IGUALDADE DE XÉNERO NO DEPORTE, S.D. SANMERTOLOMEU CO CEIP SEARA

 O venres 16 tivemos unha xornada promovida pola sociedade deportiva SANMERTOLAMEU co obxectivo de promover o deporte en equipo e a importancia da igualdade de xénero nos deportes.

O alumnado fixo diferentes actividades como o visionado dun vídeo coa historia do clube ou a investigación sobre a porcentaxe e a importancia actual dos homes e as mulleres na vida deportiva profesional en diferentes deportes. Esta actividade encádrase nun programa desenvolvido pola Xunta de Galicia e o Deporte Galego.

PATIOS DINÁMICOS

Para que todo o alumnado poda realizar actividades do seu interese o noso Departamento de Orientación 

puso en marcha, este curso, os "Patios inclusivos", co obxectivo de crear espazos e momentos de xogo durante o tempo de lecer.

BIBLIOEMOCIONAL EN 4 ANOS

Abaixo podedes ver todas as actividades que as crianzas de 5º de Ed. Infantil (catro anos) fixeron durante o curso para traballar as emocións.

CINEMA CON PERSPECTIVA EN 5º CURSO

Dentro do programa da Consellería de Cultura de "Cinema con perspectiva" o alumnado de 5º e 6º de Ed. Primaria puido disfrutar da proxección de curtametraxes con temática en igualdade de xénero co obxectivo de fomentar entre o alumnado a reflexión sobre o papel da muller na sociedade, a violencia de xénero e ad desigualdades.

Despois da proxección María Ruíz, integrante do equipo do Festival Internacional de Curtametraxes de Bueu moderou un coloquio para estimular a capacidade reflexiva do alumnado sobre os valores e mensaxes ocultas oresentes nas filmacións.

 

CHARLA AFECTIVO-SEXUAL

SEARA ANTI-BULLYING

 Dende o  Departamento de Orientación en colaboración coa a Bibilioteca preparouse material para traballar nas aulas. O alumnado de segundo, a partir de videos, contos e imaxes, debatiron e dialogaron spbre o acoso escolar. Despois plasmaron as reflexións ás que chegaron nos seus  propios carteis sobre o Bullying.  

                                                  

                                                    

OBRADOIRO CON ANXO FARIÑA

A Cidade Violeta é un obradoiro de ilustración e creatividade, e tamén de igualdade e loita contra a violencia de xénero.

                               

                           

                               

OBRADOIRO DE ACOSO ESCOLAR EN CUARTO

Os pasados 12, 13 e 14 de abril viñeron ao noso colexio os psicólogos Juanma e Noemí para

falarnos do acoso escolar.

Con eles tratamos o tema do acoso e representamos situacións con Legos.

Na primeira parte do obradoiro explicábannos como actuaba o acosador, a vítima, o observador

e a persoa que tiña medo e que non quería estar no grupo do acosador. Na segunda parte

dábannos uns papeis e tiñamos que escribir se algunha vez viramos unha situación de bullying

ou se nos fixeran a nós algunha falta de respecto. Para rematar

tiñamos que recrear unha situación dese tipo cos Legos. Despois xuntabamos todas as

creacións para ver os resultados.

Aprendemos moitas cousas da persoa acosadora e da vítima. Unha vez tamén fixemos unha

escea na que o acosador era o protagonista. Apuntabamos as ideas cada día na lousa da clase

e sempre nos recordaban que o máis importante é ter empatía. Pasámolo xenial e

aprendemos cousas novas.

PONTE NOS SEUS ZAPATOS. 2 DE ABRIL. DÍA MUNDIAL DE CONCIENCIACIÓN SOBRE O AUTISMO

Este é o vídeo que acompaña, a través dun código QR, a instalación artística que colocamos nos Xardíns do Concello de Moaña con motivo do Día da Concienciación sobre o Autismo. Nel podedes ver como a rapazada fixo a instalación e principalmente como probaron a "Poñerse nos seus zapatos".

Ademais o vídeo acompáñase coa lectura  dun emotivo texto escrito pola  nai dun rapaz con autismo.

INSTALACIÓN NOS XARDÍNS DO CONCELLO

Instalación artística situada nos Xardíns do Concello de Moaña co motivo da celebración do " Día da Concienciación sobre o Autismo". Acompáñase dun video onde aparece o proceso de preparación da obra, ademais da lectura dun emotivo texto escrito pola nai dun rapaz con autismo. Grazas a comunidade educativa por participar e atreverse a camiñar con outros zapatos.

OBRADOIRO COMIDA SAUDABLE

A rapazada de cuarto de Educación Primaria  participou nos talleres de almorzo saudable impartidos 

polo alumnado do Obradoiro de Cociña do Patronato Beiramar do Concello de Moaña. 

Que riquísimo estaba todo. Moitas grazas pola invitación.

2 DE ABRIL. DÍA MUNDIAL DE CONCIENCIACIÓN SOBRE O AUTISMO

Este curso probamos todos a poñernos nos zapatos dos demais, e sobre todo dos compañeiros e  persoas con autismo. As fotos montadas nun video formarán parte dunha instalación que colocaremos nos xardíns do Concello. Queremos visibilizar e concienciar sobre o autismo non solo no colexio, se non tamén na comunidade  na que vivimos.

8 DE MARZO: DÍA DA MULLER

Toda a rapazada do cole reuniuse no patio para cantar unha nova versión da canción "Os días da semana" dos Pallasos da Tele. Rompendo cos roles tradicionais de xénero! 

8 DE MARZO: DÍA DA MULLER

 O alumnado de Educación Infantil e o primeiro ciclo de Educación Primaria celebrou o Día da Muller con este obradoiro creado por "O Baúl da tía Tola". O obxectivo da actividade foi resaltar a igualdade e o respecto como valores esenciais para a convivencia entre as persoas.

Exposición Día da Muller

Exposición de libros do Día da Muller e da Nena na Ciencia

 

El lápiz mágico de Malala

 Os nenos e nenas de 2ª fixeron este poster inspirados no libro "El lápiz mágico de Malala". 

Malala loitou moito para facer do mundo un lugar mellor, usando só as palabras que saían da súa mente. Todos debemos intentar ser como Malala e loitar contra as inxustizas.

Podedes ler o libro El lápiz mágico de Malala na nosa biblioteca!

25 DE NOVEMBRO: DÍA CONTRA A VIOLENCIA DE XÉNERO

Un ano máis debemos falar de igualdade e violencia de xénero con motivo do 25 de novembro. Abaixo tedes unha mostra dalgunhas das actividades realizadas, gustaríanos destacar a proposta que fixemos dende a Biblioteca para que en Primaria se traballase o tema a partir do libro "As mulleres que cultivaban néboas" de Bea Gregores.

OBRADOIRO DE ACOSO ESCOLAR EN CUARTO

Durante os días 7, 8 e 10 de xuño realizouse en cuarto curso un obradoiro sobre Convivencia e Acoso Escolar. O encargado de levalo adiante foi o Gabinete Psicolóxico Á Carón. Abaixo podedes ver fotos do traballo dos tres días. Sementamos cada día un mellor futuro para todos e todas.

PARTICIPACIÓN NO PLENO INFANTIL MUNICIPAL

Representantes de 4º, 5º e 6º curso participan do Pleno Infantil do 9/06/2022 sobre o Obxectivo de Desenvolvemento Sostible 3: Saúde e Benestar.  O resto dos compañeiros seguimos o pleno on line.

Clicando na primeira foto podedes ver o vídeo do Pleno na páxina de Facebook do Concello: