Contan que o cacho, unha especie de auga máxica, que se fai na noite de San Xoan e co que lavamos a cara ese día, ten un poder sanador e protector e que, ademais, espanta ás meigas. Son moitas as herbas que pode levar o cacho, hai, polo menos, sete fundamentais, pero nalgúns lugares bótanlle máis de vinte.
Mael e Oliver, alumnos de terceiro, mostraron polas aulas o cacho que Mael preparou na casa coa súa familia. Cantas cousas interesantes aprendemos e como arrecendía o cacho!
