SEARÍN EN FORMATO 3D

Por fin comezamos a usar a impresora 3D! Aínda que chegou á biblio no segundo trimestre do curso pasado, co confinamento non puidemos gozar dela ata agora.

E como non podía ser doutra maneira, o primeiro que imprimimos foi a nosa mascota "Searín". Aproveitando que necesitabamos un cuño para selar os eco-retos que imos conseguindo, utilizamos tapóns de deterxente aos que pegamos a cabeciña de Searín e....voilá! Maxia! 

A que quedou xenial o noso selo de Searín? El está encantado de ser o protagonista dos nosos carnés e aparecer neles cada vez que logramos un eco-reto!. 

XA ESTAMOS DE VOLTA!!

Este curso estanos costando un pouquiño máis que de costume por en marcha a biblioteca. Searín estivo preparando un protocolo para que todas e todos poidades acceder de maneira segura á biblio nesta nova situación na que nos atopamos inmersos. Presta atención!!

FELIZ VERÁN!!

E rematou o curso... Agora toca gozar do verán, pois merecédelo polo moito que vos esforzastes e traballastes dende a casa!!

Searín despídese de vós ata a volta cunha das súas cancións favoritas: o rap que creamos entre todos para o Día das Bibliotecas Escolares.

FELIZ VERÁN!!  

RECOMENDACIÓNS LECTORAS PARA O VERÁN

Xa co curso a piques de rematar, Searín proponvos lecturas e música para este verán. Algunhas están sacadas do forno recentemente e outras son de autores que vos gustan moito. 

Esperamos que as desfrutedes alá onde as levedes!!

O RAP DA BIBLIOTECA ESCOLAR!

E así quedou o rap que creamos e gravamos para celebrar o Día da Biblioteca Escolar. 

A Searín encantoulle! E a ti? 

COMEZA UN NOVO CURSO

Comeza un novo curso no noso colexio. Este ano todo vai xirar en torno á CIENCIA e imos poñer as nosas cabezas a pensar e aprender, por iso o noso proxecto recibiu o nome de EXPERI-MENTES e Searín converteuse nun intelixente científico.