A instalación " A maxia da diversidade", realizada polo alumnado de sexto con motivo do Día Mundial do Autismo, xa se pode ver nos Xardíns do Concello. Esta instalación está formada polos elementos máxicos das distintas criaturas máxicas galegas, uns elementos que fan diferentes a cada unha delas e que as definen. Alí un código QR vos leva ao audio explicativo que o alumnado gravou en Radio Seara, e que podedes escoitar máis abaixo.
Hoxe 2 de Abril realizamos no CEIP Seara varias actividades co fin de concienciar ao alumnado e á toda a comunidade educativa sobre a importancia de apoiar e comprender ás persoas con TEA.
"Un barco no que caben tod@s" é o título da instalación artística que realizamos no colexio de Seara polo Día Mundial da Concienciación sobre o Autismo e que podedes ver nos Xardíns do Concello. O alumnado de sexto curso foi o encargado de realizala e quedoulles espectacular. No resto das aulas realizamos xogos para desenvolver a empatía, a confianza e a capacidade de poñerse no lugar do outro, para favorecer o desenvolvemento da intelixencia emocional e as habilidades sociais, así como desenvolver a escoita activa e a comunicación.
Aquí podedes ver o vídeo coas fotos do desenvolvemento das actividades e coa emotiva canción que as rapazas de 5º curso cantan ao final.
Instalación artística situada nos Xardíns do Concello de Moaña co motivo da celebración do " Día da Concienciación sobre o Autismo". Acompáñase dun video onde aparece o proceso de preparación da obra, ademais da lectura dun emotivo texto escrito pola nai dun rapaz con autismo. Grazas a comunidade educativa por participar e atreverse a camiñar con outros zapatos.
Este curso probamos todos a poñernos nos zapatos dos demais, e sobre todo dos compañeiros e persoas con autismo. As fotos montadas nun video formarán parte dunha instalación que colocaremos nos xardíns do Concello. Queremos visibilizar e concienciar sobre o autismo non solo no colexio, se non tamén na comunidade na que vivimos.
.pdf.png)