Rechouchíos

 Xa están aquí os novos rechouchíos. Non os perdades!

FELIZ VERÁN!!

E rematou o curso... Agora toca gozar do verán, pois merecédelo polo moito que vos esforzastes e traballastes dende a casa!!

Searín despídese de vós ata a volta cunha das súas cancións favoritas: o rap que creamos entre todos para o Día das Bibliotecas Escolares.

FELIZ VERÁN!!  

ECO-GRAZAS!

Dende Voz Natura e a biblio queremos darvos as grazas familias, por participar nos eco-retos feitos durante o confinamento. O resultado non podía ser mellor!! Encántannos cada unha das obras que conseguistes facer!!

Preme na imaxe para poder velas!

RECOMENDACIÓNS LECTORAS PARA O VERÁN

Xa co curso a piques de rematar, Searín proponvos lecturas e música para este verán. Algunhas están sacadas do forno recentemente e outras son de autores que vos gustan moito. 

Esperamos que as desfrutedes alá onde as levedes!!

O PAPAGAIO DE XUÑO

Aquí tedes o xornal do mes de xuño! Espero que gocedes coa súa lectura!!

"QUÉDATE EN GALICIA" POLO ALUMNADO DE 5º CURSO

Despois de investigar e aprender un montón sobre distintos países do mundo, o alumnado de 5º pensou que era un bo momento para volver á terra, xa que seguramente este verán non faremos viaxes de longa distancia e coñeceremos mellor Galicia. Así que, puxéronse a investigar e fixeron un percorrido polos 118 castelos que temos en Galicia!! A que ti tampouco imaxinabas que houbera tantos? 

Preme nos seguintes enlaces que tes abaixo para poder acceder ao seu blog e ver todas as interesantes propostas que vos ofrecen. 

https://quintoseara.blogspot.com/2020/06/castelos-de-galicia-publicidade-1.html

https://quintoseara.blogspot.com/2020/06/castelos-de-galicia-publicidade-2.html

https://quintoseara.blogspot.com/2020/05/castelos-de-galicia-diarios-de-viaxe.html

WILLY FOG E O ALUMNADO DE SEGUNDO CHEGAN A EEUU

Dende que comezou o curso, o alumnado de segundo está dando a volta ao mundo da man de Willy Fog. Xa estiveron en varios países como xa vistes en entradas anteriores e durante este tempo, dende as súas casas, continuaron coa aventura e chegaron aos EEUU. Aprenderon un montón de cousiñas interesantes sobre este país e realizaron murais con todas elas.

Canto traballaron estes rapaces e que resultado máis chulo obtiveron co seu esforzo! Noraboa!!