LIBROS SOLIDARIOS

Decidimos celebrar o Mercadillo de Libros Solidarios o 24 de outubro, Día das Bibliotecas Escolares. Foi todo un éxito e ata a prensa se fixo eco desta iniciativa. 

Moitas grazas a todos pola cosa colaboración!

SEMANA DA PRENSA NA ESCOLA

Do día 8 ao 12 de marzo conmemorouse a Semana da  Prensa  en todos os centros educativos de Galicia. No noso cole realizáronse distintas actividades relacionadas coa prensa. Así pois, o alumnado de terceiro realizou un mural cunha selección de noticias relacionadas co noso proxecto de centro seguindo a Axenda da ONU para 2030. 

Sexto curso por exemplo tamén realizou unha actividade moi chula: realizaron a súa propia portada de prensa tendo en conta o día no que naceron. Así pois, mediante diferentes programas e ferramentas TIC construíron unha portada coa foto do seu nacemento mais tamén con diferentes noticias que foron publicadas no día no que chegaron ao mundo. 

O resultado final non podería ser máis espectacular!

Noraboa polo traballo feito rapazada!

A PRENSA NA ARTE

Dentro do proxecto "Comunicando "  investigamos de que forma os medios de comunicación  estaban presentes na arte ,encontramos xornais nos collages do cubismo

(movemento artístico caracterizado pola utilización das formas xeométricas , como os cubos , triángulos e rectángulos) e entre eles escollemos para traballar o cadro " Naturaleza muerta y guitarra " de Juan Gris (1887-1927).