CORREDOR DA BIBLIOTECA

 Despois da busca de seres máxicos galegos polo patio do colexio, chegou a hora de debuxar o que máis nos gustou a cada un, e decorar con eles o corredor da biblioteca. Espectaculares debuxos!

(Pinchade nas fotos que están todos os debuxos)

DENDE A MIÑA FIESTRA

O cole inundouse cos debuxos do que vedes dende a vosa fiestra.  Sodes uns artistas!

OS ODS POLO ALUMNADO DE SEGUNDO

O alumnado de segundo curso estivo inmerso na aprendizaxe dos 17 Obxectivos de desenvolvemento Sostible da axenda da ONU para 2030. Unha vez coñecidas e interiorizadas as características de cada un deles, realizaron os seus propios debuxos para ilustrar cada un dos obxectivos. Ao finalizar expuxéronnos nunha das paredes da súa clase para telos ben presentes durante este curso. 
Non me digades que non se entenden moito mellor así os ODS!! Un resultado marabilloso!

Parabéns segundo!!

 

Feliz Día das Bibliotecas Escolares!! (Parte II)

O alumnado de Infantil tamén se sumou á celebración do Día das Bibliotecas Escolares. Neste caso a pregunta foi: Como sería a túa biblioteca ideal? O resultado foron uns debuxos fantásticos que lle deron moitas ideas a Searín de como mellorar a biblio!!

O resultado tamén se expuxo no corredor da biblio! 

Hai que ver o ben que debuxan estas crianzas!! Parabéns!!

 

 

Feliz Día das Bibliotecas Escolares!! (Parte I)

Este curso o Día da Bibliotecas Escolares foi diferente. Aínda que non o puidemos celebrar xuntos na biblio como facemos noutras ocasións, sí realizamos todos a mesma actividade. 

En relación co proxecto, lanzouse a seguinte pregunta: Como imaxinas ti o mundo dentro de 50 anos? Lápiz e cores en man coa nosa imaxinación por diante, puxémonos a debuxar como pensamos que poderá ser o mundo alá polo 2070. 

Expuxemos os traballos no corredor da biblio e aquí xurdiu a maxia: tantos resultados diferentes como probabilidades hai de que o mundo cambie nestes próximos anos.  Talvez no 2070 os robots formen parte das nosas vidas, pode que tamén nos despracemos polo aire de xeito habitual, mais tamén nos percatamos de que se non realizamos un cambio a nivel individual e colectivo é probable que o mundo tal e como o coñecemos agora sexa mellor que no 2070. 

Estes debuxos van ser sen dúbida un bo comezo para reflexionar sobre o camiño que debemos tomar. 

Cambio positivo ou negativo? Searín opta polo primeiro... e ti? Empezamos? 

FELIZ DÍA DAS LETRAS GALEGAS!!

Grazas a todos os que vos animastes a participar nesta pequena homenaxe ao autor Ricardo Carvalho Calero. Sen vós non sería posible facelo!!

Esperamos que vos guste!

ABRE A BIBLIOTECA!

Por fin chegou o 1 de outubro! E a nosa biblioteca abriu de novo as súas portas! Como acto de inauguración expusemos no corredor os debuxos que todo o alumnado fixo sobre o seu programa favorito de televisión, o medio de comunicación sobre o que todos tiñan algo que dicir. Abaixo tedes unha pequena mostra, pero no corredor podedes velos todos.

DÍA DAS BIBLIOTECAS ESCOLARES

O 24 de outubro celébrase o Día de todas as Bibliotecas. En Seara quisemos festexar este día debuxando a portada da nosa banda deseñada favorita. Aquí tedes o resultado: