Utilizando a Realidade Aumentada en Infantil

Na parte de búsqueda de información enmarcada dentro do proxecto "O noso corpo" que levamos a cabo en 5º de Educación Infantil, utilizamos unha ferramenta que nos permitía observar o noso corpo por dentro. 

Trátase dunha camiseta de realidade aumentada que, grazas a un código de símbolos que se decodifican en imaxes, podemos proxectala en calquera dispositivo en coñecer dunha maneira máis realista como somos por dentro, así como interactuar cos diferentes órganos do noso organismo.

Para máis información, podedes ir a súa páxina web: https://bodyplanet.es/ 

O EXPERIMENTO DA AULA DE 5º EI

 As nenas e os nenos de catro aniños fixeron un arco da vella para os seus compis que acaban de entrar no cole. Grazas á capilaridade que teñen os líquidos, puideron observar a carreira que botan as cores a través dun tubo capilar (como é neste caso, unha servilleta). 

Todos quedaron encantados co experimento! Bravo!!

ECO-RETO MES DECEMBRO

En decembro, imos reflexionar sobre o Obxectivo de Desenvolvemento Sostible número 12 "Consumo Responsable" xa que, veñen épocas nas que mercamos por inercia e sen pensar se realmente é necesario aquilo que adquirimos.

Ao longo deste mes, compartiremos convosco as ideas que teñan as pequenas e os pequenos para evitar gastar os cartos de maneira compulsiva e sen análise.

Rechouchíos

 Chegan os novos rechouchíos telemáticos, sen público presencial, gravados no Centro Cultural Daniel Castelao e retransmitidos ao vivo pola canle de Facebook.

25 DE NOVEMBRO

Este curso escolar sumámonos á iniciativa do Concello de Moaña realizando lecturas, debuxos, murais pósters e vídeos onde reivindicamos a igualdade entre homes e mulleres e a loita contra a violencia machista. O Concello regalounos unhas máscaras coas que puidemos dar maior visibilidade a este día. 

Aquí tedes unha mostra dos traballos do noso alumnado!! Bo traballo rapazada!!

NOVEMBRO, MES DA CIENCIA

Cada novembro como xa é costume celebramos o MES DA CIENCIA EN GALEGO NAS BIBLIOTECAS. Este curso escolar dende a Asesoría de Bibliotecas iníciase esta actuación coa elección dunha imaxe e a difusión dun texto, a modo de MANIFESTO, de Xurxo Mariño Alfonso, profesor, investigador e divulgador científico. O autor salienta que este mes "... é unha oportunidade estupenda para deixarse enfeitizar pola maxia dos libros e do coñecemento que atesouran."

No colexio, cada titoría estivo durante este mes realizando diversos experimentos. Investigaron, atoparon problemas durante a súa execución, buscaron solucións e quedaron abraiados vendo os resultados! O mellor de todo é que esta semana tiveron que presentar os seus experimentos aos compañeiros doutras clases, e así a aprendizaxe toma sentido completo. 

Durante a primeira semana de decembro iremos colgando no blog cada un dos experimentos que cada clase realizou. Estade ben atentos!! 

OS ODS POLO ALUMNADO DE SEGUNDO

O alumnado de segundo curso estivo inmerso na aprendizaxe dos 17 Obxectivos de desenvolvemento Sostible da axenda da ONU para 2030. Unha vez coñecidas e interiorizadas as características de cada un deles, realizaron os seus propios debuxos para ilustrar cada un dos obxectivos. Ao finalizar expuxéronnos nunha das paredes da súa clase para telos ben presentes durante este curso. 
Non me digades que non se entenden moito mellor así os ODS!! Un resultado marabilloso!

Parabéns segundo!!