Este trimestre encargarémonos por cursos de descubrir, coidar e coñecer diferentes plantas de interior.
Mostrando las entradas con la etiqueta eco-retos. Mostrar todas las entradas
Mostrando las entradas con la etiqueta eco-retos. Mostrar todas las entradas
14/5/22
SEGUIMOS LIMPANDO AS PRAIAS
6/5/22
Limpamos a Xunqueira
As nenas e nenos de primeiro e quinto de primaria saíron limpar a praia da Xunqueira , recolleron 7,5 kg de lixo en moi pouco tempo. SALVEMOS O PLANETA!
.png)
31/10/21
6/6/21
ECO-RETOS CONSEGUIDOS!
Ao longo de todo o curso, o alumnado estivo moi implicado en conseguir os Eco-retos que se propoñían cada mes. Cada un deles, tiña como obxectivo concienciar á rapazada da importancia de coidar e respectar o medio ambiente.
Así por exemplo, en novembro, nos comprometemos a usar botellas reutilizables para a hora da merenda. Desta maneira, reduciríamos o consumo de plástico de un só uso.
En decembro, próximo o Nadal e as datas onde máis se consume, decidimos facer agasallos con material de refugallo, co fin de reducir o consumo desproporcionado e fomentar a creatividade das nenas e dos nenos.
En febreiro, tocaba festexar o Entroido dunha maneira un tanto peculiar, así que creamos os nosos propios complementos feitos con material de refugallo.
En marzo, propuxémonos reducir a cantidade de plástico e papel que consumimos nun mes. Para iso, tivemos que pesar cada día a bolsa de lixo e apuntalo nunha folla de rexistro.
Os resultados, foron os seguintes:
E en abril, a proposta foi reducir a cantidade obtida no mes anterior, pescudando outras alternativas que nos fixeran reducir o consumo de plástico e papel. Os resultados comparativos foron:
En maio, o reto consistía en rexistrar tódolos seres vivos próximos ao noso cole.
E finalmente, en xuño cada clase podía facer a actividade que máis lle gustase para coidar o medio no que vivimos. Dende plantar, ata recoller o lixo dunha praia...
NORABOA POLA VOSA IMPLICACIÓN!
O PLANETA ESTÁ A SALVO CON VÓS!
💚
1/6/21
ECO-RETO DO MES DE XUÑO!
E por fin chegou xuño! e con el un novo reto.
Atrevédesvos a coidar da nosa Terriña?
CADA ACCIÓN CONTA!
💚
8/5/21
ECO-RETO DO MES DE MAIO
Velaquí está o Eco-reto do mes de maio!
Abride moito os ollos e observade con atención, pois o cole está cheo de vida e emoción!
22/4/21
Extra! Extra! O novo CaranveXornal xa está aquí!
Non vos perdades o CaranveXornal deste mes de abril porque é único!
A través deste medio de comunicación, o alumnado amósanos o día a día do noso cole: as medidas de seguridade e hixiene que temos que adoptar para poder usar a Biblio, os Eco- Retos, as novas plantacións, a axenda 2030... entre outros.
Aquí está!
11/12/20
SEARÍN EN FORMATO 3D
Por fin comezamos a usar a impresora 3D! Aínda que chegou á biblio no segundo trimestre do curso pasado, co confinamento non puidemos gozar dela ata agora.
E como non podía ser doutra maneira, o primeiro que imprimimos foi a nosa mascota "Searín". Aproveitando que necesitabamos un cuño para selar os eco-retos que imos conseguindo, utilizamos tapóns de deterxente aos que pegamos a cabeciña de Searín e....voilá! Maxia!
A que quedou xenial o noso selo de Searín? El está encantado de ser o protagonista dos nosos carnés e aparecer neles cada vez que logramos un eco-reto!.
30/11/20
ECO-RETO MES DECEMBRO
En decembro, imos reflexionar sobre o Obxectivo de Desenvolvemento Sostible número 12 "Consumo Responsable" xa que, veñen épocas nas que mercamos por inercia e sen pensar se realmente é necesario aquilo que adquirimos.
Ao longo deste mes, compartiremos convosco as ideas que teñan as pequenas e os pequenos para evitar gastar os cartos de maneira compulsiva e sen análise.
1/11/20
COMEZAMOS COS ECO-RETOS!!
Este mes de novembro imos comezar cunha proposta moi interesante impulsada por Voz Natura e Searín de acordo co noso PDI "Camiñando cara o 2030".
Chámase "Eco-Retos" e consiste en promover accións e hábitos necesarios para acadar os obxectivos da Axenda 2030 (diminución de plásticos de un só uso, reciclaxe, eficiencia enerxética, hábitos de consumo responsable…)
Cada un de vós terá un carné co seu nome no que irá rexistrando aqueles retos que consiga cumplir ao longo deste curso. Esperamos que logredes realizalos todos, pois haberá unha recompensiña ao esforzo e constancia!.
Comezamos co eco-reto do mes de novembro?
18/6/20
ECO-GRAZAS!
Dende Voz Natura e a biblio queremos darvos as grazas familias, por participar nos eco-retos feitos durante o confinamento. O resultado non podía ser mellor!! Encántannos cada unha das obras que conseguistes facer!!
Preme na imaxe para poder velas!
Suscribirse a:
Entradas (Atom)