RECOMENDACIÓNS LECTORAS PARA O VERÁN

Xa co curso a piques de rematar, Searín proponvos lecturas e música para este verán. Algunhas están sacadas do forno recentemente e outras son de autores que vos gustan moito. 

Esperamos que as desfrutedes alá onde as levedes!!

"QUÉDATE EN GALICIA" POLO ALUMNADO DE 5º CURSO

Despois de investigar e aprender un montón sobre distintos países do mundo, o alumnado de 5º pensou que era un bo momento para volver á terra, xa que seguramente este verán non faremos viaxes de longa distancia e coñeceremos mellor Galicia. Así que, puxéronse a investigar e fixeron un percorrido polos 118 castelos que temos en Galicia!! A que ti tampouco imaxinabas que houbera tantos? 

Preme nos seguintes enlaces que tes abaixo para poder acceder ao seu blog e ver todas as interesantes propostas que vos ofrecen. 

https://quintoseara.blogspot.com/2020/06/castelos-de-galicia-publicidade-1.html

https://quintoseara.blogspot.com/2020/06/castelos-de-galicia-publicidade-2.html

https://quintoseara.blogspot.com/2020/05/castelos-de-galicia-diarios-de-viaxe.html

WILLY FOG E O ALUMNADO DE SEGUNDO CHEGAN A EEUU

Dende que comezou o curso, o alumnado de segundo está dando a volta ao mundo da man de Willy Fog. Xa estiveron en varios países como xa vistes en entradas anteriores e durante este tempo, dende as súas casas, continuaron coa aventura e chegaron aos EEUU. Aprenderon un montón de cousiñas interesantes sobre este país e realizaron murais con todas elas.

Canto traballaron estes rapaces e que resultado máis chulo obtiveron co seu esforzo! Noraboa!!

O PDI EN 4º E 5º: XAPÓN A TRAVÉS DOS HAIKUS

Antes de comezar o confinamento, o alumnado de 5º estaba aprendendo un montón de cousas sobre Xapón: historia, arte,cultura en xeral, gastronomía, deportes....Tamén traballaron sobre lendas e pintaron as típicas cerdeiras en flor e a "gran onda", viron anime, etc.
Aquí tedes algunhas fotos do mural que presentaron no corredor do segundo piso.

Durante esta etapa na casa, tanto a rapazada de 5º como o alumnado de 4º cuso, escribiron e decoraron HAIKUS. Os haikus son poemas antigos de orixe xaponés formados por tres versos de 5, 7 e 5 sílabas, sen rima.

Mirade que traballo máis interesante realizaron!!

HAIKUS DO ALUMNADO DE 4º CURSO (Preme sobre a imaxe para poder acceder)

HAIKUS DO ALUMNADO DE 5º CURSO

O PDI EN 2º: FRANCIA

O alumnado de 2º continuou durante o segundo trimestre inmerso na súa volta ao mundo. Nesta ocasión fixeron unha parada en Francia e comezaron a investigar sobre a súa localización, mapas de rúas e metro, os seus monumentos e museos máis importantes, comidas típicas... Ademais, tamén traballaron sobre un dos libros máis famosos do país e o seu escritor e ilustrador: "O Principiño" de Antoine de Saint-Exupéry.

Expuxeron o resultado no corredor. 

Mirade que bonito lles quedou!! 

O PDI EN 2º: FRANCIA

Publish at Calameo

8 DE MARZO. DÍA DA MULLER

Este curso para celebrar o 8M realizamos distintas actividades.
Por unha parte, debuxamos e pintamos en depresores de madeira unha muller importante para nós.
O resultado de todos os depresores pegámolo sobre un mural que o alumnado de Educación Infantil pintou e que podedes encontrar na entrada do centro.
Mirade que chulo quedou!

Por outra banda, cada clase centrouse nunha ou varias mulleres aventureiras ou pioneiras. Investigaron por equipos sobre elas e plasmaron o resultado en cartolinas. Ademais, con pequenas lupas, situáronas no mapa, tendo en conta o seu país de orixe.
Cantas destas mulleres coñecías ti? Non che parece interesantísimo quenes foron ou son e o que conseguiron facer?

