Preciosas as fotos de outono que fixestes! Noraboa!
30/10/22
28/10/22
26/10/22
LIBROS SOLIDARIOS
Decidimos celebrar o Mercadillo de Libros Solidarios o 24 de outubro, Día das Bibliotecas Escolares. Foi todo un éxito e ata a prensa se fixo eco desta iniciativa.
Moitas grazas a todos pola cosa colaboración!
21/10/22
VISITA PROTECTORA DO MORRAZO
Voluntarias da Protectora de Animais do Morrazo visitáronnos con dous canciños. Foron unhas charlas moi interesantes nas que nos explicaron a súa labor e como podemos axudarlles.
20/10/22
RADIOEMOCIÓN EN 4º
EMOCIÓNATE COA RADIO é unha proposta cultural e educativa que nace no 90 aniversario da primeira emisión da radio en Galicia. O proxecto leva ás escolas un programa de radio profesional, e conta coa participación de máis de 30 centros de educación pública.
En Seara foi o alumnado de cuarto o encargado de realizar o programa onde participaron entre outros a alcaldesa Ledicia Santos e o gaiteiro Xosé Manuel Budiño. Pinchando na foto ou no enlace podedes ir á páxina de Radio Emoción e escoitar o programa. Abaixo tedes tamén unhas fotiños e videos do proceso de gravación.
17/10/22
ECO-RETO DO TRIMESTRE
Este trimestre encargarémonos por cursos de descubrir, coidar e coñecer diferentes plantas de interior.
16/10/22
15/10/22
CONTOS E EMOCIÓNS: GARAVANCIÑO
En segundo están traballando as emocións a través dos contos. Con Garavanciño déronse conta do importante que é coñecerse e confiar nun mesmo.
12/10/22
11/10/22
SORRISOS EN INFANTIL
No Día Mundial do Sorriso a profe Elisa sacou, imprimiu e recortou fotos dos seus alumnos de Infantil. Despois repartiulle a cada neno un sorriso, procurando que non lle tocara o seu. Xogaron a poñerse os distintos sorrisos e a adiviñar de quen era cada un. Despois colocáronno na cara correspondente. Falaron de por que lles gusta sorrir, por que sorrín e como se senten ao facelo. Despois gardaron os sorrisos nun bote para que cando alguén estea triste ou enfadado agasallalo cun sorriso.
10/10/22
O MEU SORRISO FAVORITO
Despois da visita de Luz Beloso, ilustradora de "O poder máxico do sorriso" escrito por Thalía Troitiño González, as nenas e nenos de 2º curso animáronse a escribir sobre o seu sorriso favorito e contárnolo en Radio Seara.
9/10/22
CADEA DE RETRATOS CON SORRISOS
As nenas e nenos do primeiro e segundo expuxeron no corredor do primeiro andar os RETRATOS CON SORRISOS que fixeron no obradoiro de LUZ BELOSO.
7/10/22
Feliz día do SORRISO :)
Cando sentimos a LEDICIA, unha das nosas emocións favoritos, SORRIMOS...
Usamos as tablets do cole para facernos fotos e "tunealas", para que así fosen aínda máis alegres. O corredor do primeiro andar é unha festa con tanto sorriso.
ASÍ SORRIMOS EN SEARA:
6/10/22
OBRADOIROS DE ILUSTRACIÓN CON LUZ BELOSO
Con motivo do Día do Sorriso tivemos a sorte de contar coa visita da profesora e ilustradora Luz Beloso. Son moitos os libros ilustrados por ela que temos na biblioteca, e o último, "O poder máxico do sorriso" de Talía Troitiño González, lémolo en todas as aulas e encantounos.
Así que convencemos a Luz para que viñese falarnos do seu traballo neste libro, e ela fixo dous obradoiros fascinantes de ilustración: un para a rapazada de 1º e 2º de primaria, e outro para o alumnado de 3º e 4º de primaria. Moitas grazas, Luz, polo teu marabilloso traballo e polo teu tempo!
4/10/22
PREPARANDO O CAMIÑO
Os nenos e nenas de sexto van facer un pequeno tramo do Camiño de Santiago, polo que están informándose, preparándose e aprendendo. Ademais dun mural prepararon un folleto explicativo, unha credencial do peregrino e unha compostela.
1/10/22
Reto EXPRESARTE de outubro - Fotografía
.png)
Podes traer a foto ao cole impresa ou enviala por correo. Faremos unha exposición con todas as fotografías!
Suscribirse a:
Entradas (Atom)