ENCONTRO LECTOR NA BIBLIOTECA!

Co galo do día da Biblioteca Escolar, o alumnado de 5º B e 3º fixeron un encontro lector. Compartiron este día lendo e contando contos en parellas, gozando así dos títulos da biblioteca 

de Searín. 

AS MOCHILAS VIAXEIRAS XA ESTÁN NAS CASAS!!

Aquí tedes un resumo da entrega das mochilas que o noso voluntariado fixo polas diferentes clases. Agora a gozar un montón con todos os libros e pelis que van no seu interior!!

O RAP DA BIBLIOTECA ESCOLAR!

E así quedou o rap que creamos e gravamos para celebrar o Día da Biblioteca Escolar. 

A Searín encantoulle! E a ti? 

FELIZ DÍA DAS BIBLIOTECAS ESCOLARES!!

Hoxe, 24 de outubro, é o Día Internacional das Bibliotecas Escolares. 

En breve contarémosvos que andivemos argallando para celebrar este día como se merece, mais... aquí vai unha pequena pista!

Continuará...

CUARTO APRENDE SOBRE MINERAIS CO EXPERTO MOISÉS NÚÑEZ

Esta semana a rapazada de cuarto tuvo a sorte de contar dous días cun experto en minerais: Moisés Núñez.
Mostroulles moitísimos minerais atopados en Moaña e o Morrazo e con el descubriron e aprenderon moitísimas cousas sobre as rochas e os minerais. Ademais fixéronlle unha entrevista en Radio Seara.

EDUCANDO CON MALIBÚ

Onte tivemos unha visita moi especial! Malibú, unha cadela que vive na Casa Grande de Xanceda, desprazouse ata o noso cole xunto coa súa coidadora para explicarnos un montón de cousiñas sobre as mascotas: características, coidados... E o máis importante: concienciarnos da responsabilidade que conleva ter un animal de compañía así coma o respecto e a sensibilidade que merecen pola nosa parte. 

Malibú quedou encantada con todos os aloumiños que recibiu e nós coa oportunidade de poder disfrutar da súa compañía e aprendizaxe. 

Se queredes saber máis sobre esta proposta podedes visitar o seu enderezo web: www.educandoconmalibu.com

CARNÉS PARA OS NOVOS LECTORES

Aquí tedes un resumo da entrega de carnés que fixo o voluntariado aos novos rapaces e rapazas que chegaron este curso ao cole. 

Agora xa poden gozar dos marabillosos libros que alberga a biblio!! 

A FAMILIA DE DALÍA VISÍTANOS POLO DÍA DAS PERSOAS XORDAS

Co motivo do Día das Persoas Xordas os pais de Dalía viñeron a representar un conto e a contarnos como é o seu día a día. Foi realmente interesante!

Aquí podedes ver o conto:

Aquí tedes ós protagonistas e un pequeno resume fotográfico:

Despois o alumnado de cuarto aprendeu como se deletrea o seu nome en lingua de signos e cal é o símbolo que Dalía e a suá familia usan para recoñecer a cada un dos compañeiros.

VISITA DE RODRIGO CONDE: UN MOAÑÉS OLÍMPICO

O xoves 19 de setembro o alumnado de cuarto curso recibiu a visita de Rodrigo Conde, un deportista de Moaña que practica remo. Leva anos acadando grandes éxitos deportivos: foi Campión de España en varias ocasións e tamén campión internacional, con varias medallas en Campionatos do Mundo.
Agora acaba de clasificarse para os Xogos Olímpicos de Tokio 2020.

Os días previos o alumnado preparou a visita de Rodrigo, investigando sobre as Olimpiadas e os deportistas olímpicos do Morrazo.

E chegou o gran día:

A noticia saiu no Faro de Vigo (premede na foto para vela)

E cando Rodrigo chegou a Sevilla mandou unha foto co seu compañeiro e as medallas que os nenos de cuarto lles regalaron:

APRENDENDO SOBRE MOZAMBIQUE CON ONOFRE MUIANGA

Hoxe o alumnado de cuarto e quinto do colexio recibiu a visita do economista mozambicano Onofre Muianga, quen está estes días en Moaña observando como se leva a cabo a xestión económica do noso concello.

Onofre fixo unha presentación moi interesante sobre o seu país, Mozambique, contestou ás preguntas dos nenos e mesmo gravou unha entrevista que lle fixeron os alumnos de quinto en Radio Seara.

O PDI EN ARTS

A aula de Arts xa rematou o seu primeiro proxecto.

 Este curso van ir saltando de continente en continente a través da arte e dos seus artistas. 

Empezaron co pintor belga René Magritte. Coñecérono no museo MARCO de Vigo o mes pasado e coas súas teachers atrevéronse a facer esta interpretación da súa famosa obra "High Society". 

O resultado non podía ser máis especial!! 

ABRE A BIBLIO!!

Hoxe abreu a biblioteca! Aquí tedes aos voluntarios e voluntarias que este curso van facer posible que a biblioteca funcione moi ben! A por todas, rapaces!!

UN MUNDO DE XENTE

Como cada curso escolar, comezamos a traballar nun novo proxecto. Este ano o noso PDI leva por nome "Un mundo de xente" e está relacionado cos diferentes países e as súas xentes. Penso que vai dar moito de si e imos aprender un montón de cousas!!

De momento, déixovos un vídeo do alumnado participando na elaboración dos murais que están colocados nas entradas do centro.

Espero que vos guste!!