8 DE MARZO. DÍA DA MULLER

Leer más publicaciones en Calaméo

ENTROIDO 2020

E chegou o entroido!! Este curso, disfrazámonos ao igual que o noso PDI, de "xentes" do mundo. O alumnado de Infantil representou África disfrazándose de masáis. 1º e 2º  convertéronse en mexicanos/as. A rapazada de 3º e  4º fixeron o mesmo de hindús e, finalmente o alumnado de 5º e 6º de xaponeses.
Fixemos o tradicional desfile polo pobo e subimos ao palco a cantar as murgas que previamente preparamos nas aulas.

Despois merendamos doces típicos desta época e queimamos a Meca.

Pasámolo xenial!!

VIAXAMOS A MÉXICO DA MAN DE ÓSCAR SIERRA

O venres pasado, Óscar, o papá de Martina de 2º, veu contarnos un montón de cousiñas interesantes sobre México. El estivo vivindo alí durante seis anos cando era rapaz, así que nos descubriu a fauna máis abundante no país, as comidas típicas, tamén nos falou da música e cultura mexicana e incluso nos ensinou a un coñecido superheroe: el Chapulín Colorado. 
Puidemos preguntarlle moitas dúbidas e curiosidades e pasamos un momento moi agradable.

Moitas grazas Óscar, por vir compartir connosco a túa experiencia e sabedoría!

O MURAL DA CLASE DE 1º SOBRE GRECIA

O curso de 1º continúa a traballar o PDI. Agora mesmo están investigando e aprendendo un montón de cousiñas sobre Grecia: a súa bandeira e capital, monumentos, comidas típicas e ata o abecedario! Tanto é así, que decidiron escribir o seu nome e apelidos en grego e o resultado de todo este traballo está exposto no corredor.Tamén fixeron unha cata de produtos típicos como o queixo feta, o tradicional iogur grego ou as aceitunas.
 Noraboa polo traballo realizado!!

EXPOÑEMOS O QUE APRENDEMOS SOBRE O PDI

A clase de 2º está dando a volta ao mundo da man de Phileas Fogg. Recentemente estiveron en Italia e aprenderon un montón de cousas que aproveitaron para contarlles aos compañeir@s da aula de 1º: a localización no mapa, monumentos como o Coliseo de Roma ou a Torre de Pisa, moeda antiga, roupa, festas e comida típicas, leis, etc. Tamén lles contaron a historia de Rómulo e Remo.
Para saber máis cousiñas sobre este país, podedes ver o mural que fixeron no corredor.
A min encántame o resultado!! E a vós?

INVESTIGAMOS...

Unha das características do desenvolvemento do PDI é iniciar ao alumnado na aprendizaxe de busca de información e investigación. Na biblio temos un montón de libros sobre o proxecto nos que atopar moita información relevante.
E así,pasiño a pasiño e coa axuda das profes imos aprendendo e descubrindo as cousas que o mundo ten gardadas para nós!

RECEITAS DO MUNDO!!

O alumnado de 5º xunto coa teacher e Simra, trasladáronse por uns momentos a México e cociñaron unha das receitas máis típicas do país: o guacamole. E como era de esperar, despois do proceso de elaboración tocou gozar do resultado final acompañado de nachos.
Estaba de rechupete!!
Agora toca preparalo na casa para disfrutalo coa familia!

INVENTOS QUE CAMBIARON O MUNDO

Novembro é o mes da Ciencia, así que o alumnado de Seara púxose a investigar sobre os inventos que cambiaron o mundo. 

Seleccionaron aqueles que máis curiosidade lles despertou e cubriron a ficha co nome do invento, orixe, inventor/a, unha breve descrición do invento así coma un debuxo ou imaxe do mesmo. 

Xa por último, asignáronlle un número a cada invento e colocaron a modo de lupa o seu lugar no mapa do mundo para telos localizados xeograficamente. 

Moi bo traballo rapaces/as!!