MONUMENTOS DE MOAÑA E ESCORNABOTS

O alumnado de terceiro saíu neste último mes a coñecer os monumentos que hai espallados pola vila da man do artista moañés Lito Portela. Despois desta visita, repasaron todo o que aprenderon xogando cos escornabots. Sen dúbida, unha forma moi interesante e divertida de poder interiorizar mellor todos os coñecementos que asimilaron durante a saída. 

FRACCIÓNS COS ESCORNABOTS

 O Alumnado de terceiro aproveitou as súas sesións semanais á biblioteca para practicar as fraccións cos escornabots. Sen dúbida así a súa aprendizaxe resulta moito máis divertida. 

RITMOS E ESCORNABOTS

 Esta semana na aula de música os maiores do cole estiveron traballando os ritmos cos escornabots. Así, en equipos de tres persoas e con instrumentos de percusión indeterminada, un grupo tocaba un ritmo dos que había no modelo e outro equipo tiña que colocar o escornabot naquela casa correspondente. 

Foi unha maneira moi divertida de traballar este contido da materia. 

APRENDEMOS COS ESCORNABOTS

Os pequechos e pequechas do cole, iniciáronse no manexo dos escornabots xogando cos contos clásicos e os seus personaxes. Así pois, partiron daqueles contos que todos e todas coñecen para xogar coa relación e manexo destes robots tan interesantes para eles. 

ITINERARIO LECTOR COS ESCORNABOTS: NO CORAZÓN DO BOSQUE

Despois de ler, resumir e sobre todo gozar da marabillosa historia do corazón do bosque, os rapaces de cuarto elaboraron este taboleiro para os escornabots que nos permite seguir recordando.

EDUCACIÓN VIARIA COS ESCORNABOTS

Para comezar a traballar educación viaria, que mellor forma que facelo xogando cos escornabots nun plano con rúas.

Esta lámina está composta por 4 laminas A3, á que pódense unir outras máis, para facelo enorme, dependendo da distancia que queiramos que os nenos e nenas percorran co escornabot.

Na lámina hai rúas e cadrados e rectángulos onde os nenos e nenas poñen a súa foto, ou mellor, unha casa feita por eles memos. O escornabot só pode camiñar polas rúas.

Deste xeito, xogamos en grupos grandes, dende 6 nenos/as ou máis.

Comeza ún dos nenos ou nenas co escornabot onde se atopa a súa casa ou foto. Decide a qué casa ou foto do neno ou nena quere chegar. Cando chegue ata este compañeiro, é a quenda do destinatario Á vez, na mesma lámina, outro neno ou nena xoga tamén ó mesmo. Deste xeito, estarán varios escornabots na mesma lámina, o que implica que poidan cruzarse, chocar, interpoñerse no camiño, etc.

PROCESO DO PAN DE MILLO COS ESCORNABOTS

O alumnado de 2º curso aprendeu o proceso de elaboración do pan de millo a través da canción co mesmo título. Despois practicaron co panel dos escornabots.

XOGANDO COS ESCORNABOTS

O alumnado de terceiro preparou un taboleiro para xogar cos escornabots:

ESCORNABOTS E FRACCIÓNS

O alumnado de 3º e 4º cursos practica as fraccións cos escornabots.

CONTOS CO ESCORNABOT

Co motivo do Día do Libro en abril e, ata pasadas as Letras Galegas, coa profe Luisa nas aulas de infantil estiveron xogando cos Escornabots usando láminas basadas en contos.

