2 DE ABRIL. DÍA DA CONCIENCIACIÓN SOBRE O AUTISMO

Hoxe 2 de Abril realizamos no CEIP Seara varias actividades co fin de concienciar ao alumnado e á toda a comunidade educativa sobre a importancia de apoiar e comprender ás persoas con TEA.

XOGOS DE MESA RECOMENDADOS

Este Nadal para facer unha boa recomendación de xogos , cos que agasallar a todos , nenos e adultos recurrimos a inestimable axuda do profesor Juan Carlos Ruiz, coñecido en redes sociais como @profejugon, experto na aprendizaxe baseada no xogo e creador de moitos xogos de mesa. Esperamos que estas ideas vos axuden coas peticións de nadal.

NOVEMBRO MES DA CIENCIA

No CEIP Seara este mes da ciencia nos adicamos a ampliar coñecementos curriculares relacionados con diferentes areas científicas, como a astronomía, botánica e o corpo humano. Profundizamos, en relación co PDI, no  Xadrez, que está considerado como o deporte ciencia. Este xogo estratéxico foi obxecto de estudo e análise por parte de expertos en diversas áreas científicas,  que descubriron  que o xadrez e a ciencia están estreitamente relacionados con ámbitos científicos como a intelixencia artificial, as matemáticas, a neurociencia e a psicoloxía cognitiva.

3 DE DECEMBRO. DÍA MUNDIAL DA DISCAPACIDADE

Este ano adícamos o día ás persoas con discapacidade visual. Ademais de traballar con curtas como

"Pip can guía"co alumnado máis pequeno, os nenos e nenas de primaria empregaron o sistema de lectura e escritura Braille.

QUINTO CONTA

Tódolos anos adicamos o mes de abril aos libros e o mes de maio ás letras galegas. Este ano @s alumn@s de 5º de E.P. preparáronse como contador@s e fixeron numerosas narracións para festexar o Día do Libro e facer tributo ao noso idioma no mes das Letras Galegas. Este alumnado non soamente foi contando os contos polos diferentes cursos do centro, se non que tamén estiveron formando ao alumnado de 3º EP e expoñendo a súa experiencia como narrador@s de historias.

Dende aquí dámoslles a noraboa polo seu esforzo e as felicitacións por implicarse tanto neste proxecto.

FESTA DA PRIMAVERA

O venres antes das vacacións celebramos a Festa da Primavera no noso colexio.  Ademais de manualidades nas aulas, houbo xogos para a rapazada de Primaria e unha busca de ovos para o alumnado de Infantil. Como colofón houbo ovos de Pascua  e tarxetas feitas con papel reciclado e sementes para todos.

PONTE NOS SEUS ZAPATOS. 2 DE ABRIL. DÍA MUNDIAL DE CONCIENCIACIÓN SOBRE O AUTISMO

Este é o vídeo que acompaña, a través dun código QR, a instalación artística que colocamos nos Xardíns do Concello de Moaña con motivo do Día da Concienciación sobre o Autismo. Nel podedes ver como a rapazada fixo a instalación e principalmente como probaron a "Poñerse nos seus zapatos".

Ademais o vídeo acompáñase coa lectura  dun emotivo texto escrito pola  nai dun rapaz con autismo.

INSTALACIÓN NOS XARDÍNS DO CONCELLO

Instalación artística situada nos Xardíns do Concello de Moaña co motivo da celebración do " Día da Concienciación sobre o Autismo". Acompáñase dun video onde aparece o proceso de preparación da obra, ademais da lectura dun emotivo texto escrito pola nai dun rapaz con autismo. Grazas a comunidade educativa por participar e atreverse a camiñar con outros zapatos.

OBRADOIRO DE TARXETAS

Temos un novo obradoiro na Biblioteca. 

En segundo curso fixeron papel con folios reciclados e puxéronlles sementes. Agora nos recreos da biblio crearemos tarxetas dando a benvida á primavera para todo o alumnado do colexio. 

BOLBORETAS PARA O AUTISMO. OBRADOIRO DE COSTURA

Preparando a instalación para celebrar o Día Internacional do Autismo que montaremos nos xardíns do concello. O obradoiro de costura da biblioteca preparou moitas bolboretas azuis . 

OBRADOIRO DE PAPIROFLEXIA

OBRADOIRO DE POMPÓNS

 

Maxia en Infantil

A convivencia entr o alumnado de Educación Primaria e Infantil ten un lugar prioritario na organización do centro. Os maiores do colexio preparan pequenas propostas para os máis pequechos/as e isto failles desenvolver o sentido da responsabilidade, empatía, oratoria e outras habilidades sociais tan importantes hoxe en día. Desta volta, un alumno de sexto realizou un espéctaculo de maxia para todo Infantil.

Grazas, Borja!

A ARTE EN VERTICAL

A arte en vertical é unha maneira diferente de pintar, escribir , debuxar e tamén de escoitar  recitados de poemas gardados en códigos QR que favorece a coordinación óculomanual. mellora o tono muscular , a orientación espacial ...

A arte en vertical. Poema 4

 

A arte en vertical. Poema 3

 

A arte en vertical. Poema 2

 

A arte en vertical. Poema 1

 

Novas construccións na Biblioteca!

 

As normas da Biblioteca