8 DE MARZO NO COLE DE SEARA

8 DE MARZO: XOGAMOS PARA A IGUALDADE.

 O marabilloso cartel feito polo alumnado de 2º de Educación Primaria para o día da muller.

NORDÉS 8M

Polo Día da Muller agasallámosvos con esta canción que ten unha mensaxe apoderadora e de moita forza.

 

8 DE MARZO DÍA DA MULLER

As rapazas de quinto cantan a capela o comezo da canción Nordés, expresando a pura esencia da música galega  e da identidade das mulleres que cantan con toda a súa forza.

              

PRIMEIRO PREMIO DE CARTEIS POLA IGUALDADE

O alumnado de 1º curso  de Primaria gañou o 1º premio do concurso de carteis escolares e lemas polo 8M, o Día Internacional da Muller, convocado pola Secretaría de Igualdade da Xunta de Galicia. Noraboa!

Pinchando na foto podedes ir a nota de prensa da Xunta.

DÍA DA MULLER

O alumnado de primeiro curso realizou un cartel con diferentes técnicas co lema "Remando cara á igualdade". Este cartel forma parte do traballo relacionado co Día Internacional da Muller.

8 DE MARZO: DÍA DA MULLER

 O alumnado de Educación Infantil e o primeiro ciclo de Educación Primaria celebrou o Día da Muller con este obradoiro creado por "O Baúl da tía Tola". O obxectivo da actividade foi resaltar a igualdade e o respecto como valores esenciais para a convivencia entre as persoas.

Exposición Día da Muller

AS FLORES DE SEARA POR CARLA COSTAS

Gustouvos tanto o proxecto de decoración que Carla e a profe Salomé realizaron para o Día da Muller, que nos pareceu unha idea xenial poder coñecer o paso a paso para así poder facelo todos nós cando queiramos, no cole ou nas nosas casas coa familia. 

Pois aquí tedes o vídeo que gravou Carla co paso a paso do proxecto para facilitarnos a tarefa.

   

Moitas grazas Carla!! Seguro que un montón de nenos e nenas se animan a facelo, pois o resultado é espectacular!!

8 M: A AVOA DE CARLA RIOBÓ

 Pili, a avoa de Carla Riobó, visitou hoxe a clase de 5ºB para falar do seu traballo como mariscadora. 

Empezou moi nova recollendo ameixas e croques, cando o marisqueo a pé non estaba regulado como hoxe en día, e calquera podía sacar uns cartiños mariscando na Xunqueira.

Pili recalcou o gran cambio que supuxo regularizar o mariqueo a pé: cotizar polo traballo e ademais gañarse a vida con el.

Xa hai uns anos que Pili está xubilada e aínda que o seu traballo era moi duros, bótao de menos.

8 DE MARZO: SELECCIÓN DE LECTURAS

Searín tamén estivo traballando na biblioteca para deixarvos unha selección de lecturas relacionadas con este día. Ademais, a profe Salomé e Carla Costas estiveron traballando nesa marabilla de proxecto que podedes ver entre os libros para representar este día e que está composto por botellas de plástico pintadas e pólas de árbores recollidas da súa poda. 

O resultado non podía ser máis bonito!! E ti, xa sabes cal vai ser a túa próxima lectura? 

RAQUEL QUEIZÁS E A IGUALDADE NO CINE

Con motivo do Día da Muller, asistimos no noso centro ao espectáculo "Cine de Historias"que Raquel Queizás protagoniza meténdose no papel de Alice Guy, a nai do cine e unha muller fascinante inxustamente olvidada.

  Realizamos unha viaxe no tempo para coñecer a súa vida e ver fragmentos das súas películas.

8 DE MARZO. DÍA DA MULLER

Este curso para celebrar o 8M realizamos distintas actividades.
Por unha parte, debuxamos e pintamos en depresores de madeira unha muller importante para nós.
O resultado de todos os depresores pegámolo sobre un mural que o alumnado de Educación Infantil pintou e que podedes encontrar na entrada do centro.
Mirade que chulo quedou!

Por outra banda, cada clase centrouse nunha ou varias mulleres aventureiras ou pioneiras. Investigaron por equipos sobre elas e plasmaron o resultado en cartolinas. Ademais, con pequenas lupas, situáronas no mapa, tendo en conta o seu país de orixe.
Cantas destas mulleres coñecías ti? Non che parece interesantísimo quenes foron ou son e o que conseguiron facer?

