DÍA MUNDIAL DA RADIO

A través da canle do Día Mundial da Radio (https://es.unesco.org/commemorations/worldradioday) participamos na celebración deste día para concienciar a todos da importancia da radio. Este ano celébrase coa temática "Confianza no xornalismo radiofónico". A partir deste tema e, colaborando con Radio Espora e outros centros escolares galegos, gravamos unhas noticias falsas e uns consellos sobre como detectalas.

Coa elaboración de noticias falsas queremos concienciar da necesidade de que os xornalistas e os medios respecten as normas básicas dun xornalismo ético. Que se dean noticias certas e verificables, e que se faga polo ben de todos, cun fin de interese público, que esixa responsabilidades aos poderosos e que axude a sociedade a construir un futuro mellor para todos.

Aquí tedes o programa: O inicio é moi interesante, e tamén as aportacións dos outros coles (un pouquiño antes do minuto 11 empeza a nosa participación, feita polo alumnado de cuarto curso).

Rede ESPORA · DMR22 -Rede ESPORA

11F: CIENCIA EN FEMININO

Con motivo do 11 de febreiro, Día da Muller e a Nena na Ciencia e coa intención de levar a ciencia ás aulas, Faro da Escola invitounos a participar a través de Zoom das charlas das científicas do CSIC Cristina Álvarez (da Unidade de Tecnoloxía Mariña)  e Lara García (do Instituto de Investigacións Mariñas). 

Os máis pequenos (ata cuarto curso) uníronse á primeira charla, e os máis maiores á segunda. Falaron sobre a súa traxectoria, explicaron en que consiste o seu traballo e compartiron fotos e vídeos moi interesantes sobre o mesmo. Ademais os rapaces tiveron ocasión de preguntar as súas dubidas e curiosidades.

A MULLER E A NENA NA CIENCIA EN INFANTIL

 Un ano máis contamos coa colaboración das familias para que nos falen de ciencia e dos seus traballos. Moitas grazas!

O mundo de Inho

 En 6º participamos no obradoiro de Portugués O mundo de Inho.

É un obradoiro dirixido a 6º de primaria para amosarlles a alumnas e alumnos diferentes chaves

culturais do mundo lusófono, ademais de facerlles descubrir a facilidade para leren textos en 

portugués e así achegarlles a lingua portuguesa. O obradoiro foi pensado, desenvolvido e 

impartido pola AGAL (As. Galega de Lingua), unha entidade que promove a difusión na Galiza

do mundo que se expresa en portugués.

ATOPADO O ÚLTIMO RETO DE CIENCIA NA RADIO!

CIENCIA NA RADIO 5!

A polo derradeiro reto!

CIENCIA NA RADIO 4!

Como ides cos retos? Estades acertando? Aí vai o cuarto!