.png)
As crianzas da etapa de Educación Infantil viviron unha experiencia única na visita a Apípolis, unha granxa especializada no mundo das abellas.
Alí realizaron diferentes actividades como cociñar galletas de mel, elaboración de velas artesanais, degustación de mel... que tiñan como obxectivo pricipal achegar aos máis pequenos/as á natureza e conciencialos sobre a importancia destes insectos no equilibrio ambiental.
.png)
A rapazada de 4º e 5º curso participou na charla-obradoiro "Residuos Con-Ciencia: Ciclo da auga e depuración".
.png)
Os alumnos e alumnas de 5º de primaria prepararon cada un unha presentación sobre un animal que eles mesmos escolleron. Para esta actividade non so tiveron que buscar información, organizala e poñela nunha presentación, se non que tamén tiveron que mellorar a súa expresión oral falando sobre o tema e respondendo ás preguntas dos compañeiros/as.
O alumnado de 4º curso de primaria estivo co proxecto do Universo. O seu traballo de investigación na biblioteca culminou coa realización dunhas maquetas e as distintas presentacións na aula.
O alumnado de 1º e 2º curso de Educación Primaria descubriu moitas curiosidades sobre a vida das abellas grazas á colaboración co Concello.
Xa andan moitos detectives pola biblioteca investigando para poder unir os nomes de científicas e científicos galegos do panel (Ángel Carracedo, Rita Fernández Queimadelos, Ángeles Alvariño, Domingo Fontán e Begoña Vila) coa imaxe que se corresponde coa súa profesión steam, e tamén para poder descubrir os seus logros.
A rapazada de 5º realizou unhas guías de viaxe para aprender máis de Europa. Quedaron chulísimas!
.jpg)
Ao longo deste mes, o alumnado de 2º de Educación Primaria aprendeu moitas curiosidades sobre os ovos, os pitos e a raza da galiña de Mos. Tiveron na súa aula unha incubadora con ovos, e despois de agardar con moita paciencia... naceron os pitiños e con eles chegou a primavera.
Grazas a Diego e a AVIMO, Asociación de Avicultores da Raza Galiña de Mos, pola súa labor dedicada ao ensino, divulgación e conservación de razas autóctonas galegas.
.png)
%20(1).png)
En segundo curso están aprendendo sobre O Corpo Humano. A seguinte actividade fixérona coa aplicación Body Planet e a súa camiseta máxica. Que interesante lles resultou poder ver por dentro o corpo dos compañeiros e observar algúns dos seus sistemas do corpo e o seu funcionamento!
A cativada de 1º curso aprendeu sobre os animais da Ría de Vigo con videos e coas fichas que vedes abaixo. Ademais resumiu as súas aprendizaxes nun lapbook ou caderno desplegable.
Hoxe os nenos e nenas de 2º de primaria tiveron unha clase de ciencias na natureza da contorna da man dunha educadora de Naturaliza.
