31/10/26
27/10/26
APRENDIZAXE COMPARTIDA EN 1º CICLO
Os nenos e nenas de 1º e 2º xuntáronse para compartir unha experiencia de aprendizaxe moi especial. Os de 2º convertíronse en mestres ensinando aos de 1º como traballar coas regletas de forma divertida e manipulativa.
Que divertido é aprender uns dos outros!
26/10/26
AUDIO CONTO DE INFANTIL
O alumnado de 5º de Educación Infantil gravou este audio libro de "Dez tímidos fantasmas" no Samaín. Ademais traballaron a recta númerica. Quedoulles fabuloso!
20/10/26
SCRATCH EN SEXTO
Juan, de 6º de E. Primaria, é un gran afecionado a programar con Scratch. Esta semana estivo presentando e explicando ao resto da clase como montou un novo xogo.
15/10/26
SAÍDA Á GRANXA CORAZÓN DE CARBALLO
O alumnado de 3º e 4º de Educación Primaria gozou dunha xornada de convivencia en contacto coa natureza na granxa Corazón de Carballo subvencionada pola Deputación de Pontevedra dentro do programa "Vive o rural".
14/10/26
AXUDANTES DA BIBLIO EN MARCHA!
Un curso máis contamos de novo coa axuda dos nosos axudantes da biblioteca. Algúns continúan a súa labor do ano pasado e outros incorpóranse por primeira vez con moita ilusión por colaborar.
Durante o tempo de lecer realizan diferentes tarefas: colaboran no préstamo e devolución de libros, axudan aos máis pequenos a coñecer e empregar os xogos da biblioteca, colocan os libros no seu lugar, renovan a decoración segundo as distintas conmemoracións...
Hoxe traballaron arreo buscando e seleccionandolibros relacionados co Samaín para ir preparando a nosa biblioteca para esta celebración.
Moitas grazas pola vosa implicación!
13/10/26
PEGADAS ÚNICAS EN 6º DE PRIMARIA
Nesta actividade a rapazada de 6º de primaria reflexionou sobre o que nos fai únicos e especiais. Igual que non existen dúas pegadas dactilares idénticas tampouco existen dúas persoas iguais. Todos somos únicos e todos somos importantes!
9/10/26
NON É MAXIA É CIENCIA!
Esta semana o alumnado de 3º de primaria recibiu a visita dunhas compañeiras de 4º, que nos sorprenderon cun experimento utilizando un vaso, un recipiente, auga e papel.
Con este experimento aprenderon que o aire existe e ocupa un lugar, aínda que non o podamos ver.
Foi unha experiencia moi divertida coa que aprendemos que, ás veces, o que parece maxia ten unha explicación científica.
27/9/26
FESTA DA FIN DE VERÁN
Para aproveitar os derradeiros días de sol que nos deixa o verán, a rapazada de Educación Infantil celebrou unha "festa da auga" para despedilo como se merece.
19/9/26
LECTURAS QUE UNEN E MOTIVAN
O alumnado de segundo ciclo de Educación Primaria compartiu unha xornada de lectura por parellas.
Deste xeito o alumnado de 3º e 4º puideron coñecerse un pouquiño mellor e favorecer a relación entre ambos cursos. As lecturas escollidas afondaban sobre o espazo, servindo esta actividade como motivación para introducir este tema na área de Ciencias Sociais.
16/9/26
SEARA NO MINIFIC BUEU
Este curso todo o alumnado do colexio (a excepción dos pequerrechos de 3 anos) asistiu a un novo certame do FIC, Festival Internacional de Cinema de Bueu.
Abaixo podedes ver os títulos das distintas curtas que viron e gozaron os nenos e nenas segundo a súa idade. Ademais tedes a programación para a rapazada desta fin de semana.
13/9/26
PENSAMENTO DIVERXENTE E CREATIVIDADE
Nos primeiros días de clase, na aula de 3º, estiveron traballando o pensamento diverxente e a creatividade.
