DÍA DA ÁRBORE EN MOAÑA

O 20 de febreiro os nenos e nenas de 2º realizaron unha saída ao monte para plantar árbores con motivo da celebración do Día da Árbore. A actividade foi nos montes da Comunidade de Montes de Moaña, na zona de Santo Tomé, limitando co concello de Marín. Organizou o Concello e alí xuntáronse co resto do alumnado de 2º de Primaria de todos os colexios de Moaña. Ademais gozaron da divertida actuación de Brais das Hortas.

NATURNOVA

O alumnado de 6º de Educación Infantil e 1º Educación Primaria realizaron unha visita cultural a Naturnova . Alí gozaron da exposición "Voar coa imaxinación" e ampliaron os seus coñecementos sobre o universo co que completaron o que xa investigaran na biblioteca do cole.

XOGADE

21 DÍAS EN GALEGO : UN POEMA DE LAMAS CARVAJAL

 Nestes 21 Días en Galego o alumnado de 2º traballou o poema que Valentín Lamas Carvajal publicou en 1876 no xornal "O tío Marcos da Portela", unha publicación escrita en lingua galega dirixida especialmente aos campesiños e xente do pobo. 

ANIMAIS EN PERIGO DE EXTINCIÓN

Lapbook sobre animais en perigo de extinción realizado polo alumnado de 3º EP, despois de investigar na biblioteca. 

CONTACONTOS DO INSTITUTO

 Un grupo de rapazas e rapazas do instituto viñeron a Seara para facer uns espectaculares contacontos para os nenos e nenas de Infantil, primeiro e segundo de Primaria. Algúns foron alumnos do noso cole, foi un pracer velos e escoitalos a tod@s!

      

CHARLA EDUCACIÓN SEXUAL

Obradoiro de educación sexual en sexto de educación primaria guiado pola especialista @tumatronasexologa, resolveu múltiples dúbidas e animou ao alumnado a profundizar no tema, consultando os libros de educación sexual que temos na biblioteca. Grazas Marta por estar con nós.