8 DE MARZO. DÍA DA MULLER

Leer más publicaciones en Calaméo

MULLERES CIENTÍFICAS EN SEGUNDO CURSO

O alumnado de segundo investigou sobre algunhas das mulleres científicas máis importantes da historia.

CAMPIONA DO CONCURSO DE PISTAS

Ana Couso del Río foi a gañadora do sorteo do Xogo de Pistas do Día da Muller, aínda que houbo premios para todos os acertantes.

AS MULLERES CIENTÍFICAS DAS NOSAS PISTAS

Estas son as mulleres científicas que coñecemos estes días a través do xogo de pistas:


DÍA 1: WANGARI MAATHAI (1940-2011)

Bióloga e ecoloxista. Recibiu o Premio Nobel da Paz en 2004. Foi a primeira muller en África Oriental e Central en obter un doctorado. En 1977 iniciou o Green Belt Movement para combatir a deforestación: animando ás mulleres a plantar árbores e a pensar de maneira ecolóxica.

DÍA 2: MARÍA SYBILLA MERIAN (1647-1717)
Naturalista, exploradora e pintora.
Considerada actualmente como unha das máis importantes iniciadoras da entomoloxía moderna, grazas as súas detalladas observación e descripcións, con ilustración propias, da metamorfose das bolboretas e os seus debuxos de insectos.






DÍA 3: MARGARITA SALAS (1938)

Bioquímica, xenetista molecular e profesora de universidade. Traballou con Severo Ochoa.
As súas aportacións á Ciencia son moitas, pero destaca a súa investigación sobre a enzimoloxía e os seus traballos sobre Xenética e o ADN. O seu traballo é fundamental no desenvolvemento da Bioloxía Molecular en España.




DÍA 4: MARGARET HAMILTON (1936)

Matemática, científica computacional e enxeñeira de sistemas. Entre outros cargos foi responsable do desenvolvemento do software de voo a bordo das computadoras da misión espacial Apolo, sen ela a humanidade non tería chegado á Lúa.
Na foto está co software que enviou o home á Lúa.






DÍA 5: PATRICIA BATH (1942)

Oftalmóloga, inventora e académica. Foi a primeira muller afroamericana en recibir unha patente con finalidades médicas. Propietaria de catro patentes, inventou, entre outras, a sonda Laserphaco,  que se utiliza no tratamento  de cataratas. Con ela curou a cegueira de millóns de persoas no mundo.



DÍA 6: ÁNGELES ALVARIÑO (1916-2005)

Oceanógrafa galega. Especializouse en zooplancto e foi a primeira muller en actuar como científica nun barco de investigación británico.
No curso das súas investigacións descubriu doce novas especies de Chaetognata (quetognatos), nove especies de Siphonophora (sifonóforos), e unha nova especie de medusa. En total, 22 novas especies para a Ciencia.
Clicade na imaxe se queredes saber máis cousas sobre ela.

FALANDO DE IGUALDADE

O alumnado de cuarto curso gravou o vídeo "Ponte as lentes violetas" coas reflexións feitas na aula en novembro sobre a violencia de xénero e a igualdade.

CANCIÓN "DEPENDE DE LOS DOS" SOBRE A IGUALDADE

6º E ÚLTIMO DÍA: PISTAS

Último día de pistas:

• Esta científica galega é especialista en zooplancto e unha autoridade mundial nesta especialidade.
• Durante as súas investigacións descubriu 22 novas especies.
• Foi a primeira muller en actuar como científica nun barco de investigación.
• O Instituto Español de Oceanografía ten un barco co seu nome.

Recordade que o prazo para selar e entregar os pasaportes remata o día 7 ás 12,15 da mañá.

5º DÍA: PISTAS

Aquí tedes as pistas de hoxe:

• Un microscopio que lle regalaron de pequena espertou o seu interés pola Ciencia.
• Se ser muller nun mundo de homes é difícil, ser muller e negra foi o dobre de difícil para esta científica.
• É unha das oftalmólogas máis importantes da historia.
• Cos seus inventos (entre eles a sonda Laserphaco) conseguiu curar a ceguera de miles de persoas.