Partindo de diferentes formas e debuxos que, a primeira vista, parecían representar algo evidente, o alumnado tivo que deixar voar a imaxinación e transformalos en algo completamente diferente. E apareceron ideas do máis variadas e orixinais!
Ao rematar, chegamos a unha conclusión moi importante: ante unha mesma forma poden xurdir moitas ideas diferentes, porque non sempre hai unha maneira de ver as cousas!
.png)
.png)
.png)
9/9/26
UN NOVO CURSO MOI ESPECIAL
Comezamos un curso moi especial porque o cole está de aniversario: cumpre 50 anos.
50 anos de aprendizaxes, xogos, amizades, ilusións e, sobre todo, de persoas que pasaron polo colexio e foron deixando a súa pegada.
Este ano queremos celebrar todo o camiño percorrido, pero tamén seguir construíndo xuntas a historia do Ceip Seara.
Que este novo curso veña cargado de ilusión, descubrimentos e novas pegadas.
12/6/26
PREMIOS DO FARO DA ESCOLA
Na gala de fin de curso do Faro da Escola o noso centro acadou o Segundo Premio de Artigos de Opinión e un accésit especial "Mellor Sección Clasificados".
7/6/26
VOU A BIBLIO NO RECREO!
Nos recreos a biblioteca do cole convértese en moito máis ca un espazo para a lectura. Entre andeis e libros, o alumnado atopa tamén un lugar para compartir, aprender e divertirse dun xeito diferente.
Os xogos de mesa ocupan un papel protagonista, favorecendo a convivencia, o respecto polas normas e o traballo en equipo, ademais os que se animan co xadrez desenvolven a concentración e o pensamento lóxico.
Na nosa biblioteca tamén teñen unha presenza destacada os xogos de construción, que estimulan a creatividade e a imaxinación. Con eles a rapazada experimenta, crea e colabora. Ademais a biblioteca énchese de vida con outras actividades como tocar o piano, descubrir novos xogos ou participar en obradoiros organizados por profes ou alumnos e alumnas. Por exemplo, o obradoiro de calceta, organizado polas rapazas de cuarto, permitiu desenvolver habilidades manuais e crear vínculos entre o alumnado.
A biblioteca do colexio ensínanos que tamén se aprende xogando, conversando, creando e gozando xuntos. Pero, sobre todo, queremos que a nosa biblioteca sexa un lugar onde cada neno e nena poida atopar o seu espazo e medrar como persoa.
Deixámosvos aquí un vídeo dalgúns momentos de recreos na biblio.
6/6/26
SEARA ACADA MOI BOS RESULTADOS NAS OLIMPIADAS ESCOLARES
Ademais das medallas que acadaron moitos dos nosos alumnos e alumnas, o Ceip Seara quedou no terceiro posto por colexios. Isto foi posible grazas a alta participación do alumnado de Seara. Parabéns a todos e todas!!!
3/6/26
CONTACONTOS DO IES A PARALAIA
Os alumnos e alumnas de 1º da ESO do IES Paralaia estiveron compartindo unha xornada de contos dramatizados co noso alumnado de Ed. Infantil.
A Cebra Camila, Chibos chibóns. o Patiño Feo, o Gato Lambón, o Grúfalo e o Monstro de Ricardo foron algunhas das historias das que disfrutamos. Moitas grazas, chic@s!!!
2/6/26
TERCEIRO FAI UNHA RUTA POLO RÍO DA FRAGA
O alumnado de terceiro de Ed. Primaria realizou unha ruta polo río da fraga acompañados dun grupo de enxeñeiros/as medioambientais. Ensináronlles a disyinguir a flora, fauna e outros elementos que son beneficiosos para o río e o medio ambiente a través dun bingo ecolóxico.
Tiveron a sorte de observar lesmas, cágados de ra e de sapo, larvas de cabaliño do demo e un montón de seres máis!
Moitas grazas a "tp3 Natural" por compartir os vosos coñecementos e o voso tempo!