Éstos son os contos nos que están baseadas as distintas láminas:

• “A que sabe a lúa?” (Michael Grejmiec. Kalandraka Editora, 2018)
• “Corre corre cabaciña” (Eva Mejuto. OQO editora 2016)
• “O Grúfalo” (Julia Donaldson. Grupo Editorial Bruño, S.L., 2017)
• “Carapuchiña vermella” (Charles Perrault, 1967, os irmáns Grimm, 1812)
• “Os tres porquiños”

Os nenos e nenas xogan en grupo e, en cada un dos contos, por quendas van movendo o escornabot. Cada conto ten súas propias regras, que poden variar dependendo da dificultade que queiramos. Ademáis, algúnhas das láminas van acompañadas de “cartas” cos mesmos debuxos ca lámina, para que cada neno e nena saiba cando é a súa quenda e ata onde teñen que chegar.

Xógase deste xeito:

• “A que sabe a lúa?”: O escornabot sae dende a base. Cada neno/a ten unha tarxeta cun animal. Collen a tarxeta e leva o escornabot ata ese animal na lámina.

• “Corre, corre cabaciña”: En grupo de 4 nenos e nenas. Cada neno/a colle unha tarxeta. O escornabot comeza na casa, e comeza a movelo o neno/a que ten o lobo, logo o que ten o oso, despóis o león e, por último, a cabaza. Logo volve á casa pasando outra vez por tódolos persoaxes.

• “O Grúfalo”: Mesma dinámica ca do conto “Corre, corre cabaciña” pero cos persoaxes do conto “O Grúfalo”. Neste caso o esconrabot comeza no rato.

• “Carapuchiña vermella”: O escornabot comeza na casilla onde se atopa Carapuchiña co lobo. O neno ou nena que lle toque, decide o camiño a seguir ata a casa da avoa, o de Carapuchiña (longo) ou o do lobo (curto).

• “Os tres porquiños”: Grupo de 3 nenos e nenas. O escornabot sae dende onde se atopa o lobo. Cada nenos/a colle unha tarxeta (casa de palla, casa de madeira e casa de pedra). Comeza o neno/a que ten a casa de palla e leva o escornabot ata ella. A continuación, é a quenda do que ten a casa de madeira, e leva ó escornabot ata esa casa dende a de palla. E por último, o escornabot é levado ata a casa de pedra polo neno/a que ten esa tarxeta. En resumen, o escornabot é o lobo e ten que ir polas casas dos porquiños.

SERPES DE CORES E ESCORNABOTS

Esta actividade realizou a profe Luisa na aula de 3, 4 e 5 anos, en diferentes formas de xogo grupal co seguinte material: 

1- Serpe curta: composta pola saída (cola) e 6 cadrados, cada un dunha cor. Esta serpe ten un punto de movemento no medio.

2- Serpe longa: composta pola saída (cola) e 12 cadrados, con seis cores repetidas. Esta serpe ten tres puntos de movemento ao longo dela.

3- Dado: de seis cores, un en cada cara, as mesmas que a serpe.

Hai diferentes modalidades de xogo, empezando na aula de tres anos coa serpe curta, e na aula de cinco anos coa longa. Do máis fácil ao máis difícil, as actividades que fixeron son:

1. Serpe curta recta, por grupos de nenos. En cada quenda, o neno que lle toque tira o dado. O Escornabot sae dende a cola e ten que avanzar ata a cor que lle saíu.
2. Serpe curta dobrada. En cada grupo de nenos, ó que lle toque tira o dado e avanza dende a cola ata a cor que lle saíu. Pode xirar na esquina se a cor que lle tocou está posterior á esquina.
3. Serpe longa recta. En cada grupo, o neno que lle toque tira o dado e avanza ata a cor que saíu. O seguinte neno tira o dado e empeza dende onde quedou o Escornabot da quenda anterior. Deste xeito, pode avanzar cara adiante ou cara atrás.
4. Serpe longa facendo un cadrado (a punta da cola está tapada pola cabeza). En cada grupo de nenos, o que lle toque tira o dado e avanza dende un cadrado calquera ata a cor que lle saíu no dado. Nesta serpe van avanzando e teñen que xirar nas esquinas.
5. Serpe longa non recta. En cada grupo, o escornabot comeza na cola e vai avanzando ata a cor que saíu. Como a serpe non é recta, cando o neno que lle toque chega a unha esquina, ten que xirar nesa esquina. O neno que lle toque a quenda, pode colocar a serpe como queira.
6. Serpe moi moi longa, é dicir, pegamos moitas serpes unha a continuación da seguinte para crear unha única serpe en forma de cadrado ou rectangular xigante. Colócanse tres ou catro escornaots ao longo da serpe e, por quendas, tiran o dado e avanzan ata chegar a cor que lles tocou. O divertido é que algúns dos escornabots chegan a atoparse con outro, se enfrontan e os nenos teñen que salvar a situación.

