VENRES 25 DE ABRIL: XORNADA DE XOGOS

OBRADOIRO DE CREATIVIDADE NA AULA

 O alumnado de 2º e 4º curso de primaria gozou dun Obradoiro de Creatividade na aula con Laura Campos Suárez. 

Coro das emocións Educación responsable

Dentro do programa de Educación Responsable o alumnado de 4º traballou as emocións a través da música.

PATIOS DINÁMICOS

Para que todo o alumnado poda realizar actividades do seu interese o noso Departamento de Orientación 

puso en marcha, este curso, os "Patios inclusivos", co obxectivo de crear espazos e momentos de xogo durante o tempo de lecer.

SAÍDA A ILLA DE SAN SIMÓN

Todo o alumnado do centro pasou o día na Illa de San Simón nunha fermosa xornada de convivencia.

BIBLIOEMOCIONAL EN 4 ANOS

Abaixo podedes ver todas as actividades que as crianzas de 5º de Ed. Infantil (catro anos) fixeron durante o curso para traballar as emocións.

NOVA XORNADA DE XOGADE EN PONTEVEDRA

 O alumnado de 5º curso participou con outros centros da provincia nunha nova xornada de Xogade, disfrutaron dun día de compañerismo e ademais obtiveron moi bos resultados.

QUINTO CONTA

Tódolos anos adicamos o mes de abril aos libros e o mes de maio ás letras galegas. Este ano @s alumn@s de 5º de E.P. preparáronse como contador@s e fixeron numerosas narracións para festexar o Día do Libro e facer tributo ao noso idioma no mes das Letras Galegas. Este alumnado non soamente foi contando os contos polos diferentes cursos do centro, se non que tamén estiveron formando ao alumnado de 3º EP e expoñendo a súa experiencia como narrador@s de historias.

Dende aquí dámoslles a noraboa polo seu esforzo e as felicitacións por implicarse tanto neste proxecto.

OBRADOIRO DE PRIMEIROS AUXILIOS

 Estes días tivemos no colexio aos Técnicos en Emerxencias Sanitarias galegos que impartiron uns obradoiros para toda a rapazada do centro sobre primeiros auxilios básicos.

CHARLA AFECTIVO-SEXUAL

DÍA DA TERRA

Para conmemorar o Día da Terra, os alumnos e alumnas de 6º de Infantil realizaron esta fantástica coreografía da canción "Madre Tierra".

PLENO INFANTIL NO CONCELLO

O alumnado de 5º e 6º enviou aos seus representantes ao Pleno Infantil no Concello de Moaña; onde, xunto aos representantes do resto de colexios de Moaña, presentaron as súas propostas de mellora.

PONTE NOS SEUS ZAPATOS. 2 DE ABRIL. DÍA MUNDIAL DE CONCIENCIACIÓN SOBRE O AUTISMO

Este é o vídeo que acompaña, a través dun código QR, a instalación artística que colocamos nos Xardíns do Concello de Moaña con motivo do Día da Concienciación sobre o Autismo. Nel podedes ver como a rapazada fixo a instalación e principalmente como probaron a "Poñerse nos seus zapatos".

Ademais o vídeo acompáñase coa lectura  dun emotivo texto escrito pola  nai dun rapaz con autismo.

INSTALACIÓN NOS XARDÍNS DO CONCELLO

Instalación artística situada nos Xardíns do Concello de Moaña co motivo da celebración do " Día da Concienciación sobre o Autismo". Acompáñase dun video onde aparece o proceso de preparación da obra, ademais da lectura dun emotivo texto escrito pola nai dun rapaz con autismo. Grazas a comunidade educativa por participar e atreverse a camiñar con outros zapatos.

OBRADOIRO COMIDA SAUDABLE

A rapazada de cuarto de Educación Primaria  participou nos talleres de almorzo saudable impartidos 

polo alumnado do Obradoiro de Cociña do Patronato Beiramar do Concello de Moaña. 

Que riquísimo estaba todo. Moitas grazas pola invitación.

2 DE ABRIL. DÍA MUNDIAL DE CONCIENCIACIÓN SOBRE O AUTISMO

Este curso probamos todos a poñernos nos zapatos dos demais, e sobre todo dos compañeiros e  persoas con autismo. As fotos montadas nun video formarán parte dunha instalación que colocaremos nos xardíns do Concello. Queremos visibilizar e concienciar sobre o autismo non solo no colexio, se non tamén na comunidade  na que vivimos.

BOLBORETAS PARA O AUTISMO. OBRADOIRO DE COSTURA

Preparando a instalación para celebrar o Día Internacional do Autismo que montaremos nos xardíns do concello. O obradoiro de costura da biblioteca preparou moitas bolboretas azuis . 

21 DE MARZO: DÍA DA ÁRBORE

8 DE MARZO: DÍA DA MULLER

Toda a rapazada do cole reuniuse no patio para cantar unha nova versión da canción "Os días da semana" dos Pallasos da Tele. Rompendo cos roles tradicionais de xénero! 

Exposición Día da Muller