.png)
1/6/26
CALENDARIO DE SERES MÁXICOS GALEGOS
Ao longo de todo o curso, o Equipo da Biblioteca elaborou un calendario mensual vencellado ao PDI de centro "Galicia Máxica". Cada mes descubrimos unha nova criatura relacionada coa nosa mitoloxía popular. Este mes de xuño, pechamos o curso coas Mouras, completando así esta fermosa viaxe polo noso imaxinario tradicional.
Ademáis, desde a Biblioteca Creativa, o alumnado realizou unha creación artística relacionada con cada unha das criaturas traballadas.
.jpg)
30/5/26
OBRADOIROS DE BIBLIOTECA CREATIVA
Ao longo desta semana na biblioteca tivemos distintos obradoiros creativos para todo o alumnado. Estes obradoiros levounos a cabo "Trazos", partindo de contos e historias abraiantes Patricia soubo mergullarnos nun mundo de fantasía e creatividade.
29/5/26
VISITA DE RAMÓN D. VEIGA
O alumnado de 1º e 2º de Educación Primaria gozou coa visita de Ramón Veiga, quen lles falou do seu libro "Maios e Desmaios". Ademais aproveitou a ocasión para compartir co alumnado diferentes tradicións relacionadas coa noite máxica de San Xoán. A rapazada participou con moito interese e entusiasmo facendo moitas preguntas do seu libro e descubrindo moitas curiosidades sobre o San Xoán, especialmente sobre os rituais da auga e do lume.
Para rematar a actividade, todo o alumnado levou o seu exemplar asinado polo autor, polo que lle damos as grazas a Ramón pola visita ao noso centro e por compartir con nós os libros marabillosos que escribe, cos que soñamos, aprendemos e gozamos en cada lectura.
25/5/26
PROGRAMA COMUNICARNOS EN EDUCACIÓN INFANTIL
Ao longo do curso o profesorado traballou o Programa Comunicarnos co alumnado de Ed. infantil.
Comunicarnos é unha proposta de traballo secuenciada e organizada que pretende mellorar o desenvolvemento da linguaxe oral así como preparar e facilitar a aprendizaxe do proceso lectorescritor mediante o desenvolvemento de habilidades metalingüísticas.
En tres anos trabállase fundamentalmente a memoria e discriminación auditiva, a conciencia léxica e o inicio da rima (separación de palabras nunha frase, contar palabras, lembrar palabras, enumerar palabras de campos semánticos, creación de frases engadindo palabras, palabras que riman, quitar palabras dunha frase...).
En catro anos trabállase a conciencia silábica e faise un repaso do anterior (clasificar frases segundo o número de palabras, compoñer ou descompoñer palabras compostas, contar sílabas, xuntar ou cambiar sílabas para formar novas palabras, identificar a sílaba inicial ou final, identificar palabras que comezan ou rematan igual, ordear sílabas para formar palabras...).
En cinco anos faise un repaso de todo o anterior e trabállase a conciencia fonémica e o principio alfabético (articular fonemas sen apoio visual, separar sons en sílabas, identificar o fonema que soa, identificar o fonema inicial ou final, buscar onde leva o son, engadir fonemas, adiviñar palabras segundo o son, dicir os sons dunha palabra, asociar fonema con grafema ou grafemas...).
En catro anos trabállase a conciencia silábica e faise un repaso do anterior (clasificar frases segundo o número de palabras, compoñer ou descompoñer palabras compostas, contar sílabas, xuntar ou cambiar sílabas para formar novas palabras, identificar a sílaba inicial ou final, identificar palabras que comezan ou rematan igual, ordear sílabas para formar palabras...).
En cinco anos faise un repaso de todo o anterior e trabállase a conciencia fonémica e o principio alfabético (articular fonemas sen apoio visual, separar sons en sílabas, identificar o fonema que soa, identificar o fonema inicial ou final, buscar onde leva o son, engadir fonemas, adiviñar palabras segundo o son, dicir os sons dunha palabra, asociar fonema con grafema ou grafemas...).
Suscribirse a:
Entradas (Atom)