CONTOS CLÁSICOS COS ESCORNABOTS

Novo panel de escornabots en 4º curso: A partir dunhas tarxetas coa súa descrición identifican ós protagonistas dos contos clásicos.

ESCORNABOTS E MONUMENTOS DE MOAÑA

Estes paneis sobre os Monumentos de Moaña fixéronse coma complemento á saída que dentro do programa "Aprende Moaña" realizou o alumnado de terceiro curso.

Se querelles saber máis sobre a saída que realizaron os de terceiro podedes pinchar no seguinte enlace que vos leva ó seu blog:

https://searaterceiro.blogspot.com/2019/04/visita-aos-monumentos-de-moana.html

ESCORNABOT E RECTA NUMÉRICA EN INFANTIL

Esta actividade fíxose en distintas sesións nas aulas de 3, 4 e 5 anos. Cada aula dividiuse en grupos. Cada grupo ten unha recta numérica do 0 ao 12, un dado e un escornabot. Por quendas, un nen@ tira o dado, e segundo o número que toque no dado leva o escornabot dende o 0 ata ese número. Na aula de 5 anos fixeron unha segunda parte desta actividade: cada grupo tiña dous dados que lanzaban e tiñan que sumar o resultado para saber ata que número tiña que ir o escornabot.

É TEMPO DE ENTROIDO

Coñecemos os Entroidos ancestrais galegos coa axuda do libro " É TEMPO DE ENTROIDO" e do panel que para os escornabots preparou cuarto.

O ESCORNABOT E O NOME: AULAS DE 4 E 5 ANOS

Esta actividade levouse a cabo nas aulas de 4 e 5 anos. Agrupáronse @s nen@s en grupos de 5 como máximo. Entregouselles a cada grupo a plantilla do escornabot en tamaño A4 en branco. Cada nen@ tiña que escribir o seu nome nun dos cadrados e podía adornalo.
A continuación colocouse o escornabot nunha casilla e cada neno tivo que ir por turnos levándoo ata o seu nome.
Ademais na clase de 5 anos fixeron unha segunda parte: @s nen@s tiñan que levar o escornabot ata o nome dun compañeiro, sen dicir de quen se trataba. Ao chegar, tocáballe a queda a ese compañeiro, que o levaba ata o seguinte. Os demás do grupo tiñan que adiviñar a onde se dirixe o escornabot.

XOGO LIBRE COS ESCORNABOTS

Para que os pequenos se familiarizasen cos escornabots programouse unha actividade de xogo libre na aula de catro anos. O alumnado dividiuse en catro grupos, sentados no chan, co escornabot no medio, dábanlle por turnos aos botóns para que o escornabot bailara ou se movera.

ITINERARIO LECTOR "FELIZ FEROZ, O LOBO RIQUIÑO"

Os rapaces de segundo curso leron o itinerario "Feliz Feroz, o lobo riquiño". Coa axuda dos escornabots practican a expresión oral contando paso a paso o que pasa no libro.

ESCORNABOTS EN INFANTIL

Os pequenos de catro anos realizan a rutina do tempo cos escornabots, abaixo podedes ver o ben que o fan.

CÁLCULO MENTAL COS ESCORNABOTS

Practicamos por turnos sumas e restas levando os ESCORNABOTS ata a solución: