Feliz verán

Acabou un curso cheo de momentos para recordar... 

Desexámovos unhas moi felices e merecidas vacacións de verán! 

Graciñas á toda a comunidade educativa do CEIP Seara pola vosa implicación, colaboración e cariño.

Olimpiadas escolares

Despois de dous cursos retomamos a convivencia co resto dos centros escolares do concello nas Olimpiadas Escolares.

VISITA Á PRAZA DE ABASTOS DE MOAÑA

 O alumnado de primeiro de primaria visitou a praza de Abastos. Actividade incluida no programa  "Aprende Moaña" , do Concello de Moaña.

MUSEO DO MAR DE MOAÑA

O alumnado de quinto e sexto de primaria disfrutou coa a visita de dous profesionais do mundo do mar que compartiron con eles toda a súa grande sabedoría.

SAÍDA ÁS ILLAS CÍES

O grupo de terceiro de Educación Primaria gozou dunha visita guiada ás illas Cíes, grazas ao premio conseguido no concurso de postais pola súa compañeira  Mencía Otero.

PARTICIPACIÓN NO PLENO INFANTIL MUNICIPAL

Representantes de 4º, 5º e 6º curso participan do Pleno Infantil do 9/06/2022 sobre o Obxectivo de Desenvolvemento Sostible 3: Saúde e Benestar.  O resto dos compañeiros seguimos o pleno on line.

Clicando na primeira foto podedes ver o vídeo do Pleno na páxina de Facebook do Concello:

 

ANIMAIS GALEGOS

 Os nenos e nenas de 1º de Educación Primaria fixeron este libro interactivo para celebrar o día do Medio Ambiente. Ensinámosvos algún dos animais galegos máis característicos para concienciar sobre a importancia de protexer os ecosistemas galegos. 

8 DE XUÑO: DÍA MUNDIAL DOS OCÉANOS

Día mundial do medio ambiente

 “Unha soaTerra” foi o lema da primeira conferencia sobre o Medio Humano  celebrada en 1972 e, 50 años despois, o lema segue vixente: este planeta é o noso único fogar, é responsabilidade de todos coidalo e salvagardar os seus recursos finitos.

 

CONCERTO DIDÁCTICO DA ESCOLA DE MÚSICA

Hoxe participamos dunha marabillosa xornada do concerto didáctico da Escola de Música Municipal de Moaña "Monstros por aquí...monstras por alá". Ademais de disfrutar da música e da historia, os músicos e o texto déronnos moitas pistas para reflexionar sobre a convivencia e a inclusión.

SEMENTANDO GALEGO 2022

Celebramos o Día da Lingua con xogos cantados que se transmiten de maiores a pequenos.

Ía eu camiño de Viseu

Debuxos para elaborar o Scratch -Idade Media

O alumnado de quinto elabora o material para crear un Scratch histórico.

UN ALMORZO PARA PENSAR

 "Un almorzo para pensar", así é como se titula  a pequena historia que os alumnos de valores de 4º gravaron para facernos reflexionar.

SEGUIMOS LIMPANDO AS PRAIAS

O Faro de Vigo faise eco do noso traballo limpando as praias de Moaña. Pincha na foto para ler a noticia.

VOLVEN OS BOOKTUBERS A SEARA

O alumnado de 4º ten moitas ganas de que a biblioteca volva a funcionar con total normalidade, así que, animáronse a facer algunhas das tarefas dos axudantes da Biblioteca, neste caso recomendacións lectoras.  Non se lles dá nada mal facer de booktubers!

Limpamos a Xunqueira

As nenas e nenos de primeiro e quinto de primaria saíron limpar a praia da Xunqueira , recolleron 7,5 kg de lixo en moi pouco tempo. SALVEMOS O PLANETA!

Scratch coa poesía de Fran Alonso

 O alumnado de 5º curso puso en práctica os seus novos coñecementos de Scratch para mostrar o aprendido sobre a obra de Fran Alonso e preparar a súa visita.

 

 

 

 

FRAN ALONSO EN RADIO SEARA

A charla de Fran Alonso sobre o seu libro "Douche a miña palabra" rematou cunha entrevista en Radio Seara.

ECO-RETO DE MAIO

 

CONCERTO "XIRAREI COS BOLECHAS"

O pasado 27 de abril tivemos en Seara un concerto de María Faltri para  presentarnos o proxecto do Concello de Moaña "Xirarei cos Bolechas".  O Concello xuntou a dez músicas e músicos vinculados con Moaña para que compuxeran cinco temas a partires do libro "Os bolechas van a Moaña". 

Se pinchades no libro podedes ir á páxina onde están todas as cancións e os videos:

Neste video podedes ver o conto narrado:

E aquí podedes ver que ben o pasaron no concerto: