora, Fina Casalderrey. 

        

       

VISITA TERESA GONZÁLEZ

Despois dos encontros virtuais do pasado ano a rapazada de cuarto curso está encantada de recuperar os encontros presenciais con autores. Nesta ocasión recibiron a visita de Teresa González Costa a autora de "Unha abella máxica no camiño". Poideron preguntarlle moitas cousas sobre o libro, e incluso suxerirlle que máis lles gustaría que pasara na historia. Ademais Teresa adicoulle os libros (tanto este como "A nena, o monstro e o mar", que leron o pasado curso), e marabillouse coas creacións plásticas que o seu libro lles suxeriu.

ENCONTRO LECTOR CON LEDICIA COSTAS

 Hoxe, o alumnado de 5º B tivo un encontro lector a través do Webex con Ledicia Costas, a autora do libro no que se mergullaron este curso "A señorita Bubble". Con ela falaron sobre os protagonistas da historia, compartiron opinións e puideron resolver dúbidas e preparar o camiño para a continuación desta historia tan divertida na súa segunda parte. 

Moitas grazas Ledicia, por compartir con nós este momento! 

AS AVENTURAS DE SALTÓN NO CAMIÑO

Os rapaces e rapazas de terceiro estiveron lendo durante este trimestre o itinerario lector "As aventuras de saltón no camiño" de Arnold Lobel. Gustoulles tanto que imaxinaron e escribiron outras aventuras que podería vivir Saltón. Así pois, subiron á radio para poder contárnolas a todos. 

Seguro que despois de escoitar as súas aventuras te animas a ler o libro que ten Searín na biblio. 

Bo traballo rapazada!!

Itinerarios lectores 5ºB: A señorita Bubble

 O alumnado de 5ºB está inmerso na lectura da Señorita Bubble de Ledicia Costas. Gustoulles tanto a historia desta fantástica inventora que crearon un mural para a súa clase con todo tipo de detalles que aparecen no conto. O resultado non podía ser máis chulo! 

Parabéns rapaces/as!!

ENCONTRO LECTOR CON ANTÍA YÁÑEZ

Hoxe, o alumnado de 5º A tivo a posibilidade de coñecer a Antía Yáñez, a autora do libro que estiveron lendo durante este curso como itinerario lector. Así, Antía puido compartir con todos eles unha sesión na que falaron do proceso de elaboración de "Plan de rescate", intercambiaron opinións sobre os personaxes e souberon un pouquiño máis da escritora. 

Moitas grazas Antía!