VISITA FUNDACIÓN MENIÑOS

 A rapazada de 5 anos e 1º de primaria realizou un obradoiro coa Fundación Meniños no que traballaron as emocións.

OBRADOIRO RESOLUCIÓN DE CONFLITOS

 
A resolución de conflictos de diversas formas e un dos obxectivos de este curso.Para afondar neste tema tan importante na escola neste momento traballamos tamén na aula con expertos externos.

A QUE SABE A LÚA?

Durante varias sesións os alumnos de 2º de E.P. traballaron o conto “A  QUE  SABE  A  LÚA” realizando diversas actividades, que axudaron a favorecer o diálogo, promover as competencias persoais e sociais como a empatía, identificación/expresión emocional, o compañeirismo, o esforzo, o traballo en equipo, a creatividade…

Como actividade final fixeron un mural onde, “construímos” unha MONTAÑA DE AMIGOS para alcanzar un anaquiño de lúa e imaxinar a que sabería e que fariamos con ela. Todos decidiron: COMPARTILA

UNHA CHEA DE EMOCIÓNS MONSTRUOSAS!

 Aproveitando que o Samaín dedicámolo aos monstros, chegaron a clase unha chea deles. Xogamos e clasificámolos, xa que había monstros tristes, alegres, enfadados e ata algún namorado.

SAMAÍN EN SEARA

Neste Samaín ademais de cabazas espectaculares e disfraces terroríficos houbo obradoiros de monstros  para decorar os corredores, cancións monstruosas (que podedes ver no segundo video), recreacións de O Berro de Munch, monstros de Borktus Leer feitos polos máis pequenos e contacontos de profesores e de alumnos (estes últimos escribiron os seus propios Contos de Medo).

E como non nos gusta nada ter medos, desfixemos deles na SuperCabaza de Seara.

MALALA

CONTOS E EMOCIÓNS: GARAVANCIÑO

En segundo están traballando as emocións a través dos contos. Con Garavanciño déronse conta do importante que é coñecerse  e confiar nun mesmo.

SEGUNDO ACUDE AO FIC BUEU

Os nenos e nenas de 2º curso asistiron ao Festival Internacional de Cinema de Bueu, onde tiveron a ocasión de ver sete curtametraxes interesantísimas. Nas aulas traballaron a orde das secuencias, resumos, gráficos e tamén falaron de como se sentiron ao ver cada unha das curtas.

Aquí tedes unha pequena presentación sobre as emocións que as pelis lles xeneraron e dúas fotiños dese día.

O NOSO PROXECTO: EXPRESARTE

Este ano o noso Proxecto vai sobre as EMOCIÓNS e tamén sobre como podemos expresalas a través do ARTE. 

O alumnado de sexto fixo un precioso cartel para ilustralo.

Lecturas que nos unen

 En Educación Infantil descubriron este conto marabilloso!

Un conto que fala de como poder seguir sendo amigos/as e mostrándonos o afecto dende a seguridade da distancia física que tan necesaria é actualmente.

Así o deixaron reflectido, estos pequenos/as, nas súas aulas:

APRENDENDO SOBRE AS PERSOAS NON OÍNTES

O venres, o alumnado do centro acudíu a unha charla moi interesante que nos ofreceu a Asociación de Persoas Xordas de Vigo. 

Os rapaces/as de infantil tiveron a sorte de ver e escoitar un conto en Linguaxe de Signos. Ademais de que era un conto coñecido para todos eles/as ("O monstro de cores vai ao cole" de Anna Llenas"), aprenderon os signos das principais cores. 

O alumnado de primaria puido saber máis sobre a vida cotiá das persoas que non oen a través da historia de Iago (un neno xordo) e a súa amiga Ruth: como fan para despertar pola mañá, como saben se alguén está chamando á súa porta... cousiñas que nos parecen moi básicas no noso día a día, pero que dende outra perspectiva nos fixeron reflexionar moito. 

Finalmente, ensináronnos algunhas palabras para aprender a comunicarnos en Linguaxe de Signos. 

Moitísimas grazas a Asociación por compartir esta aprendizaxe connosco.  

EDUCANDO CON MALIBÚ

Onte tivemos unha visita moi especial! Malibú, unha cadela que vive na Casa Grande de Xanceda, desprazouse ata o noso cole xunto coa súa coidadora para explicarnos un montón de cousiñas sobre as mascotas: características, coidados... E o máis importante: concienciarnos da responsabilidade que conleva ter un animal de compañía así coma o respecto e a sensibilidade que merecen pola nosa parte. 

Malibú quedou encantada con todos os aloumiños que recibiu e nós coa oportunidade de poder disfrutar da súa compañía e aprendizaxe. 

Se queredes saber máis sobre esta proposta podedes visitar o seu enderezo web: www.educandoconmalibu.com

MALETA DE EMOCIÓNS

Na nosa biblioteca está a disposición de todos, alumnado e profesorado, a maleta viaxeira con libros sobre as emocións da Asesoría de Bibliotecas de Vigo.