Durante este mes de novembro, como podedes ver no video inferior, os experimentos inundaron as aulas.
Mostrando las entradas con la etiqueta Mes da ciencia. Mostrar todas las entradas
Mostrando las entradas con la etiqueta Mes da ciencia. Mostrar todas las entradas
15/11/25
RETOS DO MES DA CIENCIA EN GALEGO: DETECTIVES STEM
Xa andan moitos detectives pola biblioteca investigando para poder unir os nomes de científicas e científicos galegos do panel (Ángel Carracedo, Rita Fernández Queimadelos, Ángeles Alvariño, Domingo Fontán e Begoña Vila) coa imaxe que se corresponde coa súa profesión steam, e tamén para poder descubrir os seus logros.
27/11/24
MES DA CIENCIA: O CORPO HUMANO EN 3D
En segundo curso están aprendendo sobre O Corpo Humano. A seguinte actividade fixérona coa aplicación Body Planet e a súa camiseta máxica. Que interesante lles resultou poder ver por dentro o corpo dos compañeiros e observar algúns dos seus sistemas do corpo e o seu funcionamento!
15/11/24
MES DA CIENCIA: CHARLA SOBRE MICROPLÁSTICOS
Neste Mes da Ciencia alumnos de 5º curso foron polas aulas para explicar que son os microplásticos e os nanoplásticos e por qué son perigosos para a natureza e para nós. Ademais aproveitaron para sinalar que non estamos botando ben os residuos ao compost, xa que atoparon moitos plásticos nel. Temos que estar máis atentos!
7/11/23
COLABORACIÓN DAS FAMILIAS: BUQUE OCEANOGRÁFICO RAMÓN MARGALEF
Rubén, o pai de André e Luca, viu ao colexio para falarnos do buque oceánografico no que traballa. Mostrounos como é o buque por dentro, o traballo que realizan e a importancia que ten para o coidado da vida mariña. Moitas grazas.
22/11/22
20 ANOS DA CATÁSTROFE DO PRESTIGE
Este novembro cúmprense 20 anos do desastre do Prestige, que provocou a peor catástrofe ecolóxica da historia de España: unha marea negra que afectou especialmente á costa galega.
26/11/21
NO MES DA CIENCIA ESTUDAMOS O POLBO
A rapazada de primeiro curso recibiu a visita de Carlos Veiga, un mariñeiro de baixura que, entre outras especies, se adica a pesca do polbo. Explicoulles moitas cousas sobre o seu traballo, no que tamén utiliza a ciencia, e mostroulles as nasas e incluso un polbo.
Ademais os pequechos aproveitaron para entrevistalo en Radio Seara.
23/11/21
GALEGAS NA CIENCIA
O Concello de Moaña agasallounos con dous exemplares do libro "GALEGAS NA CIENCIA".
15/11/21
Mes da ciencia en galego
Ao longo do mes novembro, realizáronse diversas actividades nas aulas para conmemorar o mes da ciencia.
Este texto do científico Ángel Carracedo resultou moi interesante para ler e debatir co alumnado.
Ademais tamén se realizaron experimentos e a exposición de traballos de investigación.
17/12/20
OS EXPERIMENTOS DE 4º DE PRIMARIA
O alumnado de cuarto curso levou dous experimentos aos compañeiros/as de segundo.
O primeiro deles consistiu en meter dentro dun vaso un papel arrugado de xeito que non caia se se lle dá a volta. Colleron ese vaso e metérono boca abaixo nun caldeiro con auga. Se vai dereitiño o papel non se molla pois quedou aire dentro, e ao torcelo sae o aire, entra a auga e móllase o papel. O aire ocupa un espazo.
Experimento 2: nun prato cunha pouca auga puxeron unha candea acesa e tapárona cun vaso. Primeiro apágase a candea por falta de osíxeno e despois a auga do prato pasará a dentro do vaso e fará que a candea se eleve pola diferencia de presión.
14/12/20
O EXPERIMENTO DE SEXTO DE PRIMARIA
O alumnado de 6º curso levoulle aos compañeiros/as de 4º varios experimentos cos que sen dúbida quedaron abraiados, pois molan un montón! Aquí tedes as fotos do día que realizaron a demostración dos experimentos así como a presentación onde explican o paso a paso do proceso e os materiais que necesitaron.
Parabén polo traballo sexto! Cantas cousas aprendemos na Semana da Ciencia, non si?
8/12/20
OS EXPERIMENTOS DE 5º DE PRIMARIA
Os cursos de 5º A e 5º B prepararon varios experimentos para o alumnado de 3º. Entre eles están os chamados " A auga que non cae", "Inchando sen soplar" "Superovo" ou "Volcán". Foron rexistrando o proceso de investigación nunhas fichas nas que anotaron os materiais que necesitaban para poñelos en marcha, a hipótese do que podería pasar ao realizar o experimento e o paso a paso.
Seguro que aos nenos e nenas de terceiro lles encantou ver o resultado!! Parabéns polo traballo, quinto!!
A continuación preme en cada liña subliñada abaixo para acceder ao vídeo da explicación de cada experimento.
7/12/20
O EXPERIMENTO DE 3º DE PRIMARIA
O alumnado de 3º explicoulle ao 1º curso como actúa o xabón contra o Covid-19. No seu blog podemos acceder á información detallada do proceso e ao vídeo que gravaron onde nos explican paso a paso a importancia do uso do xabón para coidar a nosa saúde.
Seguro que o alumnado de 1º entende mellor agora porque é tan importante lavar ben as mans! Parabéns polo traballo terceiro!!
Preme aquí para acceder á entrada no seu blog : BLOG DE TERCEIRO
4/12/20
O EXPERIMENTO DE 6º DE INFANTIL
Os nenos e nenas de 6º de Infantil demostráronlle ao alumnado de 6º de primaria que pasa cando pos unha flor cos pétalos pechados na auga. Pouco a pouco estes vanse abrindo ata poder presenciar finalmente a flor completamente aberta. Isto é debido a que a auga pasa a través das fibras do papel e fai que este se inche e se estire ata abrirse. O proceso polo que a auga sobe polo papel chámase acción capilar ou capilaridade.
Seguro que os maiores gozaron un montón co experimento! Parabéns ao equipo vermello de infantil polo traballo!!
3/12/20
O EXPERIMENTO DE 2º DE PRIMARIA
Durante a realización dun traballo relacionado co aniversario do afundimento do Prestige, o alumnado de 2º reparou en que o fuel que transportaba flotaba na agua do mar. Descubriron que os líquidos na natureza están organizados en función do seu peso e do espazo que ocupan, é dicir, a súa densidade.
Así que decidiron mostrarlles ás nenas e nenos de 4 anos de infantil o que ocorría se introducían nunha botella con moito coidado xabón, auga e aceite. O resultado foi que os líquidos permanecían sen mesturarse, organizados tal e como os botaran ao comezo.
Seguro que aos pequerrechos e pequerrechas lles encantou ver o resultado! Parabéns polo traballo, segundo!!
2/12/20
O EXPERIMENTO DE 1º DE PRIMARIA
"Flota ou non flota" foi o experimento realizado polo alumnado
de 1º de Educación Primaria ao curso de 5º de Educación Infantil.
O experimento consistiu en probar se unha
serie de obxectos flotaban ou non: papel, lapis, clip, cores ou palillos foron algúns dos elixidos.
Os pequenos probaban e os maiores anotaban. Despois propuxéronlle un reto: intentar darlle forma a unha pequena bóla de plastilina para que flotara na auga. Conseguírono coa axuda dos maiores!!
Suscribirse a:
Entradas (Atom)