Neste Mes da Ciencia alumnos de 5º curso foron polas aulas para explicar que son os microplásticos e os nanoplásticos e por qué son perigosos para a natureza e para nós. Ademais aproveitaron para sinalar que non estamos botando ben os residuos ao compost, xa que atoparon moitos plásticos nel. Temos que estar máis atentos!
Rubén, o pai de André e Luca, viu ao colexio para falarnos do buque oceánografico no que traballa. Mostrounos como é o buque por dentro, o traballo que realizan e a importancia que ten para o coidado da vida mariña. Moitas grazas.
Con motivo do 11 de febreiro, Día da Muller e a Nena na Ciencia e coa intención de levar a ciencia ás aulas, Faro da Escola invitounos a participar a través de Zoom das charlas das científicas do CSIC Cristina Álvarez (da Unidade de Tecnoloxía Mariña) e Lara García (do Instituto de Investigacións Mariñas).
Os máis pequenos (ata cuarto curso) uníronse á primeira charla, e os máis maiores á segunda. Falaron sobre a súa traxectoria, explicaron en que consiste o seu traballo e compartiron fotos e vídeos moi interesantes sobre o mesmo. Ademais os rapaces tiveron ocasión de preguntar as súas dubidas e curiosidades.
